Showtime🤠🐎

Am Morge simmer früh im Banff gange, zum no en Parkplatz am Lake Louise zergattere 🚙💨
Vor em 8ti simmer denn au scho dete gsii, und hend scho en fast volle Parkplatz vorgfunde! Schön isch trotzdem gsii mit Sicht uf die Berge, de Gletscher und de spiegelndi See🏞
Denn hemmer eusi Reis nach Red Deer fortgesetzt. Dete werdet mer d'Nacht verbringe, will ganz i de nöchi es typisch Nordamerikanosches Event stattfindet.
S'Innisfail Rodeo uf de Daines Rodeo Ranch!
Tamara het im Vorfeld scho Tickets organisiert, also simmer gege de Abig ufs Glend, und hend grad no die erst Rundi vom Schaf-Rodeo mitbecho, wo Kind im Alter vo 4-7 Jahr isch uf de Schöf bewiise chend🐏🤠
Denn het de Hauptevent gstartet mit all de typische Kategorie wie Team Roping, Bareback, Barrell Racing und zum Schluss Bulleriite.
Es isch es interessants Event gsii, zum das mal live gsee, wo mer sust nur us de Film kennt.
Leider het dete kein Cowboy mit de Tamara gliebäugelet, drum sind mer beid wieder zrugg im Hotel achoo.Leia mais