Resultat vo dä erste Nacht

Nach dem mer s Video gester fertig gha hend hemmer eus no ah di zweit Matratze gwagt. Es het am Schluss sogar tiptop dri passt!😍 Denn hemmer eusi Schlafseck usegno und leider müsse feststelle öpper het en Schlafsacke für minus Grad und öpper eine für zum am Strand liege…jup somit het denn dä dicki Schlafsack müsse teilt werde😂 Bim ihschlafe no alles guet gsi aber es het au nur ei umdrehig brucht vom jeweils andere und scho het mer s gfühl gha mer segi i dä Antarktis🥶 Öppe ab em 01:00 simmer all 15min wach gsi will mer gmeint hend mir sterbet vor kälti. Dä Körper het zitteret und gmacht, so öppis wünscht mer nöd mal sim Erzfeind🫢
Am 9.00 denn heilfroh gsi simmer beidi no am läbä. Nach em erste Blickkontakt jedoch s erste Lache, will mer di blaue Lippe vom andere hend dörfe bestuune. 😂
Fazit: NEI, so gaht das nöd numal ä Nacht. Somit ab in K-mart en zweite Schlafsack go poste. Zudem au no:
-Kuschelsocke
-Pullis
-Trainerhose
-Leggings (für under d Hose)
-und en Schal
Jetzt folgt s zweite Problem wommer am hütige Tag gha hend. Ufgwacht mit zwei Handy‘s wo s einte 0% gha het und s andere 15%. Mir zwei reisefüddlis hend denkt seget usgrüsted. Hend en Solarbetriebene Rucksack zum lade sowie au ä Solarbetriebeni Powerbank, nur blööd wenns dä ganz Tag bewölkt isch. Bis am 14.00 simmer mit dene 15% dur d Gägend gstüüred und hend eich nur eis Ziel gah: Ä Steckdose z finde. Innere Shoppingmall simmer denn fündig worde und deshalb denn 2h näbet dere am höcklä gsi…ihr gsehend mir hend hüt ganz en ufregende Tag gha😂😇
So jetzt ligget mir aber i eusne zwei kuschligä Schlafseck und hend sogar no gfühl i dä Füess, wie schön!😍Les mer