Schomal chli ahklimatisiere ah d Schwiiz

Es het glaub scho lang nümm en Tag so guet gstartet wie mit dem Buffet wo eus begrüesst het!🤤 Es het eifach alles gha was das Herz begehrt, hend also ordentlich ineghaue.😋
Nachher simmer mit meh Grab zum wohl schönste Strand vo Pattaya…naja viel Strand het eus det nöd begrüesst. Somit es neus Grab bstellt und zum nächste Strand düset. Dete hets scho viel schöner usgseh. Cha nöd mit dä Philippine mithebe aber zum sünnele und ab und zu tunke ischs perfekt gsi. Am spötere Nami simmer denn wieder is Hotel und hend numal s gliche wie vorher am Strand am Pool gmacht. 😌 Am Abig simmer denn numal chli dur s Städli und no ah d Walking Street go luege was es für Bars/ Clubs het. Sind zerst i ä Bar go UNO spiele, d Musig isch det echt guet gsi.
Chli spöter simmer i d Eisbar wos eifach -11 Grad drin isch. Hend denkt münd eus schomal mit dä Schwiizer Temperature usenandsetzä.🥶 Hend zum glück no en Flauschmantel dörfe ussueche ohni dä hett mers kei sekunde det drin überstande.🫢🧊 Am Schluss hemmer no nach meh guete Club gsuecht. Bi dä erste paar hemmer also gar kei Glück gha det isch nur Indi Sound gloffe. Gar nöd euses hemmer müsse feststelle.🫣😂
Hend denn ganz am Endi vo dä Strass doch no eine gfunde mit meh super DJ. Aber dä Usgang da une isch trotzdem nöd so s gälbe vom Ei. Alles alti Säck mit ihrnä Thaifraue und gaanz viel Inder…🙃 Am 2 hets eus denn also au scho wieder glanget und mir sind hei gange is warme, kuschlige und vorallem SUBERE Bett!🥹😂Read more