Ab uf Cairns

Am Dunnstig isch es grad mal zerst an Mission Beach gange, doch leider hemmer chli meh erwartet gha. Er isch hübsch gsi aber bade het mer det nöd chönä. Vielleicht also erklärig mer chan ja da eich niergends meh is Meer wägä dä Krokodil aber ah sehr vielne Ort hends Netz im Meer gspannt wo dägägä söttet helfe. Ah dene Ort muss mer denn eifach immer zwüschet de Flagge schwümme sofern die ufgstellt sind, wenns lieget heisst das dä Lifeguard isch grad nöd det und mer dörf nöd bade. Eich ä mega cooli Lösig das mer doch no chli i dä Welle chönd plantsche😁
Aber ebe am Mission Beach hets so öppis leider nöd gha deshalb ischs uf direktem weg uf Cairns. Det ahcho simmer grad zerst zu dä Pools (au wieder en ersatz fürs Meer) mer chans sich vorstelle wie ä Badi wo gratis isch, somit genau euses Mucho Gusto😂 Zudem hets um und im Pool Sand mer fühlt sich also eich fast chli wie im Meer fehlt nur s Wellebad und d Imitation wär perfekt☺️
Übrigens mega krass mer het eifach i ganz Cairn gratis Wlan! Mer het sich eimal müsse Registriere und denn ischs tiptop gange. Crazy so öppis🫢
Nach em Dusche simmer as Cairns Festival, naja eich hets eifach chli belüchteti Bäum und ä Wassershow gha das alles isch no understützt worde mit gaaaaanz viele Seifeblase. Mir als Schwiizer verstönd under Festival halt was anders🥲😅 Janu mir sind den ab is Giligans aber au das mit meh chline umweg. ID sind det nöd zueglah nur Fahrerusweis oder Pass🙄 So en Bullshit hemmer ja no nie ghört. Da di andere 3 ihre Fahruswiis debi gha hend sind eifach mir zwei no ä Ägstra rundi mit em Taxi go fahre🚖 So bim zweite Ahlauf hemmers denn gschafft😌Read more