Zrugg uf Bangkok und letschti Abig

So am Mittwuch ischs nach em Zmörgele zrugg uf Bangkok gange. Det ahcho simer subito in oberste Stock ue zum Rooftop Pool. 🏊🏼‍♀️ Hend no s letschte mal i dem Jahr d Hitz gnosse und usgibig Bädelet!☺️
Am Abig simmer denn gmüetlich dur s Städli gloffe und wie chönts au anderst si hemmer no s ein oder andere pöstelet.😁
Mir hend eich nur eis Ziel gha für in Thailand und zwar es ->Hairtreatment<- chönä z mache. 🧖🏼‍♀️ Da dete d Haar logischerweise gwäsche wärdet hend d Michelle und d Noemi denkt sie wäschet d Haar nach em Pool nöd. Womer denn aber bi zwei Studios scho abglehnt worde sind, wills kei platz meh gha hend, hemmer eusi Entscheidig mit Poolwasser Haar use z gah chli bereut. Wend ja schliesslich uf dä letschtä Fotis vo dä Ferie gueti Haar ha!🫣😂
Sind denn mal was go ässä und hend denn aber gseh das d Rooftop bare nöd all zu lang offe hend, weshalb s langsam chli knapp wird no z gah. Mir hend denn ufgäh das mer no es Studio defür findet doch s grössere Problem sind d Haare gsi. Nachere Gruppe besprächig hemmer denn en 1A Plan gha und zwar das mer eifach en Termin uf morn Morge am 8i mached. 🤝🏼
D Jasy und dä Michi sind für eus zwei dä Termin go abmache (Danke numal ah därä Stell ah eu!☺️) und mir zwei hend 12 Minute ziit gha zum Haarwäsche, Haar tröckne und eus z schminke. Mer sött meine unmöglich het ja schliesslich au nur ei Duschi ect. ABER durs ganze stresse zum pünktlich ah d ZSC Match cho simmer recht erprobt und hends gschafft pünktlich am 10.43 wieder dunne vor em Hotel z stah. 🥳
Wie s Zimmer nachher usgseh het lömmer jetzt mal weg…😅 Guet, het mer s schnell parat mache au scho mal wieder güebt für dihei. Mer chan also sägä mir sind jetzt fast ready zum heigah.😇
Hend eus denn es Grab bstellt und uf dä Weg gmacht richtig Bar. Dobe ahcho hemmer no s letschte mal d UNO Weltmeisterschaft vollendet! 🃏
Sind denn uf di 1i hei und denn aber doch numal use zum numal dur d Lädeli go schlendere und alles ahgugge. Hend eifach nonig so rächt welle tschüss sägä.🫣
Am 3 simmer denn go pfusse, doch viel schlaf bechömer nöd, da mer ja morn Morge no euses Hair Treatment buecht hend.🥰 Mer münd ja schliesslich voll entspannt zrugg id Schwiiz cho.😌Читать далее