Roadtrip🚐

Nach ca. 5h loufzit bini in Vila Nova de milfontes acho.
I ha mi uf verschidnigste Blogs igläsä & ungerwägs woni gmerkt ha dases no guet wär ä Map z ha Outdooractiv abegladä.
Auso hani so ungefähr gwüsst was uf mi zue chunnt. Dases heiss cha si… Dases teils sandig isch…

Woni mit Rucksack no mit 3 Liter Wasser bepackt ha- hani gmerkt das chönnt hert wärdä😂
Äs isch richtig schwär gsi.
Kilometer um Kilometer, d Sunnä het sich meh oder weniger meistens zeigt und i ha mega gschwitzt.
Die ersti Etappe isch quasi nur dürrä Sand gangä… teilwis sogar am Strand entlang.
Au 2km hani e Trinkstopp plus d Schue vom Sand entleert.
Mönsche hani nid viu troffä- ab und zue es jungs Päärli gegesittig überhout.
Sie heimi am Schluss gfragt öbi mit ine wet es Kaffi go nä.
Da hani nid Nei gseit, d Irene & dr Tobi vo Verona. Ä churzä Schwatz und erholig bevors när no 30‘ zum Camping gangä isch.

Das Ambiente die Küste um Küste, die vilä versteckä chlinä Örtli. Praktisch keni Mönsche. Möve wo neb dir dürreflüge isch EINMALIG gsi. D Fotos si nur haub so schön wis in ächt isch gsi.

Zum krönende Abschluss hani ar Reception ä Flyer übernes Vegans Resti gse i ha denkt i trouä mine Ouge nid. früsch duschet und hungrig hani mi ufä wäg gmacht ds Restaurant z suechä. Äs TRÖIMLI aus Abschluss vo däm Tag.En savoir plus