Südamerika🥳🌊☀️

Terbaru dahulu

Südamerika🥳🌊☀️Pengembara
2 2
Salineras & Moray
1 September 2023, Peru ⋅ ⛅ 8 °C
Mir fahred (im schnecketempo😂) mitem Zug vo Puno uf Cusco durch viel Landschaft und teils zmitzt durch verschiedni Dörfli und durch en Markt. In Cusco bsueched mir d Salzterasse (Salineras) und e Inkastätte.Natürlich dörf in Peru au de Bsuech bi Iheimische mit handgmachte Alpaka-Textilie nöd fähle.Baca lagi
Lihat terjemahan
Pengembara Haha so geil😅😅
6/09/23BalasTerjemah
PengembaraGell😂eifach durch de Markt und nödmol em halbe Meter Abstand zu de Ständ teils
6/09/23BalasTerjemah
Pengembara hee duu yogiii🙌🏼😂
6/09/23BalasTerjemah
PengembaraSoo bini😎😂
6/09/23BalasTerjemah
2 lagi komen
7 suka
Südamerika🥳🌊☀️Pengembara
2 2 2
Inka Trail
2 September 2023, Peru ⋅ ☁️ 19 °C
Und los gohts am morge am halb 5i uf de Inka-Trail. Als Stärkig gönned mir üs am Vorobig no en feine Falafel. Rückblickend viellicht nöd die besti Idee gsi, de erst Tag hani ziemlich glitte..😅🙈Zum Glück fühli mi denn aber schnell wieder besser und chan denn irgenwenn am Nomi d Wanderig au wieder gnüsse. Mir wanderet mit üsere Gruppe durch d Ande bi megaschöner Ussicht. D Nächt im Zelt unds ufstoh jede morge zwüsched am 4ri und am halb 6i mitem ganze Tag wandere isch intensiv aber au richtig schön. D Natur isch so abwechslichsligsrich und mir gnüssed s (meistens) schöne Wetter. 🏔️ ☀️ 🥾Baca lagi
Lihat terjemahan
Pengembara Mega schön und ziemlich hügelig🤪
6/09/23BalasTerjemah
PengembaraJo isch scho ziemlich uf und ab gange😅
7/09/23BalasTerjemah
Pengembaraio d natur gseht mega us😍😍
7/09/23BalasTerjemah
8 lagi komen
6 suka
Südamerika🥳🌊☀️Pengembara
1 3
Machu Picchu
5 September 2023, Peru ⋅ ☁️ 19 °C
Am vierte Tag isch es denn endlich sowiit. Mir werded am 3(!😳) am morge geweckt und mached üs uf zum Machu Picchu. De Himmel isch klar und mir freued üs bimne wunderschöne Weg zum Sun-Gate ufe super Ussicht. Plötzlich stieged aber rasant schnell Wolke/Nebel uf und d Ussicht isch denn eher beschränkt.😂 Im Lauf vom morge lösts sich denn aber zum Glück uf und mir gsehnd endlich de Machu Picchu. Wunderschön wie die Inkastätte zwüsched die idrückliche Berge baut worde isch. S obligatorische Meersäuli gönnt sich de Mogli denn natürlich au no zum Zmittag, isch aber mäßig begeisteret. Müed aber sehr happy mached mir üs am Obig uf de Heiiweg und freued üs seehr uf üses Hotelzimmer.Baca lagi
Lihat terjemahan
Pengembara Isch das Meersäuli?
8/09/23BalasTerjemah
Pengembara Natürlich das im Teller!
8/09/23BalasTerjemah
PengembaraJoo da isch es gsii☹️
8/09/23BalasTerjemah
2 lagi komen
7 suka
Südamerika🥳🌊☀️Pengembara
2
Rainbow Mountain Cusco
7 September 2023, Peru ⋅ ⛅ 5 °C
Mir mached üs uf zum bekannte Rainbow-Mountain. Es hett i de Nacht i de Berge gschneit und so gsehnd mir no Peru im Schnee. De Berg isch sehr guet bsuecht und e langi Menscheschlange kämpft sich ufe uf 5000 Meter. Zum Glück isch de Schnee bis mir dobe sind uf de einte Siite scho geschmolze, dass mir die schöne Farbe doch no gsehnd. Weg vo allne Lüüt wanderet mir denn no is Red Valley, es wunderschöns Tal.😍 Und denn heissts scho Abschied neh vo Peru. Wunderschön wars.Baca lagi
Lihat terjemahan
Pengembaramega schön🥰🥰
9/09/23BalasTerjemah
Pengembara Sportlich sportlich, Respekt! 🤔
9/09/23BalasTerjemah
PengembaraGell🤪😎
9/09/23BalasTerjemah
3 lagi komen
5 suka
Südamerika🥳🌊☀️Pengembara
3 2
Tulum, Q. Roo., Mexiko
8 September 2023, Mexico ⋅ ⛅ 32 °C
Viva Mexico!! Wills kein Direktflug vo Peru id Schwiiz git entscheidet mir üs für die letzte 9 Täg in Tulum. Am Flughafe tröffed mir zum Abschluss vo üsere Reis nomol ufd Gioia und verbringet die letzt Ziit wieder zeme.🥰 S Wetter isch super und üses Hotel direkt am Meer mega schön.😍 Mir freued üs uf entspannti Täg mit guetem Esse.😋😋Baca lagi
Lihat terjemahan
Pengembara Cool gnüsseds no👍😎
12/09/23BalasTerjemah
PengembaraDanke das mached miir😊😊
12/09/23BalasTerjemah
Pengembara Erinnert mich an Alain Berset 😅
14/09/23BalasTerjemah
Pengembara😂😂😂
14/09/23Balas
PengembaraWeiss jetzt nöd obi das als kompliment söll neh oder nöd 😅
14/09/23BalasTerjemah
2 lagi komen
7 suka
Südamerika🥳🌊☀️Pengembara
2
Cenotes, Parque Dos Ojos
9 September 2023, Mexico ⋅ ⛅ 32 °C
In Mexico dörf natürlich s tauche au nöd fehle. 🙌🏻☺️Mir tauched i es paar verschiedne Cenote. Vo mega dunkle Gäng mit Stalaktite und Stalagmite zu Cenote mit viel Liechtifall und mystischer Stimmig isch alles mega idrücklich.😍Baca lagi
Lihat terjemahan
Pengembara Wow, das isch aber echt öbbis Neuis! Echt idrücklich! 💪👍
13/09/23BalasTerjemah
PengembaraGell😊mega spannend gsii☺️
13/09/23BalasTerjemah
PengembaraWunderschöni Tauchufnahme 🥰…….
13/09/23BalasTerjemah
2 lagi komen
6 suka
Südamerika🥳🌊☀️Pengembara
Cenote Angelita
12 September 2023, Mexico ⋅ ⛅ 34 °C
S letzte mol tauche..😢d Cenote Angelita isch es dunkles, tüüfs Loch. Will früehner Teil igstürzt sind hetts Äst und vo de Verwesig e dicki, stinkendi Nebelschicht zum duretauche Unterwasser. Wie vonere andere Welt, so richtig mystisch de Tauchgang.😆Die zweit Cenote isch wie im Aquarium mit me Höhleteil, mit vielne chline Fischli und anere chline Süesswasserschildkrot. Leider scho wider verbii, aber schön wars.😍😍Baca lagi
Lihat terjemahan
PengembaraDas isch än würdigä Abschluss vo därä Reis. 👍💪
14/09/23BalasTerjemah
PengembaraJo das findi also au☺️🙌🏻
14/09/23BalasTerjemah
4 suka
Südamerika🥳🌊☀️Pengembara
2
Chichén Itzá
13 September 2023, Mexico ⋅ ⛅ 34 °C
Mir verabschieded üs vo Tulum und mached üs uf de Weg Richtig Insle Holbox. Ufem Weg bsueched mir de Mayatempel Chichen Itza. Es isch mega heiß und mir sind noch zwei Stund sehr froh zum wieder is Auto stiege z chönne. Mitem Schiff fahred mir uf Holbox und dötte mitme Golfkart durch grossi Regepfütze zu üsrem Hotel.Baca lagi
Lihat terjemahan
Pengembaragnüssed no di ledste täg😁🙌🏼😘
15/09/23BalasTerjemah
PengembaraDas mached mir😊
15/09/23BalasTerjemah
Pengembara Was het denne der Marc 😮‍💨🥴😲?
16/09/23BalasTerjemah
PengembaraHeiss gha😆
17/09/23BalasTerjemah
5 suka
Südamerika🥳🌊☀️Pengembara
Holbox, Lázaro Cárdenas, Q. Roo., Mexiko
16 September 2023, Mexico ⋅ 🌙 28 °C
Die letzte drü Täg entspanned mir uf de Isla Holbox, gnüssed s Meer, de Strand und s guete Esse und stelled üs langsam ufs heiicho ih..so wunderschöni Ferie gsi😍😍und so schnell scho wieder verbii..
Lihat terjemahan
PengembaraSo schöni Strand Stimmig 🌅🏝️😍traumhaft……
20/09/23BalasTerjemah
5 suka

Tamat perjalanan
17 September 2023