Get the app!

Post offline and never miss updates of friends with our free app.

FindPenguins for iOS FindPenguins for Android

New to FindPenguins?

Sign up free

  • Day114

    Sodeli, wie ich mal erwähnt han hät d‘Shanghai jiao tong universität 2 campus, (faktisch hends oeppe 4/5 campus aber nune zwei sind wichtig fuer mi) . Normalerwiis bini bim campus ide naechi vom stadtzentrum „xuhui campus“, aber einisch ide wuche bini wiiiiiit usse (shuttle bus 40-60 min je nach vechehr) ufm “minhang campus“. de minhangcampus isch gliichziitig de Hauptcampus vo de Uni, also de mit abstand grösst. Ich has glaubs shho mal erwähnt. Ide schwiiz wär de locker e chlini stadt.

    so huet bini mal wieder da gsi. und da ich en huufe z‘tue ha, machi was jede normal mensch mache wür: D‘uufgabe useschiebe und stadtdesse chli go sightseeing gah if den grosse campus. bis jetzt bini ja immer am gliiche ort gsi.

    Bild 1) Fuer mich: s‘interessanteste bild. Läser wo unbekannt sind mitm Luis‘sche weltbild, wird sich frage wieso: man bemerke die nummer 70 uf de siite. das isch eis dormitory vo 70 uf dem kampus! Bild 2) isch nomal es dormitory, und ich choent duzendi zeige. verruckt isch nid nume zahl, sondern eifach die wohnsilos. Das isch fuer e individualistischi perspektive sehr befremdend. doch mr derf nid vergesse, auch chinese, wie jede mensch, hend es verlange nach selbstbestimming. D‘forme ubd facette de vo sind eifach sehr andersch, sehr verborge.

    Bild 3) nebed dormitories gits natürli au forschigsiirichtige und unterrichtsgebäude. das isch eis defo. was gnau drinn stattfindet hani vergesse.

    Bild 4/5) seeli ufm kampus. allgemein es isch rein objektiv sehr schoen ghalte. Doch was mir nach ere gwüsse ziit uffallt, was am ungschuelte aug verborge bliibt, isch e gwüssi „charakterlosigkeit“. Allgemein ide Minhang Development zone in SH, es wird vieles, wegem enorme wirtschaftswachstum ide vergangeheit und zuekunft, usm bode gstampft. Es het nid ziit, wie bi eus, zum „natürlich“ wachse. so oeppis wie e begegnisgszone à la altstadt oder so, fehlt da scho bitz. Trotzdem, es wär falsch z denke d‘lüüt hier hegend das bedürfnis nid. aber es het eifachh em wachstum und fortschritt weiche.

    Bild 6) „socialise“ am see.
    Read more

  • Explore, what other travelers do in:
  • Day112

    Bild 1) de besagti alti maa wo fuer ewig läbe staht. (de grosschopf)

    Bild 2) Uusicht vom Berg uf bamboo forests. Schön!

    Bild 3) Nomal es bild vom bergspitz

    Bild 4) nüme bim tianmu lake, aber trotzdem nomeh so vandalischi akt!

    Bild 5) En teich!

    Bild 6) En teich mit hüsli nebeddraa!

  • Day112

    Es wuchenend mitm Bus nach Tianmu Hot Springs(!), was oeppe drüü bus-stunde vo SH ewäg isch. En trip mit de Language school wo i bin.

    Ich hoffe d‘reihefolg stimmt: Bild 1) Bamboo Lake. En see umgebe vo bamboo. Am bode sehr touristisch, sobalds berguf gaht nehmed touriste ab (hahaha)

    Bild 2) Ich und kollege half-way up the mountain. Vo rechts nach links: Danielle, mini chinesisch lehrerin, ich, mit ranze, charlene, mitstudentin us de philippine, hannah, au e chinesisch lehrerin. Hintergrund: Ussicht.

    Bild 3) Ufm „Berg“Spitz (ei stund träppe laufe): Rooti gebätsbändeli oder so. Es zeiche druff hett „friede bedüted“ (和), meh weissi nid. Ide schwiiz nennt mr das vandalismus.

    Bild 4) In chin gitts so e legendäri gstalt vomne alte maa wo für langs läbe staht. ebeso düend pfirsich fuer es langs läbe staht. Kombiniert mr pfirsich mit alte maa = Bild 4

    Bild 5) Ich mit Schal.

    Bild 6) Nomal en see, mitme boot druff. Fotografischi skills sind da.

    gruess Luis
    Read more

  • Day55

    Hallo liebi familie und fründä...

    Entschuldigung, es isch es ziitli här sit i mi gmolde han. Das isch zuschulde vo ärä mischig us beschäftigt sii und fuulheit. Gliichziitig: begrenzti verfüegbarkeit erhöht d‘nachfrag.

    Zur Wonigssuech: Wohnige in Shanghai z finde isch nid unbedingt eifach, bsunders nid innerhalb vo wenige täg, und na dezue nachdem die meiste wohnige bereits weg sind wil semester ja vereits agfange het, und wemmr na dezue ide iiführigswuche wo de universität steckt, und na dezue.. nei isch guet jetzt. de luis hets trotzdem versuecht, unds gschafft.

    S‘vorgehe isch folgendes: Mr dued über WeChat es paar Agents (Wohnigsvermittler) ahaue wo eim vo kollege wiitergäh werdend. Gliichziitig checkt mr online inserate uf ere website „smartshanghai“ und facebook, au döt: überall agents. Die Agents kassierend natürli 35% provision vo de monatsmieti (meistens fuers nüt mache, en job wo hoffentli bald dur de technologisch fortschriitt obsolet wird)

    Schrit 2: Ich triff mich mit ere lokale agent(in). sie zeigt mr es studio ide nächi vo de uni. (studio = einzimmer wohnig mit chuchi und duschi). ja also, mir gönd ine... da es e einzmmer wohnig isch gits nid vil zum aluege. d‘agentin weiss grundsätzli nid meh als eh i de beschribig vom inserat gstande isch.. also saubi. ich: ok findi gueti wohnig. sie: ja scheisse sorry die wohnig isch gar nuem verfüegbar. ich: gottswaldsagi und skistock. janu.

    Triff mich namal mitme andere agent: en franzos wo au ade gliiche uni wie ich isch, aber scho es wiili da isch. Ja er isch z‘spaat cho, und mr het grad gmerkt das er en schnurri isch und vo de wohnig oder susch wa wenig ahnig het. Mini Vermuetig het sich bestätigt: Ide wohnig acho sitzend da 5 bauarbeiter am rauche und charte spiele, d‘wohnig hine und vorne nanig fertig. Ja, während de franzos chli is schwitze cho isch und mit som franzose chef telefoniert ha, hanichs luschtig gha mit de bauarbeiter, au wenns mi chum verstande hend. also wieder: wiitersueche.

    Überraschend het en dütsche mir uf facebook sehr spaat g‘antwortet. Ichh bin spontan verbii gange, und mir hend zeme, er mit sinnere chinesische fründin und ich, en sehr lustige aabig verbracht. Bum zagg hani d‘wohnig übernah, kein agentur, kei agency-fee, niente. recht spontan, aber sie hend uf mich en vertrauenswürdige iidruck gmacht, und s gsamtpacket schiint au z stimme. Und somit han ich mini chli wohnig inmitte vo eim vo de riichste quartier in shanghai. Viel usländer hier, aber mini nachbare sind alles alt iigsässeni shanghainese, lustigi sieche. spiled immer glücksspiil um geld.

    gruess luis, i meld mi (hoffentli) bald wieder zrugg
    Read more

  • Day29

    Liebi Familie und Fründä..

    churz gseit: Ja, doch, ich bin gstresst,bis an gugus abe. Ja ich weiss, Uustusch, einmalig, happy-time, rägeboge und Zuckerwatte. Aber d'Universität registration isch mit so vil ungwüssheit und Fehlinformation, verbunde, und gliichziitig na d Wohnigssuechi uf eigeni Fust... Ja doch, es gaht eim Ziitwiis schlichtweg uf d'Eier. Aber Kei Sorg: Chunt scho irgendswie.Also:

    - Kursiischriibig a de Uni: Also, ein Kurs wo zu mim Pflichtprogramm ghört, gits eifach nid (bzw. es git en nume im früehlig). Was bedüted das? Im blödste Fall heisst das Ich müesst wege eim Kurs (4h/Wuche) nomal es Semester ade Universität drahenke. Aber grundsätzli soettis au nachm uustusch choenne mache. Aber ich han eigentlich alles abklärt gha vorem uustusch, und jetzt heisst eifach s gegeteil. Und denn gits an so Massechats in WeChat, Wo eifach eis durenand herrscht. Jedi Frag wird tuusig mal gstellt, und wenns mal e Antwort git verschwindet sie bald im Chat-Nirvana wil so vil luet oeppis anders schriibend. Aber Korrektur: Jetzt hends grad gschribe mr chan evt. master kürs belege, und det hets (komischerwiis) de pflichtkurs woni bruche doch debi... hey nei eifach wtf.
    - S'internet isch eifach s'hinderletscht. Online recherche wie sichs die jung generation gwöhnt isch, nid möglich. Alles gaht über mund-zu-mund verbreitig, telefoniere, Info-Blätter, und We-Chat Masse-chats. Und mr brucht e portion glück.
    - Wohnig: Jahaha das isch au so e sach in SH. --> im nächste Footprint denn. weg de fottis und i mag nid so vil schriibe ufs mal.
    - au bini a de willkommensparty gsi vo de SJTU (Shanghai jiao tong university) git vilicht au na en post, ich bin na es bitz uf de schnurre zue geh..

    Entschuldiged mis literarische Kauderwellsch. Es grüsst frohen Mutes: Luis
    Read more

  • Day17

    dear friends and family..

    ja es git natürli vil z erzähle, und viles hani warschinli bereits scho wieder vergässe. aber ich versuechs trotzdem:

    -Taxis: Es git verschideni arte: privati, normali, ueber fahrer, und express fancy was au immer.

    1. heifahrt: 120 (ca. 20chf). leck vil ztür. Da hets mi usversehe i es privats preicht.

    Denn negschmal es normals taxi gsuecht: Merkmal: grüens azeigeschild ufm dach (nid drinn), de fahrer isch es bitz i sonnere fahrerkabine
    abkapslet, sini fahrernummere isch gross uf de frontablag, und denn hets so en buzzer womr mus drucke zum de taximeter ahzbringe. Ahja und d fahrer redend sicher keis wort englisch. Also, gsuecht, gfunde, buzzer druckt, gspannt mitgfieberet wievils dasmal choschted. --> 48 yuan (8 chf). Ebe geil so. 😎
    ja bi ueber oder susch private fahrer wennds denn amal ein abzocke und verlangend eifach 100 meh oder so. abgmachte priis zahle und usstiige. trotzdem: zum glück bini kei jungi frau hie, da isch namal schwerer.

    - Fake Money: irgend so en penner, sicher de huere privati taxifahrer, het me 50 fake yuan under gmoglet! huere schafsekel gottswaldsagi und skistock nomale! 😀 ja meh gits dezue au nid sege. bi grosse beträg immer geld agügsle.

    - handy / handyabo. Ja, i ha ja e abo bi china mobile. Ok. Wil i dihei kei w lan im zimmer ha hani scho recht vil volume brucht (ca. 2 gb). ja und jetzt schribt mir china mobile immer nachrichte wie vil na übrig isch oder so: natürli nur uf chinesisch. ja genau nume so komischi zeiche und so. ja also.. ich ha mis volume anschinend scho ide erste wuche überschritte hani denn mal usegfunde. Ok. ich lüüte ah uf die englisch hotline nach erfolglose versüech direkt im lade und oh wunder, ich cha es upgrade uf monatlich 2gb volume eifach so abschlüsse. choscht irgendswie 10 chf/monet.
    und es het anschinend klappet. S guet isch sie choens eh nur s hinderleite geld neh, also is armehuus chumi nid. aber mal luege wie langs no langed.

    - Zu de gastfamilie: Ja ich seg emale es isch eh recht extremi variante vo love/hate relationship. Bsp: Ich chume spaat hei und wett samstig morge uspenne. was macht sie? sie losst i einere huere luutstärki amerikanische gangster rap, und dezue immer s gliiche lied! zum englisch lerne. Aso nei leck so luut, ich wür nöd emal so luut lose wenni de einzig mensch i ganz china wär. aso ja denn bini recht apisst gsi und ha gseit abeschrube. Halbstund später wieder luut gsi. 😀🙄
    aber denn: bsp 2) es t shirt vo mir hets uf es vordach gwindet. ide grösste müeh bindet sie schürsänkel zäme und bastlet miteme chleiderbügel so e art enterhaacke zum das t shirt ufefische. ja het nid klappet hani aber recht à la james bond manière vo ihre gfunde.

    ja ebe, mir arrangierend eus glaub jetzt langsam. 😅😅😂 aber ja, schwer zum verstah da ganze.

    - bsuech bim Jason (het mitm ricky bi burckhard mal gschaffed fuer 3 mönet). Ja ich mues sege, de jason und sini familie sind würkli sehr nett, und sisch englisch isch sehr guet fuer chinesischi standards. ebefalls, da ich jetzt bitz chinesisch cha (bitz bitz), hani au chli choenne mit de frau rede, eh sehr liebe und lustigi. guets klima bi dene. Ebefalls dunkts mi sind d lüüt chli wiiter usse us de stadt, wie bim jason bsp., grad dütlich fründlicher. mich dunkts es isch s überfüllte stadtklima wo dlüüt zum teil so... ja teilnahmslos und abgrenzt werde laht. ja i ha bi ihm gesse, gschlafe, am morge d shijiaren (sch-tschia-ruen = tochter) ad schuel bracht, inen garte, und denn ade. Gesse hemmer bi ihne dihei, d'madame het kochet: es hetti au wieder hüehnerfüess geh, vo dene hani aber scho so vil gha da hani verzichtet. defür het de jason es gschafft mir seiden-käfer-larve als bluemesame oder so z verchaufe, entsprechend hani 3 oder 4 gesse. ja isch ok gsi. ihre vater het die selber gmacht. und mit dem hani au churz ueber facetime gschnurret haha. ja chinesische schhnaps us dere grosse tonfläsche gha (68% wenni mi recht erinnere). ja da brennts dr so zimli alles weg was es git. ja alles ih allem sehr agnehm gsi de bsuech, es git also au netti, normali chinesischi familie, wo au bitz sarkasmus verstönd. s'erst wo mr de jason gseit het isch gsi: super, ich hegi im verglich zum letschtemal abgnoh 😅.

    Also: so vil dazu. Es isch eher e ziitigskollume
    als en blog. chli usführlicher grate, aber i hai ja doch scho länger nid gmolde. Insofern: Ich bin frohen mutes und schreite voran. Ich kämpfe wiiterhin wacker dur china mit mim gebrochene chinesisch.

    es grüesst de luis usm nordkoreanische nachbarland 😅😅
    Read more

  • Day6

    Ja auso, de uusgang gseht aktuell so us: I triff mi mit de klassekamerade und isch würkli lustig. die erste zwei bilder sind vo de bar rouge, det hets vil laowai's (uländer, 老外) und choschted au 100 yuan iitrit, high society also. aber ebe, direkt am bund und uussicht uf skyline.

    Oft goemmer go western food esse, bspw. nachos bim mexikaner, au nid gaaanz billig, aber fuer schwiizer ok.. denn gits na baozi, also dumplings wie de ufm bild. da choscht eine oeppe 50rp.

    denn hets na es bild vom KTV, also karaoke: En seperate ruum, speis und trank, und berauschende musik. Das ganze natürli schalldicht. Es het über 150 so chlini rüüm gha wo mr gsi sind.

    last but not least, ich bin de einzig gsi wo chegged het das mr am stier ad eier lange
    muen und nid vo vorne es fotti mache hehehehehehehee.

    Zum chinesisch, es isch immerna tough, sehr tough. S'verstah chunt sehr sehr langsam aber ich bin immerna frohen mutes. Es isch schwer z beschriibe ich kämpfe aktuell a allne fronte. Aber ja, 没关系. (mei guanxi, keis problem)

    ja gschichte verzelle isch nid so mini stärchi, aber da schaffi na dra. bim morris isch es au immer besser worde 😅😅😅.

    Gruess: Luuuuuuiiiiiis
    Read more

  • Day1

    Ich sitze grad da bim/ufem Bund und luege die skyline ah vo Shanghai. Naja, ich weiss chum wo ich soell afange, und ich mues es ja churz phalte.

    Natürlich bin ich nach de Landig scho s erstmal bitz verarscht worde und han z vil fuers taxi zahlt. Blablabla hends mi mal wieder iiglullet aber egal.

    Denn bini acho bi ein vo dene vilne grosse blöck wo doch sehr verwahrlost z'sii schiined vo usse her. Zerst hani mi mitm koffer dur es engs stäge huus kämpft und bin denn doch no acho. Es chinesischs chöpfli het mi denn dir d gitter türe begrüesst.

    D'wohnig isch halt nach chinesische verhältnis: Chli, het zwei wohnzimmer, eis badzimmer, chuchi stube gmeinsam. Also für 3 lüt wür da supper lange. Aber mir sind halt 5. Sie pennend all ide stube, und das choent na müehsam werde wenni spaat heichume. Ja unds W-lan het oeppe e riichwiiti vo 3 meter... oeb das denn fuer d Uni langed hani mini zwiifel. Aber ja, d'mueter isch sehr (eher zu) nett. De sohn aber aber chli schüch grate. Ha schwein gha, dass es na en andere uustüschler het, de cha scho guet chinesisch und isch ersch 15i. De hetmr gholfe mit de aareis zur schuel und de metro-card. Aber ebe: Englisch, forget it!

    Ja ebe, s'gfühl das die wege mir ufm
    bode pennend isch au nid grad wunderbar. Mal luege obi mal ma wechsle chan bzw. überhaupt soell.

    Und zur Metro aareis: Es isch es wunder dass d'lüüt nanig mitm presslufthammer inegstopft werded. Also, am Morge isch das wie en starche Fluss vo mensche wo ein id Metrobahn ine-riisst bzw. use-riisst. Mr mues sich richtig festhebe dasmr drinn blibt. Und ja mr schwitz halt recht wenns heiss isch und mir imne Mensche-mop isch. :)

    D'schuel isch super, het paar schwiizer da und susch au agnehm nid nur mit chinese, aber ja ich chume trotzdem zum chinesisch lerne. Aber es isch e meega herusforderig, vorallem mit de Betonige mues mr mega gnau schaffe und vorallem lose.

    Ja, alles in allem isch mr klar gsi dass de Afang schwer wird, das bestätigend alli andere au. Aber so wiit bin i frohen Mutes und mues sege es gfallt mr. Ich han huet en cafe americano uf chinesisch bstellt, das isch schomal oeppis. Wobi es isch denn doch oeppis anderes cho hahaha... 🙂🙂🙂

    PS: ja das uf de glaswand han ich gschribe.
    Read more