Réinitialiser la recherche
Auszeit
  • Alessia Gürber
  • Andy Kiser
  • Alessia Gürber
  • Andy Kiser

Auszeit

13 Monate unbezahlbare Erinnerungen ❤️☀️ En savoir plus
+15
S’abonnerAperçuAperçuCalendrierCalendrierPhotosPhotosPartagerPartagerListe de choses à faire
Les plus récents en premier
  • Début du voyage
    8 avril 2022
    Auszeit

    1. Stop in Köln

    8 avril 2022, Allemagne ⋅ ☁️ 6 °C

    Noch knapp 550km, semmer a eusem erste Rast acho, in Köln.
    Vo vöu Räge semmer begleitet worde, devör esches do jetzt sowiit troche.
    2 Nächt blibemer etz do mol secher ufeme Stadtnöche Stellplatz.

    Voir la traduction
  • Auszeit

    Brüssel 🇧🇪

    11 avril 2022, Belgique ⋅ ☀️ 11 °C

    Höt hemmer de Tag in Brüssel verbrocht. Send dör d Altstadt gschländeret, de königlich Palast go betrachte ond im Park vore zue ufeme Bänkli d Sonne gnosse ☀️ Hed scho fast för de ersti Sonnebrand glänget🙊.
    Vom belgische ÖV-Netz ond vorallem vode Priise semmer positiv begeisteret 👌    En savoir plus

    Voir la traduction
  • Auszeit

    Direkt am Meer🌊

    13 avril 2022, Angleterre ⋅ ⛅ 13 °C

    Nochdem mer die letscht Nacht bimene nätte Wirt ufem Parkplatz vo sim Restaurant öbernachtet hend, semmer höt witer gfahre noch Seaford.
    Ufem Wäg hemmer onändlech vöu 🐑 gseh, vöu Natur ond härzigi chlini Dörfli im typische englische Stil.
    Au ech be etz mini erste Kilometer im Linksverkehr gfahre 💪😅.
    Bimene Spaziergang hemmer Seaford besechtigt ond de Obe bimne schöne Sonneondergang lo usklinge 🌅    En savoir plus

    Voir la traduction
  • Auszeit

    Happy Easter vo Brighton🐰

    15 avril 2022, Angleterre ⋅ ⛅ 14 °C

    Mer send wiiter greist rechtig West Sussex ond hend ufem Wäg en Zwöschestop igleit in Brighton. Mer hed gmerkt dass Ostere esch, s hed onglaublech vöu Lüüt gha. Trotzdem en Bsuech Wärt gseh bi dem schöne Wätter.☀️
    Bis etz hemmer jo aso werkli Glöck gha, metem Wätter in England🤗🇬🇧    En savoir plus

    Voir la traduction
  • Auszeit

    Pferde und Esel Ahoi 🐎🐴

    17 avril 2022, Angleterre ⋅ ⛅ 17 °C

    Noch dem mer 2 Nächt ufere Farm verbrocht hend in Small Dole, semmer höt wiiter gfahre rechtig Southampton. Vo det nochli wiiter ines chlises härzigs Dörfli namens East Boldre. Chum i dem Dorf acho, send eus scho die erste Weldpferd uf de Stross begägnet🐎😲
    Meistens hends d Strosse frei gloh, ab ond zue hedmer haud chli Gedoud brucht😄
    Ide Nomitagssonne hemmer eus es Bierli gönnt ond d Nacht ufem Parkplatz vomene Pub verbrocht.🚐    En savoir plus

    Voir la traduction
  • Auszeit
    1

    Corfe Castle 🏰

    18 avril 2022, Angleterre ⋅ ☁️ 12 °C

    Ufem Wäg zum Durdle Door Holiday Park semmer imene Tip vomne Iheimische gfollgt ond hend en Abschwänker öber Corfe Castle gmacht. ➰️
    Det hemmer es auts Dörfli ond en Borgruine besechtigt.
    Bimene Spaziergang ufnes Högeli hed de Andy wedermol met sinnere Drohne chönnte Flüge🎬🛰 do debii send uf jede Fau tolli Ufnahme entstande 🤗    En savoir plus

    Voir la traduction
  • Auszeit
    1
    2

    Durdle Door🔆

    18 avril 2022, Angleterre ⋅ ⛅ 16 °C

    Noch dem mer im Durdle Door Holiday Park acho send, hemmer festgstellt dass d Wöschmaschene inklusive send ond tatsächlech grad eini freii gseh esch. Super för üs, wöu i 10 Täg chond doch schi einiges zäme..👖👕🧦 mer hend die Chance packt ond grad no en Wösch ob to.
    Denn hemmer natürli au no das bekannte Durdle Door welle zgseh becho ond hend üs drom uf de Wäg gmacht a Strand abe🏖
    Die paar Stägetrett hend sech uf jede Fau glohnt☀️🤗    En savoir plus

    Voir la traduction
  • Auszeit
    2

    Berry Head 📍

    20 avril 2022, Angleterre ⋅ ⛅ 12 °C

    Es betzli wiiter semmer greist rechtig Brixham. Noch wie vor super Wätter döfemer gniesse ond hend das höt Nomi usgnötzt förne Spaziergang de Klippe entlang. ☀️

  • Auszeit

    Marazion / St. Michael's Mount

    22 avril 2022, Angleterre ⋅ ⛅ 14 °C

    Noch dem mer höt weder wiitergfahre send aber am Afang leider neume glandet send, wo ned geignet gseh esch för euses WOMO, semmer witer ond in Marazion glandet.
    Sehr es härzigs Dörfli hemmer atroffe metere Burg ufere Insle, wo bi Fluet aber nömm zuegänglech esch. Oder de haut gfange besch, bis am nöchste Morge🤷‍♀️En savoir plus

    Voir la traduction
  • Auszeit

    Freicampen mit Ausblick 🤩

    23 avril 2022, Angleterre ⋅ 🌧 14 °C

    Mer send weder es bezzli wiitergreist ond nänd Kors in Rechtig Wales🤗.
    Ned ganz alli Strössli send för eus gmacht wo eus s Navi vorget, aber zom Glöck fendemer emmer weder schöni Plätzli wo au för eus guet zuegänglech send. So hemmer gester weder es traumhafts Plätzli ufere Klippe gfonde met Bleck ine Bucht. Det hemmer trotz em bewölkte Wätter en tolle Sonneondergang chönne bestuune🌅!
    Döre Tag semmer einisch meh ufemne Coast Path spaziert.
    (Das Foti metem enge Strössli esch de ned met dem obe Beschrebne gmeint, s god no vöu schlemmer😱)    En savoir plus

    Voir la traduction
  • Auszeit

    Sonntagsspaziergang🥰

    24 avril 2022, Angleterre ⋅ ☁️ 12 °C

    Höt semmer in Bude acho. Ufem Wäg do he hets es bezzli grägnet, chum do acho esch scho gli d Sonne weder vörecho🤗☀️.
    De Nomitag hemmer meteme witere Küstespaziergang verbrocht🚶‍♀️🚶‍♂️.

  • Auszeit

    🧭

    25 avril 2022, Angleterre ⋅ ☀️ 10 °C

    Noch dem mer dä Wasserfall gseh gha hend semmer witer gfahre zu eusem nöchste Öbernachtigsplatz. Dank park4night fendemer emmer weder so tolli Plätz. S guete a dene esch au dasmer oftmals neume dörefahrt ond Sache gseht womer söst gar ned wörd druf cho.
    Mer hend en tolle Sonneondergang gseh ond send meteme no schönere Sonneufgang gweckt worde🌅. Bim z Morge semmer de no vo paar usböxte Schof bsuecht worde🐑.
    Mer send wiiter gfahre dör die abglägne Strosse, hend wildi Ross🐎 ond Fasane gsechtet🪶. Wie au einisch meh onändlech vöu Schofhärde🐑🐑🐑!    En savoir plus

    Voir la traduction
  • Auszeit
    11

    Hello Wales 🏴󠁧󠁢󠁷󠁬󠁳󠁿

    29 avril 2022, Pays de Galles ⋅ ⛅ 11 °C

    Hallo metenand 🙋‍♀️
    Mer send wiitergreist ond vor 2 Täg guet in Wales acho.
    Gester semmer ufere Farm gseh, z metzt im Grüene zwösche Schof ond Ross. Abgseh vomene chline Spaziergang hemmer aber ned vöu gmacht. Au bim Reise brucht mer ab ond zue mol en Pause😅.
    Höt semmer wiitergfahre i Brecon Beacons National Park. Au do..Natur pur! Ond vööu Schof 🤗🐑
    De Nomitag hemmer metere Wanderig zu 4 Wasserfäll verbrocht. Das esch sehr schön gseh ond hed Honger gä :)    En savoir plus

  • Auszeit

    Von £ zurück zu € in 🇮🇪

    3 mai 2022, Irlande ⋅ ⛅ 14 °C

    Z metzt ide Nacht semmer in Pembroke bereits 2. Mol uf d Fähri⛴️. Dasmol noch Rosslare in Irland🇮🇪.
    Zemmli müed semmer öppe am 7ni acho ond hend welle zom Camping fahre zom chli go pfüsele😴. Well mer denn aber metbecho hend, dass die niemmer nänd em Momänt ond mer aber z müed gseh send zom wiiterfahre, hemmers eus ide Nöchi ufeme Parkplatz gmüetlech gmacht ond paar Stöndli pfuset. Scho guet wemmer s Bett emmer debi hed🙌🚐. Gstärcht semmer denn wohl oder übel witer gfahre ond am Nomitag bimene andere Camping acho🤗 s Putzfieber hed eus packt ond noch 3 Woche hed die erst gröndlech Reinigong statgfonde. Inklusive Böde füecht ufnäh💧🧹🧽💪.
    Höt (4.Mai) bevor mer witer send, semmer s Dörfli no go aluege ond etz ufem Wäg zum nöchste Freicampe-Platz. Mol luege wie das do in Irland so esch😊.    En savoir plus

    Voir la traduction
  • Auszeit
    1

    Goat Island 🤩

    4 mai 2022, Irlande ⋅ ⛅ 17 °C

    Einisch meh semmer amene wonderschöne Ort acho zom Freicampe.
    S hed zwor ade meiste Plätz Tafele met öppe 10 Verbot droffe. Onder anderem au s Campiere. Mer hend eus denn entschede glich z bliibe ond mol z luege was passiert. Es send emmer weder Iheimischi cho zom Spaziere, Bade oder go Fische ond s hed sech niemmer gstört ab üs sondern send alli sehr fröndlech gseh. Ei Frau hemmer am Obe ond am nöchste Morge gseh, hend denn afo Rede metenand ond sie hed sech bi üs bedankt, das mer ufem Platz chli Abfall zämegsammlet hend. Sie hed eus denn au gseid, dass die Verbotstafele vorwiegend cho send, wells eifach ned öberau de ganzi Abfall wend ha. Sofern mer aber om üs ome emmer suber heigid, wärdi eus niemmer bös cho.En savoir plus

    Voir la traduction
  • Auszeit
    1

    Old Head of Kinsale

    6 mai 2022, Irlande ⋅ 🌧 14 °C

    🙌 mer send eusi erste Km ufem Wild Atlantic Way gfahre ond hend einisch meh en wonderschöne Öbernachtigsplatz gha bim Old Head of Kinsale. Nocheme rägnerische Tag hend sech d Wolke 🌧 doch plötzlech verabschedet ond d ☀️ esch vöre cho🤗. Dä Momänt hemmer packt ond send paar schöni Ufnahme go knipse, natürli au do met de Drohne📸. Am folgende Morge hemmer vo de Klippe us Basking Sharks (Riesenhaie) ond 1 Robbe🦭 chönne beobachte 🤩. Was förne schöne Start i Tag🙌.En savoir plus

    Voir la traduction
  • Auszeit

    Beacon Point 📍 - Baltimore

    8 mai 2022, Irlande ⋅ ☁️ 13 °C

    Wiiter gfahre semmer ufem Wild Atlantic Way ond hend mehreri Stops gmacht bi de jewilige Ussechtspönkt. 📍
    Höt esch so rechtig irischs Wätter gseh, wie mers kennt vom ghöre Säge.
    Bewölkt, mol chli Räge, denn weder bezzli Sonne ond gaanz vöu Wend 🌬. Ergendwie passt das aber do he 😁.
    Was au super esch, esch dases nor sehr wenig Touris ome hed. 🤗    En savoir plus

    Voir la traduction
  • Auszeit

    Südwestlichster Punkt Irlands

    9 mai 2022, Irlande ⋅ 🌬 13 °C

    Die letscht Nacht hemmer ufeme grosse Parkplatz vor de Mizen Head Ussechtspönkt verbrocht📍. Womer am Morge s erste Mol zom Fenster usgluegt hend, hemmer eus chorzer Hand entschede, bi dem Wätter nochli legge z bliibe🌧. Dä festi Wend🌬 hed eim grad weder i Schlof gwiegelet.
    Nochem Mettag heds denn doch tatsächlech ufghört Rägne ond mer hend eus uf de Wäg gmacht zu dene Ussechtspönkt.
    Wells dere wäg gwindet hed, hanech dänkt do moss es Video he, die Wocht gsehtmer jo ufeme Foti ned so guet. Und siehe da, semmer belohnt worde dasmer i Wend use send, es send mer nämli grad paar Robbe vor d Kamere gschwomme🦭🤗.
    De Obe verbrengemer in Bantry, es härzigs Fischerdörfli.    En savoir plus

    Voir la traduction
  • Auszeit
    1

    Abseits vom WAW 🌿🌳

    10 mai 2022, Irlande ⋅ ⛅ 11 °C

    Obwohls eus bis etz sehr gfalle hed ufem Wild Atlantic Way onderwägs z si, hemmer höt en chline Schwänker gmacht ond send statdesse öberne Pass gfahre. De Healy Pass, wo üs nämlech grad zo eusem nöchste Öbernachtigsplatz brocht hed, esch sehr en schöne Streckeabschnitt gseh. S Wätter hed sech au weder chli besseret ond dem entsprächend hemmer en super schöni Ussecht chönne gniesse währed de Fahrt öber dä Pass. D Stross esch relativ schmal gseh, zwor scho met einzelne Uswichmöglechkeite aber ech be glich froh gseh hemmer ned vöu Gägeverkehr gha😁😅.En savoir plus

    Voir la traduction