Tschüss Munduk👋🏼

Ab gahts id nöchi zum Vulkan, wo morn Morge di gross wanderig ahstaht. Was mer nöd bedenkt hend: wie kalt das es det obe isch…😱 Sünneliprogramm hemmer müsse uswechslä gägäs möglich kei Huut zeige das die cheibe Flüge fern bliebet!🪰🤨
Bi eus i dä nöchi hets absolut NÜT deshalb simmer mit dem coole Taxi-Buggy zum Resti bracht wordä😍 Nach em guete Zmittag hemmer denk es isch mal wieder ziit für en Mojito. Wie mer am Schluss use gfunde hend, het dä dä Lehrling gmacht. Schön süferli alles parat gleit, gschnitte, gmixt und ahgrichtet. Het eich guet usgseh vo Aug. Denn aber dä ersti Schluck…s Messglas für dä Rum het er wohl mit me Littermass verwächslet🫣 Wo er zrugg id Kuchi isch het au er en schluck vo sim Meisterwerk probiert…s Gsicht het öppe so gmacht->😵‍💫 Vor luuter schock wie hässlich s schmöckt hetter sind Usbilder gholt und gseit er söll mal probiere. Dä isch bim probiere fast hine usegheit und het schnuer stracks alli Zuetate wieder fürä gno.
Endresultat: zwei Mojito für eine, geil🤙🏼
Dä Znacht isch eher truurig usgfalle da mer weder es Taxi hend chönä bstelle no i gringer frist irgendwo härä laufe. So hets halt eifach „Brot“ us em Supermärt gäh mit chli Gonfi und Gurke mit Aromat.😅 Nachher früeh go schlafe das mer fit sind für d Wanderig!🌋 Czytaj więcej