Spontani Planänderig!

Am 18. Juli simmer dä Tag dur ah d Blue Lagoon. Wieder hemmer ganz viel Fisch gseh, dasmal au no chli spezielleri wie zum Beispiel en Schwarm vo Babyschwertfisch😇Am Dunnstig Abig hets eich gheisse ab uf Sideman. Nacheme kurze Ustusch denn d Entscheidig: Mir bruchet mal wieder chli Party und wend langsam weg vo dä puure Natur ohni Touris. Hotel storniert, neus Hotel buecht, Rucksack packt und ab is Taxi! 2h spöter simmer den im Partystädli Canggu ahcho🥳 Duscht, parat gmacht und los ischs gange in erste Club! Fast scho chli gföhrlich das die drinks da so billig sind😅 Zu eusem riese erstuune d Musig, d Lüüt und vorallem au d Lokation eifach dä Hammer! S Motel Mexicola wird glaub euses neue Memphis😂 Am 4i i dä Nacht heicho und denn am Fritig grad numal wiederholt. Bade am Strand (womer übrigens dä chli Bobby kenne glernt hend🐶 Nachdem hemmer grad Hundebaby Yoga buecht…meh Infos folget nächst Wuche😂), esse und am Abig ab is Mexicola😍Read more