Kurze Zwüschestopp in Lumbung Sari

Neue Tag, neus Abentüür! Für üs ischs hüt i ä neui Underkunft gange. Det ahcho isch öpper ä wildi Wasserratte gsi und öpper es Schattegwächs. Interpretatione lömmer eu offe. 👩🏼->🦀 | 👩🏽->🐬
Am Nami ischs denn no in Garuda Wisnu Park gange. Dank me liebe Taxifahrer sogar no mit Rabatt ( 1 CHF aber mer nämed was mer bechömed🤝🏼)
D Michelle het welle dä lässig Kinderfilm go luege, doch Dezibel Regligä kenned die det nöd. D Noemi isch froh hemmer euses ghört nöd verlore. Glernt hemmer allerdings es wichtigs Wort: „Tirta Amerta“. Was heisst kei Ahnig, aber vorcho ischs seeeehr oft😂
Alles uf dä Liste abkrüzlet bis uf die drüü Königä. Die hemmer eifach nöd gfunde. Ir grosse verzwieflig sogar zwei, ja mir meined zwei! Lüüt go frögä doch irgendwie het keine ä ahnig gha was für drüü gstalte mir wend ahluege. Mit grosser truur simmer uf dä Heiweg gsteppt. Denn dä Liechtblick vo dä Michelle über ihri link Schultere: Ei was gsehts sie det ännä stah? Ja korrekt, es sind die verlorene drüü! Wo mer denn devor gstande sind hemmer us luter höflichkeit doch no es Foti gmacht, will so überzügend sind doch nöd gsi wie erhofft😂 Alles im allem wieder en lustige Tag☺️Lue lisää