Réinitialiser la recherche
Thailand / Sri Lanka 2024
  • Janine De Pizzol
  • Janine De Pizzol

Thailand / Sri Lanka 2024

Une aventure de 31 jours par Janine En savoir plus
S’abonnerAperçuAperçuCalendrierCalendrierPhotosPhotosPartagerPartagerListe de choses à faire
Les plus récents en premier
  • Début du voyage
    27 août 2024
    Janine De PizzolThailand / Sri Lanka 2024Voyageur

    Cüs 🇨🇭

    27 août 2024, Suisse ⋅ ☀️ 23 °C

    Gester Morge ischmer in Sinn cho dss en chlinere Rucksack optimaler wer, willi dasmal würkli mit wenig und liechtem Gepäck unterwegs si wett. Ich han mi ufs snötigschte beschränkt und nöd meh ihpackt alsi au würkli bruche. Danke nomal vielmal ah mini Lieblings******(😂) fürs spontane verbibringe vo dim Backpackingrucksack.❤️
    Glücklicherwis flügi erscht am Abig, denn mini Devise sind hüt Mittag grad no im Briefchaschte zuegstellt worde. 💸💰 Somit bini startklar & chans chum erwarte endli zverschwinde.🤭✈️    En savoir plus

    Voir la traduction
  • Janine De PizzolThailand / Sri Lanka 2024Voyageur

    Hi Bangkok.🇹🇭

    28 août 2024, Turquie ⋅ 🌙 23 °C

    Nacheme Zwüschestopp & churze Ufenthalt vo knapp 2h in Istanbul, ischs witers richtig Bangkok gange. Passkontrolle und Gepäckusgab isch alles schnell & organisiert verloffe. Ahschlüssend hend sich dutzendi vo Lüt es Grab-Taxi bstellt was den zu lange Wartezite gfühert het.🚕 Dank dem mega Verkehr in Bankok bini statt 45min, nach 1:50min im Hotel ahcho.En savoir plus

    Voir la traduction
  • Janine De PizzolThailand / Sri Lanka 2024Voyageur

    Hotel Sathorn 11, Bangkok.🏠

    28 août 2024, Thaïlande ⋅ ☁️ 29 °C

    Im Hotel hani den selber chöne ihchecke und wenigi Minute au grad sZimmer chöne bezieh. Nachere schnelle Duschi hani den auscho serschtemal feins, thailändischs Esse gnosse.🍛🥢 Ahschlüssend nochli dur dStrasse gschländeret, aber viel hettmer nümme gse will dSunne scho unterhange gsi isch.🌜Früeh is Bett, 2,3 Stund gschlafe und da hetter mi scho begrüesst, de Jetlag.😆En savoir plus

    Voir la traduction
  • Janine De PizzolThailand / Sri Lanka 2024Voyageur

    Floating Market.🛶

    29 août 2024, Thaïlande ⋅ ☁️ 30 °C

    Es ‚must see‘ wo chli usserhalb vo Bangkok lit isch de „floating market“. Am Abig vorher hani mi informiert wie ich am beschte döt hi chume wills vo Bangkok mitm Auto glich 1.40h entfernt isch. Uf en Tagestrip miteme englischsprechende Touriguide & 45 anderne Lüt bini den uf Tripadvisor gstosse. Naja,, will das so zimlich die einzig Option gsi isch und ich unbedingt döt hi han welle, hani de Tourispot den so au buecht. Mini Vorstellige sind schlimmer gsi als es denn würkli gsi isch.😂 De Touriguide isch weder mitere Fahne vorus gloffe, no hemmer ihm de ganz Tag müesse hinenahlaufe.🤭🚩
    De Dani vo de USA isch au allei unterwegs gsi & dur das simmer schnell is Gspröch cho. Zemme hemmer den en coole Tag mit verschiedene Hotspots chöne gnüsse.🛶🍺    En savoir plus

    Voir la traduction
  • Janine De PizzolThailand / Sri Lanka 2024Voyageur

    around the floating market.🥢

    29 août 2024, Thaïlande ⋅ ☁️ 31 °C

    30 minute hemmer motm Böötli ah dene viele verschiedene „Bootständ“ chöne verbifahre & üs mit Lebensmittel ihdecke.🍓🥝🍍Nöd nur uf de Strasse hets viel Verkehr gha, sondern au ufm Fluss hets gstaut wills eso viel Böötli volle Tourischte gha het.🛶 Nachem böötle simmer den go zMittagesse und ahchlüssend nochli dur die viele verschiedene Ständ mit Souveniers, Gmües, Frücht, Gwürz etc. gloffe.
    Mitm Car ischs den witers richtig Railway Market gange, wo knappi 20min entfernt gsi isch.🚎    En savoir plus

    Voir la traduction
  • Janine De PizzolThailand / Sri Lanka 2024Voyageur

    railway-market. 🚃

    29 août 2024, Thaïlande ⋅ ☁️ 31 °C

    Bevor de Zug über Gleise fahrt schellet e Glogge drü Mal und somit hend dLocals drü Minute Zit zum dStänd und Produkt vo de Gleise zrume und ihri Dächer abzbaue. Voll ihdrücklich wie schnell das alles gange isch und wie knapp berrechnet die Zugdurchfahrt isch.😵‍💫🚃
    (@Nicole, erinneret mi grad ah dä Kommentar vo dim Mami wommer in Vietnam bi de Trainstreet gsi sind.🥰😂)    En savoir plus

    Voir la traduction
  • Janine De PizzolThailand / Sri Lanka 2024Voyageur

    Chinatown, Bangkok. 🧧🥢

    29 août 2024, Thaïlande ⋅ ☁️ 28 °C

    Um die halbi 6i simmer wieder in Bangkok gsi und die Tagestour isch somit beendet gsi. De Dani und ich sind den no witers richtig „Chinatown“, wo mitm Tuktuk knapp 15min entfernt gsi isch.🧧 Anschinend seg das eis vo de gröschte Chinatowns weltwit und wird sit de letschte 200 Jahr vo Jahr zu Jahr grösser. Vieli verschiedeni Gschäfter mit jenschtem Züg zum chaufe aber hauptsächlich het de Trubel uf de Strasse stattgfunde. Diversi Foodständ häts gha, wo sEsse grad frisch i ihrne Töpf, Pfanne oder uf ihrne Grill kochet oder fritiert hend. Viel vo dem Esse het aber schochli schmudelig und nöd ganz so ahmächelig usgseh, drum ischs gar nöd so eifach gsi zum öpis finde. Schlussendli hemmer überall wos üs echli ahgmacht het öpis probiert und hend so vieli verschiedeni chinesischi (vermuetli Spezialitäte😄) chöne probiere.🥟🥠🥢🥡🍜🌶️En savoir plus

    Voir la traduction
  • Janine De PizzolThailand / Sri Lanka 2024Voyageur

    Wat Arun, Wat Pho. 🫣🤷🏻‍♀️

    30 août 2024, Thaïlande ⋅ ☁️ 32 °C

    De Trip zu de berüehmte Tempel „Wat Arun & Wat Pho“ wär hüt um die 9i losgange. Die Nacht hani dank em Jetlag glaub keis Aug zuetue defür am Morge umso länger gschlafe.🤭 Wo churz vor de halbe 12 dReceptionsdame nebet mim Bett gstande isch und mir gseit het, dass d‘Uscheckszit am 11i gsi wer, hani gmerkt dassi voll verpennt han und somit nöd nurs Check-out sondern au mini Tempeltour, woni unbedingt am Abig vorher no han müesse bueche, verpasst han.🥲 Jänu, innerhalb vonere churze Zit hani den uscheckt und beschlosse ines fancy zMorgereschti, wo grad i de nöchi gsi isch, gmüetlich go zmörgele. 🍓🫐🍌
    Meh hani den au nümme gmacht willi uf die 3 scho sTaxi für an Flughafe bstellt han. Nomal e Stund länger isch dFahrt oder bessergseit de stockend Verkehr an Flughafe gange. Krass, de ganzi Weg ufm Navi isch nurno rot gsi.❌ Han nöd gwüsst öbmer die Fahrer leid söllet due oder öbichsi um ihri Geduld benide söll.😕
    Um die 19:45Uhr ischs den witer Richtig Ko Samui gange und e knappi Stund spöter hemmer de Flughafe uf de Insle den auscho erreicht.✈️    En savoir plus

    Voir la traduction
  • Janine De PizzolThailand / Sri Lanka 2024Voyageur

    Koh Samui, Lipa Noi Beach.🌴

    31 août 2024, Thaïlande ⋅ ☁️ 29 °C

    Lut Feedbacks isch de Strand de überfülltisch Strand vo Koh Samui. Insgesamt sind mir knapp 15 Lüt über de Weg gloffe. Vermuetli isch alles so usgstorbe wills weg de Regezit kei Reisezit isch.🌧️🌴
    Umso besser, ich gnüss die Rueh i volle Züg und drum mach ich mir da zwei gmüetlichi Täg mit feinem Thaifood, frische Smoothis, tägliche Massage etc.
    SWasser am Ufer isch no wärmer als dLuft. Es isch sogar so warm, dassmer sich am Ufer fascht dFüess verbrennt. 😄😍    En savoir plus

    Voir la traduction
  • Janine De PizzolThailand / Sri Lanka 2024Voyageur

    Koh Samui - Koh Phangan.🚢

    2 septembre 2024, Gulf of Thailand ⋅ ☁️ 29 °C

    Nachem zMorge hani s‘Taxi zum Hafe in Koh Samui gno, wo den dFähre Richtig Kho Phangan gfahre isch.🚢 Die gueti Stund uf de Fähre hani für es Nickerchen gnutzt. 😴 Ahschlüssend isch es Taxi oder bessergseit es Auto mit Ahhänger parat gstande und het alli Tourischte wo sHotel am gliche Strand buecht hend,, ufglade und vorzue usglade. Nach knappe 10 Minute bin ich den auscho bi mim Hotel abglade worde.🚙En savoir plus

    Voir la traduction
  • Janine De PizzolThailand / Sri Lanka 2024Voyageur

    Haad Than Sadeet Beach.🌴

    3 septembre 2024, Thaïlande ⋅ 🌬 29 °C

    Hüt hani mir en Roller gmietet und bin den in Oste vo de Insle Koh Phangan gfahre um no witeri schöni Stränd und Regione zgseh. 🛵 De erschti Stopp isch bim versteckte Haad Than Sadeet Beach gsi woni nach öppere halbe Stund erreicht han. Ahtroffe hani da en chline, friedliche Strand und eis Beizli wod Tourischte versorget.🍍 En bsundere Charm hend dem Strand die Lodges im Hang ghe, wo ah Tourischte vermietet werdet. 🛖En savoir plus

    Voir la traduction
  • Janine De PizzolThailand / Sri Lanka 2024Voyageur

    Thong Nai Pan Noi.👙

    3 septembre 2024, Thaïlande ⋅ ☁️ 29 °C

    Bim nögschte Halt, wo e viertel Stund entfernt gsi isch, hani zMittag gesse und ahschlüssend de Nami am Strand verbracht. 🌞👙 Geg de Abig hets den wie us Chüble abgleert und mich ufm Retourweg zum Hotel voll verschiffet.😅🛵⛈️
    @Ele, dini Vespa chunt scho no nöd ganz ah min sexy „Roller“ here.🤪    En savoir plus

    Voir la traduction
  • Janine De PizzolThailand / Sri Lanka 2024Voyageur

    Koh Phangan - Koh Tao. 🥴

    4 septembre 2024, Thaïlande ⋅ 🌬 28 °C

    Im chlini Gym wo bim Hotel verusse isch hani gester Abig de Lucas kenneglernt. Später hemmer zemme am Hotel Beer Pong- Spiel teilgno, wo de Alkoholpegel immer höcher gstige isch, willmer gege e Gruppe us zwei Dütsche witus verlore hend. 😂🍻 Am nögschte Morge ischs für mich mit de Fähre witers richtig Koh Tao witergange. Voller Euphorie hani mi ufs Deck gsetzt, han den aber blitzschnell gmerkt, dass min Bierbuch das geschaukle nöd mag verliede und drum bini den unders Deck züglet.🤢
    Die Fahrt ischmer esooo lang vorcho, obwohl mer „nur“ ca 1:45h ufm Meer gsi sind.🥴    En savoir plus

    Voir la traduction
  • Janine De PizzolThailand / Sri Lanka 2024Voyageur

    Sun Suwan.🌞

    6 septembre 2024, Thaïlande ⋅ 🌬 30 °C

    Nachere Morgestund Yoga & enne ahschlüssend feine zMorge hani mi zFuess uf de Weg Richtig Viewpoint „Sun Suwan“ in Koh Tao gmacht.🧘🏻‍♀️🥭
    Nach chli meh asere Stund hani de Usgsngspunkt erreicht. De Ihtritt het 50 Baht kostet (Umgrechnet öppe CHF 1.30) und defür hettmer no es gratis Getränk becho.🥤E mega Ussicht het mi da erwartet.🙏🏽😍En savoir plus

    Voir la traduction
  • Janine De PizzolThailand / Sri Lanka 2024Voyageur

    John-Suwan Viewpoint.🐷

    6 septembre 2024, Thaïlande ⋅ 🌬 30 °C

    Zum nögschte Ussichtspunkt ischs den nomal öppe e halb Stund zFuess gsi. De Ihgang wommer nomal Ihtritt het müsse zahle hani problemlos gfunde, mich den aber übere Stund irgendwo im nirgendwo im Jungel verirrt. Nachdems mi zweimal heftig uf de Latz grüert het, nüt anders as Bäum und Strücher gseh han unds gfühlti 50Grad gsi isch, hanis den irgendwenn nümme so luschtig gfunde.🥾😂 Maps.me hettmer mini Orientierig denn wieder gschenkt und mich doch no zum Ussichtspunkt bracht. Usser Puschte, völlig verschwitzt, dreckig und verchratzt vo Chopf bis Fuess hani die andere subere, schön ahkleidete Tourischte ufm Viewpoint ahtroffe.🤷🏻‍♀️🤭En savoir plus

    Voir la traduction
  • Janine De PizzolThailand / Sri Lanka 2024Voyageur

    Koh Tao. 🫶🏽

    8 septembre 2024, Thaïlande ⋅ ☁️ 29 °C

    Koh Tao, isch genau miiiis.😄
    Mörgendlichi Yogastunde, fancy Restaurants, herzigi Lädelis, überall feini & frischi erhältlichi Smoothis & vieli gmüetlichi Ort zum chille. Willsmer da so guet gfallt hani mini Zit da grad um zwei Täg verlängeret.🫶🏽En savoir plus

    Voir la traduction
  • Janine De PizzolThailand / Sri Lanka 2024Voyageur

    Sunsuwan 360 Viewpoint.🥥

    9 septembre 2024, Thaïlande ⋅ 🌬 31 °C

    Willi nümme am Strand han möge ligge hani mi entschiede nomal zum Ussichtspunkt zlaufe und vo döte de Sunneuntergang zluege. Schneller als i denkt han bini den ahcho. Uf de Plattform hanis mir denk gmüetlich gmacht, nochli glese und bis zum Sunneuntergang e Kokosnuss gschlürft.🥥 De Sunneuntergang isch ez nöd spektakulär gsi, aber trotzdem mega schön und de Weg het sich definitiv glohnt.🥰En savoir plus

    Voir la traduction