Aramayı sıfırla
Thailand / Sri Lanka 2024
  • Janine De Pizzol
  • Janine De Pizzol

Thailand / Sri Lanka 2024

Janine tarafından 31 günlük bir macera Okumaya devam et
Takip EtGenel BakışGenel BakışTakvimTakvimFotoğraflarFotoğraflarPaylaşPaylaşYapılacaklar listesi
En yenisi başta
  • Janine De PizzolThailand / Sri Lanka 2024Gezgin

    Hostel Indie, Koh Tao .🛌

    10 Eylül 2024, Tayland ⋅ ☁️ 28 °C

    In Koh Tao hani serschtemal uf dere Reis imne Hostel übernachtet. Woni die Unterkunft buecht han hani schochli Bedenke gha willi Hostels vo anderen Länder zum Teil ganz übel in Erinnerig han.😂 Uf all Fäll bini positiv überrascht worde. Modern, suber, hygienisch & unkompliziert. Was ich au nöd kennt han isch das jede es Schlüssfach für sis Gepäck becho het. Tüechli, Schueh und suschtigi Chleider oder Gepäck hend au nöd im Zimmer derfe glageret werde, somit hets au ganz ahständig gschmöckt. Sogar klimatisiert isch de Schlafsaal worde. SHostel isch perfekt glege, direkt am Strand und im Viertel wo am Abig auchli öpis lauft. Us drü vorussichtlich buechte Nächt bini den da 6 Nächt bliebe.☺️Okumaya devam et

    Çeviriyi gör
  • Janine De PizzolThailand / Sri Lanka 2024Gezgin

    Koh Tao - Phuket.🚢 🚌

    10 Eylül 2024, Tayland ⋅ 🌬 29 °C

    Am 08:30 Uhr hani mi den zFuess e halb Stund richtig Fährestation gmacht. De Weg uf Phuket, mini letscht Insle in Thailand, wird lang. Vorusgstande isch e Fahrt vo fascht 9h mit Schiff & Bus. Schlussendli hemmer mit Stops, Verzögerig und Verkehr über 11h gha.
    Trotz Begeisterig vom letschte Hostel hani mi da wieder uf es Einzelzimmer gfreut.☺️    Okumaya devam et

    Çeviriyi gör
  • Janine De PizzolThailand / Sri Lanka 2024Gezgin

    Big Buddha, Phuket.

    14 Eylül 2024, Tayland ⋅ ☁️ 28 °C

    Am Tag hani mi trotz Rege richtig em bekannte „Big Buddha“ gmacht. Ich han en Rollerfahrer buecht womi nach 40min bim Buddha abglade het. 🤲 Leider isch aber de Wanderweg richtig Buddha abgsperrt, und drum d’Besichtigung us Renovationsgründ au nöd möglich gsi. Immerhin hani no de Rugge vom Buddha no gseh.🙄🤭Okumaya devam et

    Çeviriyi gör
  • Janine De PizzolThailand / Sri Lanka 2024Gezgin

    Phuket- Bangkok- Sri Lanka.🇱🇰

    15 Eylül 2024, Tayland ⋅ ☁️ 29 °C

    Am Morge vorem Witerflug uf Sri Lanka bini nomal is Shopping Zenter gstürzt und han mini Schueh, woni während dene 3 schlechte Regetag mehrmals ahglueget han, welle go poschte.🤭 Min Rucksack, min Rugge und ich sind spöter sicher no dankbar dass es de Schueh nümme i de richtige Grössi gha het.😄 @änni, chunt mer grad Mexiko in Sinn wo du unbedingt e Winterjagge hesch welle chaufe.🤦🏻‍♀️😂 Anstatt em Schuehkauf bini mini Kleider go wäsche, han uscheckt und denn es Rollertaxi an Flughafe bstellt. Nachere Stund Fahrt simmer ahcho und den ischs scho bald witers richtig Bangkok gange woni en Zwüschestopp vo knapp 2.5h han, bevors den witers nach Sri Lanka gaht.🤩🇱🇰Okumaya devam et

    Çeviriyi gör
  • Janine De PizzolThailand / Sri Lanka 2024Gezgin

    Lavinia Beach. 👙🚫

    16 Eylül 2024, Sri Lanka ⋅ ☁️ 29 °C

    Am Nami hani den es Tuk-tuk gno und bin richtig Lavinia Beach gfahre. Puri Lebensfreud het mi da erwartet. Lokali Familie wo mit ihre Chind im Sand oder Wasser gspielt hend, als währets serschtemal am Meer.🥹🫶🏽
    Bikini, churzi Hose oder es trägerloses T-Shirt sind da und au i de Stadt, No-Go‘s.🚫
    En traumhaft schöne Strand, gfühlt, ohni es Endi in Sicht. Über zwei Stund bini am Strand zrugg richtig Stadt gloffe und han somit die verschiedene, segets lokali oder touristischi, Viertel vom Strand gseh.    Okumaya devam et

    Çeviriyi gör
  • Janine De PizzolThailand / Sri Lanka 2024Gezgin

    Colombo - Hikkaduwa.🚊

    17 Eylül 2024, Sri Lanka ⋅ ⛅ 28 °C

    Die Abstigi hani buecht wills die nögscht Unteekunft am Bahnhof vo Colombo gsi isch.😆 Am Morge am 5i bini den vo da e Stund Richtig Bahnhof gloffe. So ganz wohl ischsmer um die Uhrzit und im Dunkle nonig gsi und drum bini recht erliechteret gsi womi die letscht halb Stund en junge, ihheimische zum Bahnhof begleitet het. Am viertel ab 6i isch min Zug den richtig em nögschte Dörfli, Hikkaduwa gfahre. Nach öppe 1.5h Fahrt hemmer den sDörfli auscho erreicht.👋🏽Okumaya devam et

    Çeviriyi gör
  • Janine De PizzolThailand / Sri Lanka 2024Gezgin
    1

    Turtle Beach.🐢

    17 Eylül 2024, Sri Lanka ⋅ 🌬 29 °C

    S‘Turtle oder au s‘Surferparadies lit in Hikkaduwa. Täglich schwümmet um die 13 grossi Schildkröte an Land wo vo Tourischte oder au Locals gfüetteret wend werde.🥹🐢
    Zwei Täg hani da in Hikkaduwa verbeacht. Am erschte Tag isch Vollmond gsi, dass heisst dass die Ihheimische frei hend und drums au einiges meh Lüt am Meer gha het. Am zweite Tag wo die Ihheimische wieder gschaffet hend, hettmer au die 5-6 Tourischte under de Palme im Schatte gfunde.☺️ S‘Dörfli selber isch nüt speziells, momentan hend aber no vieli Gschäfter & Reschtis zue will Monsun-season isch, das heisst, dasses öppe 3 Mal am Tag 5 Min wie us Chüble abeleert und den wieder strahlend schöns Wetter isch.🌞Okumaya devam et

    Çeviriyi gör
  • Janine De PizzolThailand / Sri Lanka 2024Gezgin

    Hikkaduwa - Colombo - Kandy. 💺

    19 Eylül 2024, Sri Lanka ⋅ ☁️ 28 °C

    Mitm Internet laufts da nöd so, drum hani mi für dWiterreis schlecht chöne vorbereite.😄 Willi gwüsst han dass Züg amel so um die 06:15h fahret bini uf die 6i an Bahnhof gloffe. Da hani es Ticket richtig Landesinnere, id Ortschaft Kandy kauft und erfahre, dass Touris eig. immer 1‘ Klass Tickets hend.
    (1500 LKR - CHF 4.10 für 3.5h Fahrt) Sletschte Ticket woni online kauft han isch au erschti Klass gsi, aber das hani gar nöd gseh gha und bin drum eifach irgendwo ihgstige und i de dritte Klass glandet. Das macht da en relativ grosse Unterschied.🤭 Min Zug isch den aber glich erscht am 07:25 Uhr gfahre. Uf mim reservierte Sitz im klimatisierte Abteil mit Schiebe ah dä Fenschter, bini denn zwei Stund zrugg uf Colombo gfahre, döte ahschlüssend e Stund Wartezit gha und den mitm Ahschlusszug 3.5h witers richtig Kandy.    Okumaya devam et

    Çeviriyi gör
  • Janine De PizzolThailand / Sri Lanka 2024Gezgin

    Big Buddha, Kandy. 🪷

    20 Eylül 2024, Sri Lanka ⋅ ☁️ 26 °C

    Um die halbi 9 hani mi zFuess, bi scho gfühlte 40 Grad, zum Big Buddha gmacht wo im Hügel obeglege & öppe 40 min entfernt gsi isch. Trotz lange Hose und emne Tischi mit Ärmel hani bim Ihgang es Tuech müesse chaufe demit i mini nackt Hut (dÄrm 😄) abdecke chan. DFüess gsends aber gern nackt, will dSchueh hettmer müesse abzieh.😄 Schweissgebadet bini da ahcho und no schweissgebadeter bini nach keine 10 min wieder ih mini Schueh gschlüpft und hanmi uf de Abeweg richtig Städtli gmacht. 👋🏽Okumaya devam et

    Çeviriyi gör
  • Janine De PizzolThailand / Sri Lanka 2024Gezgin

    Tea Factory.🫖

    20 Eylül 2024, Sri Lanka ⋅ ☁️ 29 °C

    Die lange Hose hend mer nurno so ah de Bei klebet und drum hani bim erschte Tuk Tuk womi ahghaue het, nöd zweimal überleit und bin ihgstiege.🥵 Witers ischs zum Tea Factory gange woni e Einzelfüehrig (wills kei Tourischte gha het) übers Thema „alles zur Herstellig vom Tee“ becho han. Churz, interessant und ihdrücklich wie jedi Füehrig eig sött si, isch die Füehrig gsi.☺️ Das Sri Lanka für sini Teeproduzierig bekannt isch, ischmer bewusst gsi, wasi aber nöd gwüsst han isch, dass Sri Lanka de weltgröschti Tee-Exporteur isch, denn s’tropische Klima mitere Luftfüechtigkeit vo 80-90% (erchlärt ez alles 🥵) isch für de Abbau perfekt.🫖Okumaya devam et

    Çeviriyi gör
  • Janine De PizzolThailand / Sri Lanka 2024Gezgin

    Herbal garden - beauty Day.🪴

    20 Eylül 2024, Sri Lanka ⋅ ☁️ 29 °C

    Das isch au eis vo mine Must Do’s in Sri Lanka gsi.🪴
    Au da im Chrütergarte hani e privati Touritour becho wommer alli Chrütli und die ganz Ayurveda Heilkur mit ihrne Würkige uf Gsundheit erchlärt hett. So meeeega spannend und voll mis Ding!🤩
    E Haarentfernigscreme wo uf dHut uftreit wird und nach 10 min eifach abputzt chan werde, het mi überzoge, drum hani grad e Ganzkörperhaarentfernigsbehandlig mache lah.😄 Vor Ort im Shop isch en Ihheimische aber perfekt dütschsprechende Heilpraktiker gsi, wo uf dWünsch & Ahlige vo de Tourischte ihgange isch. (oder ihne s’schöne vom Himmel gredt het, das laht sich den mit mim poschtete Gsichtsöl & em Nerve/Muskelentspannigsöl no herusstelle😂)
    p.s sErschtemal roti Bananis gesse.🤩🍌    Okumaya devam et

    Çeviriyi gör
  • Janine De PizzolThailand / Sri Lanka 2024Gezgin

    Cookery class, Kandy. 🥘

    20 Eylül 2024, Sri Lanka ⋅ ☁️ 29 °C

    De chli ca. 1.5 stündig Chochkurs het au im Chrütergärtli stattgfunde. Zerscht simmer dChrütli & sGwürz fürs Esse go pflücke, ahschlüssend hemmer s‘Roti (Fladebrot) wo nur us Mehl, Salz, Öl und Kokosrasple gmacht zuebereitet. Witer ischs mitm Curry & de Linse gange und nebesbi hemmer no de „Salat“ zuebereitet. Es feins, selbergmachts Linse Dal hets den zum zMittag geh.🥘😍Okumaya devam et

    Çeviriyi gör
  • Janine De PizzolThailand / Sri Lanka 2024Gezgin

    Kandy - Ella. 🚂 📸

    21 Eylül 2024, Sri Lanka ⋅ ☁️ 24 °C

    Öpis vom wohl bekanntischte isch dZugfahrt vo Kandy nach Ella. Es typischs Tourischtefoti wiemmer usem Zug hanget oder bi de offne Türe statt wenn de Zug fahrt, derf da uf kein Fall fähle.📸😄 Ei Freud het i dem Zug gherrscht und egal öb jung oder alt, jede het vo jedem Föteli gmacht und dank dere Fotoshootingsession sind die 7h Fahrt in Chürze verbi gsi.☺️Okumaya devam et

    Çeviriyi gör
  • Janine De PizzolThailand / Sri Lanka 2024Gezgin

    Ella.🤗

    21 Eylül 2024, Sri Lanka ⋅ 🌙 22 °C

    Ella, wo im Landesinnere lit und vo Jungel & Wald umgeh isch, isch für mich s‘schönschte & gmüetlichschte Dörfli gsi. Ella wird au als schönschte Ortsteil vo Sri Lanka bezeichnet und drum ischs da mit Abstand au am touristischte gsi. Au vo de Infrastruktur her ischs ganz en andere Stil gsi als i de andere Ortsteil. Schöni, fancy Restaurants & Bars hend de Ort mega heimelig & gmüetlich gmacht. 3 Täg hani den insgesamt da verbracht.🤗Okumaya devam et

    Çeviriyi gör
  • Janine De PizzolThailand / Sri Lanka 2024Gezgin

    Ella Rock. 🌄

    22 Eylül 2024, Sri Lanka ⋅ ☁️ 19 °C

    dWanderig zum Sunneufgang uf de Ella‘s Rock isch bi de Touris au sehr beliebt. Binme Reiseblogg hani glese dasses nöd unbedingt en Touriguide für die Wanderig brucht und dassmer de Ufstig au mit Maps.me allei chan mache. Öb die Ussag au sMorgeqanderig im Dunkle betroffe het, bini mir nöd ganz sicher.🫣 Am Morge am 4i hani mi im Dunkle (nöd ganz so entspannt) uf de Weg gmacht. De Wanderweg isch hauptsächlich dur de Jungle gange und het ah jenschte heruntergekommene Waldhüttene verbigfüehrt, welli mis mulmige Buchgfühl nöd grad unbedingt besser gmacht hend.🥴 Au wenni mi x-mal verloffe hand und de Weg zwüschet Strücher und Böum han müesse sueche, bini rechtzitig zum Sunneuggang ahcho.🤩 Au bim Abeweg im helle sind keini Schilder oder Wegbeschriebige zgseh gsi, vermuetli gnau usem Grund, dassmer sich en ihheimische Guide söll bueche.Okumaya devam et

    Çeviriyi gör
  • 2026© FindPenguins
  • Ana sayfa
  • Hakkımızda
  • Grup takibi
  • Basın
  • Hükümler
  • Gizlilik & Cookies
  • Yardım Merkezi
  • Damga