Ab uf Darwin

Am 8i isch Tagwach gsi da mer am 9.30 los müend. Mir hend no fertig packt, ufgrumt, entsorgt und denn ischs ab an Flughafe. Uf em Weg det härä hemmer no googlet wie das mit übergepäck ect. isch. Mir hend gseh pro Kilo muess mer 20 zahle. Und mir hend 15 kilo z viel was somit ä stolzi Summe vo 300 wür mache. Das wemmer uf gaaaar kein Fall, da nöd mal dä Flug so viel kostet het😣 Mir hend aber gseh es wiiter Gepäck wür nur 55 koste🤔 Mit dem im Hinderkopf simmer denn zum Check-in. Und jup wie eich erwartet het sie gseit mir heget übergepäck und münd pro Kilo 20 zahle…ABER nicht mit uns😂 Mir denn grad gfrögt obs denn möglich isch no es dritts Gepäck Stuck ufzgäh da mir online gseh hend das das nur 55 wär und ob das richtig isch. Nach paar studier Minute und än kurze schwätz mit ihrere Kollegin het sie eus denn s Kartgerät härä ghebt mit em Betrag vo 55 druf🥳🙌🏻 Wuhuu informiere lohnt sich hend fast 250 gspart und d Rucksäck genau so chönä lah wies gsi sind😜 Schlau Füchs simmer🦊 So ab dur d Sicherheitkontrolle und hoffe das s Habdgepäck (wo natürlich au übergwicht het) nöd gwoge wird😅 Tiptop dur d Sicherheitkontrolle und nix müsse wägä. Im Flughafe denn mal s Wlan gnosse und am 11.40 isch denn Boarding gsi. Wommer det härä laufed winkt üs scho ä Frau, mir denkt hei wie fründlich denn gsehmer d Wag näbet ihre…🙂 Trotz insgesamt 3kg übergwicht nüt gseit🥳 Wow wär het denkt das mirs mit schluss am end 18kg z viel trotzdem so „eifach“ schaffet, mir sicherlich nööd!😂 Aber langsam mümmer Plän schmide will eifach nüt meh z Poste isch wie schwierig😶
Dä Flug isch eich tiptop gange bis uf das das mir endlich mal en Fensterplatz gha hettet det aber eifach ä Frau härä ghockt isch🙄 Naja hend denn nüt gseit eus aber trotzdem ziemlich gnervt will grad nach em abflug het sie s Fenster zue gmacht, somit nüt worde mit schöner Ussicht.
In Darwin hemmer jetzt nur no 7,5h ziitverschiebig. Zerst simmer unglaublich verwirrt gsi will mer nöd checkt hend das es au halbstüdigi verschiebigä git. 😅
So am Abig denn grad usgibig go ässä will mer fast verhungeret sind😊
Für di erst Nacht sind mer im ne Hostel und nachher hemmer eus für ei Wuche es Airbnb gönnt😍🙌🏻
Wommer im Hostel ahcho sind denn dä Schock ⚡️ Es Red Bull vo dä Michelle ihrem Rucksack isch uf dä Reis kaputt gange und het vieli vo ihrnä Kleider nass gmacht😶 Mer muss no wüsse ä Wuche vor Abflug hemmer 24 Red Bull kauft, doch leider hemmer ein Tag vorher festgestellt das mer chum was trunke hend. Will Geld defür usgeh und denn wägschmeisse nöd gaht hets halt au is Gepäck müsse…erklärt vielleicht au s Gwicht no chli besser😅
So zrugg zum Problem…es het nachher ä gueti putz rundi gäh wo mer scho Weise d Kleider i verschiedeni Säck tah hend das mer im Airbnb nur no chönd d Wösch id Wäschmaschine rüehre. Nach dem mer das Problem glöst gha hend simmer tod müed vo dä Reis is Better gheit😴Read more