Bunda Berg

So Exgüsii aber da grad Wuchenend isch bestaht dä Tag us bitzli schlafe, partymache und ässä😅 Aber das gsehnder denn im nächste Pinguin 🐧
Am Dunnstig simmer uf Bunda Berg gfahre. Dä ersti Stopp isch im ne Turtle Museum gsi. Mir hend chli erfahre was die so chönd ect. und denn simmer an Strand go gugge ob mer eini gsehnd, leider ohni Erfolg.😶
Spöter ischs wiiter gange zum absolute Highlight vom Tag und zwar id Rum Destillierie. Mer chan sägä nach dene 1,5h simmer jetzt richtigi Profis😜
Am Ahfang hemmer 30min selber chönä im Museum läsä wie d Brauerei entstande isch und was alles scho so passiert isch. Z.B isch sie scho zwei mal abbrennt wägä dä Buschfüür😲 S Museum isch i diverse Fässer ufbaut gsi, sprich i jedem Fass hesch öppis anders chönä erfahre über dä Prozess und au d Zuetate wos brucht. Chline spoiler, es sind nur 3 Zuetate wos brucht und scho entstaht din treue begleiter für dä Abig😂
Nach dere halb Stund isch denn eusi Guidin cho und het eus usegfüehrt. Mir hend alles müsse abzieh wo ä Batterie drinn het sprich Handy, Uhre und au d Autoschlüssel. Nachher ischs ab id Fabrik gange mir hend us nöchster Nöchi alles chönä beguetachte und eusi zwei coole Guides hend viel z verzelle gha😉 Am Schluss hemmer denn id Bar chönä und pro Person zwei Rum uswähle wo mer gern würed probiere. Mir hend üs für Rum mit gschmack entschiede wie: Vanille, Salted Caramel oder au Schoggi. Es het echt gueti drunder gha aber au paar wo eim s Gsicht recht verzieh lönd🙂😂
Wie chönts au anderst si hemmer als gueti Touris no müsse en Huet kaufe und ä chlini Foto Session mache, mer weiss ja immerhin nöd wemmer s nächste mal det isch😄
Uf em Weg nach Agnes hemmer am Abig au no s grosse Glück gha und ganz viel Känguru gseh 🦘😍 Zum Abschluss hets no gheisse koche und denn simmer aber au Nudelfertig gsi für dä Tag😴Читать далее