Was mir bis itz glehrt hei i däm Land…

…Bargäud bruchsch nienä, wird chum no akzeptiert in Schweden, alles louft über d Kreditcharte. Ig choufe ei Glace u zahle mit dr Charte. Mir hei no gar keni schwedischi Kronen z Gsicht bercho.
Uf dä Campingplätz luegt d Front vom Camper oder dr Igang vom Zält oder d Deichslä vom Wohnwagen IMMER gäge s Strössli, dass mä grad abchönnt, wenns würd brönne.
Rouchä darfsch absolut NIENÄ, nume deheim. Ou nid uf dr Stross oder ir Gartewirtschaft, ou nid ir Pousä bim schaffe. Eifach nienä, aber ig ha mi schnäu drmit chönne arrangiere😃
Alkohol mit me aus 3.5 Prozänt chamä nume i spezielle Läde choufe, i dä Systembogalet, di gits aber ganz und gar nid überall.
Bier u Wii isch nid sehr viu tüürer aus bi üs, aber Schnaps chasch chum zahle.
Ohni Handy geit hiä gar nüt, duurend und überall, ou hiä wos doch sehr ländlich und abgläge isch, muesch hüfig ä Strichcode scänne, dass innechunsch oder süsch öppis chasch erledigä.
Und di Schweden nä das aues sehr genau, si si sehr druf bedacht, dass aues richtig louft und sini Ornig het😃😂
Drfür füehlt mä sich ir Stadt und ufem Land sicher, sisch suber und ohni Hektik und sisch landschaftlich sehr, sehr schön!
Viu Wald ( hiä worwiegend Kiefer und Birken, bewohnt vo dä Elche) und viu Wasser! Riesigi landwirtschaftlichi Fälder wo zu grosse Höf ghöre.Leer más