Moreton Island

Am Dunnstig hemmer en Usflug uf Moreton Island übere gmacht. Am 10ni isch besammlig gsi am Hafe und den simmer mit em Boot 75min uf d Inslä gfahrä. Det äne ahcho simmer vo GANZ viel Vögel und meh strahlend blaue Meer mit wiisem Sand begrüesst wordä. Es richtigs Träumli.🤭
Mir sind denn zerst i d richtig vo dä Wracks gloffe und hend denn aber d Drohne dä wiiti Weg flüge lah und sind gmüetlich im Sand ghöcklet😅
Nachher ischs denn go Zmittag ässä gange und kurz druf abe isch au scho besammlig gsi fürs Sandschlittlä. Naja schlittle isch chli übertriebe denn statt en Schlitte hemmer eifach es Brettstuck becho😂 Aber klappt hets schluss am end trotzdem🥳
Mit gfüllte Kleider und meh gfüllte Muul simmer denn nach zwei Runde wieder zrugg an Hafe. Chline Spoiler: En Tag spöter sind sogar no blaui Flecke dezue cho…🙂
Am Abig hemmer denn es halbs Gourmet Gricht kochet. Es het es Pilzrisotto mit Poulet und panierte Zucchini gäh😍
Nach dem simmer denn auch is Food-Koma gheit😂もっと詳しく