Weekend Teil 1/2

Da mer plant hend nur zwei volli Täg in Newcastle z bliebe simmer mit nur 4h schlaf wieder ufgstande. Die erste paar Minute sind nonig so dä Hit gsi doch nach ä paar Schritt ah dä frische Luft hemmers gschafft üsi Auge offe z bhalte. 🥱 Dä Plan für am Samstig isch gsi zum Lüchtturm z gah und i en Park wo mer wohl Koala chan gseh😍 Vor em Lüchtturm het eus denn e hungerattacke packt und mir hend eus zwei feini Burger und Chips bstellt. As ässä so am Meer chönt mer eus fast drah gwöhne☺️ Gstärkt denn wiiter zum Lüchtturm, zu eusem Glück hemmer sogar ue dörfe go luege😁 Dur s ässä und wandere hemmer d Ziit total vergesse und für dä Park hemmer kei Ziit meh gha, deshalb ab is Hostel und sich parat mache. Am 6i hemmer denn üsi Kollege troffe und im Hostel die verschiedene Spiel ustestet wos het. Vo vier sind genau zwei gange🙂 Aber janu mer nimmt was mer cha😂 Die hinderwälder kenned eifach Gsprütze Wiiswii nöd?! Da hemmer natürlich müsse endere und sie hends mega guet gfunde, hemmer au nüt anders erwartet eigentlich😝 Denn ischs au scho erneut los gange in King Street Club, doch uf em Weg het eu es Schild mit Happy Hour Drinks no kurz Ufghalte…😅Read more