Munduk erkunde Tag 1

Hüt isch wieder en Tag voller Erlebniss gsi (für eimal sogar nur positivi!😂). Es isch am 10ni losgange mit me Guide wo mer für dä ganz Tag buecht hend. Er het eus di schönste Sache i Munduk zeigt. Ahgfange hets mit em Ulun Danu Bratan Water Tempel. Wunderschön gsi, aber dä Wind het eus ä Hüehnerhuut zauberet😅🐓
Nachher het er eus gfrögt ob mer irgendwo härä wend, mir drüü natürlich alli nöd gwüsst was dä Taman Satan isch und eifach mit breitem grinse Ja gseit. Det ahcho gmerkt das es leider en Zoo isch. Als chlini Überraschig hets viel Tier wo frei im Zoo chönd umegah überwiegend halt eifach nur d Vögel und d Fledermüüs. Di andere Tier hend chum platz und meistens nöd mal es gfüllts Becki mit Wasser😕 Ufs Elefante riite hemmer ganz klar verzichtet und denn ischs wiiter gange richtig Reisfelder. Ä 1h wanderig dä duur isch zum glück nur grad us gange, so hemmers am liebste😁
Nöd behaupte chömer das vom Weg abe zu dä Wasserfäll. Ah gschnufft wie öpper wo grad en Marathon grennt isch hemmer euse Guide wommer dobe wieder ahcho sind😮‍💨
Ganz an Schluss hemmer numal ä Tee/Schoggidrink und Kaffi verkostig becho😍
Usklinge lah hemmer dä Abig im ne schöne Resti zum chli dä Geburtstag fiireee!🥰 Es het zur feier des Tages en Mojito gäh, sehr fein isch er gsi😋 Dank em fliessige Whatsappe mit em Typ vom Resti het s Geburikind sogar än Kueche mit Kerze becho in begleitig vom ganze Personal wo gsunge het…wie süüsss!👏🏼🎂Les mer