Ab in Nationalpark

Vo Kamloops simmer hüt ca 440km nach Jasper gfahre. Das isch für die nächst Wuche au die vorussichtlich längsti Etappe wo mer mache werdet.
Unterwegs hemmer ade Rearguard Falls en Zwüschestopp gmacht. Wärend Tamara Vögeli mit de Kamera gejagt het, het de Nico mal welle wüsse wie kalt das Wasser eigentlich isch….. Antwort: Es isch seeeehr chalt! 🥶🥶
Euse Weg isch hüt hauptsächlich uf em Yellowhead Highway gsii. De isch scho sit de Ziite vo de Trapper und Felljäger vom 19. Jahrhundert e wichtigi Strass dur die Kanadische Rockies, sogar scho vorher, für die Kanadische Urihwohner. Bennent isch de Highway und de Pass nach em „Tête Jeune“ en Irokese Pelzhändler und Pionier, wo de Weg gange isch und sin Name sim gelbe Haar zverdanke Jet🤓☝🏻
I emene Kaffi am Fuess vom Mount Robson hemmer denn namal kurz Rast gmacht und en gsunde Snack kauft. En wiitere Halt hemmer denn au no in „Lucerne“ gmacht, wie dehei hets au dehte en See, eifach isch de da in Kanada viel chliner😉 Und hüt hemmer fürs erste Mal in Kanada Territory gwechslet und sind jetzt in Alberta😁
Vo Lucerne isches denn nurno en Chatzesprung gsi uf Jasper, wo mer denn de Tag usklinge lah hend.Meer informatie