Tyhjennä haku
Hochsigsreis🇨🇦✈️
  • Daniela Staub
  • Kilian Staub
elok. – lokak. 2023

Hochsigsreis🇨🇦✈️

Daniela & Kilian on tour Lue lisää
SeuraaYhteenvetoKalenteriJaaJaaToivelista
Uusin ensin
  • Hochsigsreis🇨🇦✈️

    Acho in Banff

    20. syyskuuta 2023, Kanada ⋅ ⛅ 5 °C

    Hüt morgä simmer nachem z Morgä nomal is Ichaufscenter das gester scho am achti d Lädä zuä gangä sind. Und natürlich hämmer nomal i de Bass Pro Shop müessä. Die Tier wo dede sind, sind alli usgstopft. Er isch gewaltig de Ladä. Nachenä hämmer üs ufä Wäg gmacht nach Banff. Underwägs wieder cooli Trucks gseh. Und no d Schanzä vo Calgary vode Olympiade. In Banff acho simmer mal chli durä gfahrä und de hämmer natürli scho s berühemtä Hotel gseh. En riiiiesigä Buu😮. Mier händ de am Abig no mit de Sabine abgmacht. Sie isch en sehr gueti Kollegin vodä Daniela ihrem Chuchichef im Gschäft. Sie läbt hiä und schaffet i dem riiesigä Hotel. Sie hed üs sehr viel Tipps gäh was mier alles chönd machä da in Banff. Miär hend de no gfüüüret und zNacht gmacht. Und jetzt düemer nochli sii. Das mer de morn fit sind für de Tag.Lue lisää

    Katso käännös
  • Hochsigsreis🇨🇦✈️

    Banff

    21. syyskuuta 2023, Kanada ⋅ ☀️ 12 °C

    Hüt morgä simmer nachm z Morgä mit de Gondola i Silphur Mountain ufä. Mier händs super breicht vom Wätter es isch mega schön gsi. Obwohls am morgä nur 1 Grad gsi isch. 🥶 Nachene sind mier wieder abä und no id Ursprungshöhli vode Hot Springs. Ded inne heds Richtig nach Schwäfel gstunkä. 😷 Mier sind de no zum Banff Springs Hotel. Das wär das riiiesigä Hotel wo mer überall uf de Postchartene gsed. Mier sind de dede chli dur d Lädeli gschländeret und dur d Loby glofä. Nachene simmer is Waldhus abe gu es Dessert ässä und öpis trinkä. Und no zudä Bow Falls diä sind nur en Chatzäsprung gsi vo dede. Wo mer de wieder uf Banff innä sind hämmer nomal mit de Sabine abgmacht und mit ihrä no es Bierli gno. Mitm Bus sind mier de wieder zrugg ufä Campingplatz und händ üs no öpis z Nacht gmacht. Bevors de scho glii is Bett gaht. 😴Lue lisää

    Katso käännös
  • Hochsigsreis🇨🇦✈️

    Tschüss Banff

    22. syyskuuta 2023, Kanada ⋅ ⛅ 12 °C

    Ja es isch verruckt mier händ hüt scho üsä letschti Tag mitm Camper morn heisst de Camper abgää. Mier sind no an Lake Minnewanka wau isch de schön gsi. Mier händ gad no 2 Hochsigsgsellschaft atroffä wo dede Föteli macht. Nachene simmer de wiiter Eichtig Callgary das mer morn nöch händ zum Camper abgäh. Vo Banff uf Calgary hämmer diä alt Highway gno. Es isch krass de bisch vorher so chli im Wald und bewohnt und nachene fahrsch eich fast duren Wüescht. Wos zwar ab und zuä Hüser hed und es paar Kühe und Ross aber suscht ned würkli viel. Und de hämmer no de wunderbari See de Ghost Lake atroffä.
    Mier händ de no schnell üsä Camper chli putzt. Das mer gsed das mer Sorg gah hend. Nachene simmer no gu Gas tankä. Underwägs zu üsem Stellplatz wieder ufm Parkplatz bi Crossiron Milles hämmer no diversi Western Shops bsuecht. Leider ohni Erfolg. Und scho mal chli Calgary Skyline agluegt😃. Soo a üsem Stellplatz hämmer üs nochli z’Ässä gmacht das de Chühelschrank au läär isch. De Abig hämmer de nochli mit Packä und chli Putzä verbracht.    Lue lisää

    Katso käännös
  • Hochsigsreis🇨🇦✈️

    1. Tag in Calgary

    23. syyskuuta 2023, Kanada ⋅ ☁️ 14 °C

    Ja hüt morgä heds für üs gheissä tschüss Motorhome. Mier händs scho wieder müessä abgä. Verruckt wiä diä Ziit gaht. Mier hend de nachene mitmene Shuttle vo Fraserway (Wohnmobil Abieter) i Stadt innä chönä. Dede acho hämmer üses Hotelzimmer bezogä das mers Gepäck chönd abgäh. Mier händ de welle gu wöschä aber d Wöschmaschinä wo zurverfüegig staht isch natürli kaputt. 😒🙄 Es hed de halt nomal gheissä Badwannewösch machä und alles vo Hand wäsche. Das mer de in Toronto ännä suuberi Chleider händ. Nach dem das erledigt gsi isch hämmer dänkt mer gönd nochli id Stadt will tröchnä chas ja definitiv ellei. 🤣 Üsä ersti halt isch gsi irgendwo gu z Mittag ässä. Nachenä simer de chli umägschländeret i diesä und jene Shop chli gu luegä. Denn hed üs es dürstli packt und mer sind gu eis nä innerä Bar. Bim Zrugg laufä hed de Kilian sooo freud gah am Strassemusiker. Er heds würkli chönä und guet gmacht. Wo mer de wieder chli wiiter gloffä sind hämmer dänkt mer gönd wieder i das Pub wo mer am Mittag scho gsi sind nomal gu eis nä. Und de hämmer üs entschiedä mier issed gad no z Nacht hiä. Fein isches gsi. Zrugg im Hotelzimmer hämmer chli nache ghulfä bim Wösch tröchnä. Denn nochli Bricht gschriebe chli Fernseh gluegt. Und den ab is Bett😴Lue lisää

  • Hochsigsreis🇨🇦✈️
    Putz crew wo i jedem Drittel all 6-7min chund gu putzä

    2. Tag Calgary

    24. syyskuuta 2023, Kanada ⋅ ☁️ 15 °C

    Üsä Tag hed hüt chli spöter gstartet. Mier sind de am Vormittag i Zoo. De isch nochli grösser und schöner weder de in Edmonton. Immerhin hämmer jetzt üsi erstä Bääre gseh😂😂. Au wenn ned ganz idä Wildnis😄. Nachene simer chli dur Stadt glofä und mal bim Iistadion gu fragä öbs no Bilette hed für de Match am Abig. Sie hend de au gah. Nachene simmer de mal gu z Mittag ässä ines China Restaurant. Ja mal öpis anders. Es isch ganz okey gsie. 😄
    S erste Spiel vodä Saison hed gheissä Calgary gägä Vancouver. S verrucktä isch Calgary hed gad 10:0 gwunnä.🙈🙈 Es isch äml keis langwiligs Spiel gsi. Nachene simmer ufä Heiwäg is Hotel gu Packä und luege das mer alles parad händ für morn Morgä. De heisst de tschüss Westä, hallo Ostä. 🍁🇨🇦 De Start i üsi letschte drüü Wuchä. Es isch verruckt wiä schnell diä Ziit lauft. Mier müend frühä am Flughafä sie drum heisst jetzte ab under Decki und losä was Chüssi verzellt😂😴    Lue lisää

    Katso käännös
  • Hochsigsreis🇨🇦✈️
    1

    Tschüss Westä, Hallo Ostä

    25. syyskuuta 2023, Kanada ⋅ ☁️ 16 °C

    Ja hüt heds gheissä der frühe Vogel fängt den Wurm. Oder wiä gahts? Calgary by Night gsed aso würkli au toll us will de Tower so bunt belüchtet isch und praktisch no kei Lüüt uf de Straass hed. Mier händ hüt am 6:00 müessä am Flughafä siii das mier händ chönä uf Toronto überä Flüügä. Am 08:30 isches de loos gangä. Mier händ 3.5h Flug vor üs gah. Das heisst am 12.00 (Calgary Ziit) simmer glandet. Aber äbä Calgary Ziiit da in Toronto sinds äbä wieder 2h vorus. 🙄 So simmer glandet und es isch de halt scho 14.00 gsi. Janu Kofferä gu holä und ab gu s Auto holä. Mol wür aso sägä mier händ es hüpsches übercho. Zum Fahrä ischer au toll. Den simmer uf d suechi nachmene Bett. Händ de bim 3. Aalauf au eis gfunde. Aber mier händ ned so lang bruucht wills kei Platz gah hend. Sondern wills entweder z tüür gsi sind oder eifach ned so hüpsch usgseh händ. De simmer no gu z Nachtässä und händ no üses Spieli gspielt. Und de simmer wieder zrugg is Motel gu Besprächä was mer morn mached und wies wiitergaht. 😴😴Lue lisää

    Katso käännös
  • Hochsigsreis🇨🇦✈️

    Bsuäch bi CHer in Tillsbourg& Holyrood

    26. syyskuuta 2023, Kanada ⋅ ⛅ 14 °C

    Ja hüt morgä hämmer üs ufä Wäg gmacht nach Tillsbourg gu öper Bsuechä vodä Schwiiz. Es isch s Mami vo öperem wo d‘ Daniela kännt. Oo sie hed eso freud gah. Mega härzig gsi. Nachene simmer wiiter Richtig Holyrood. Da simmer en Schwiizer Familiä gu bsuechä ufere Farm mit ca. 350 Geissä. Wos Alltag düend mälchä. De Kilian isch vor 11 Jahr scho da gsi mitm Markus und händ diversi Maschine gflickt. Au sie händ mega freud das mer cho sind. Bi innä hämmer dörfä Znachtässä und sie hed au no es Bett für üs. 😃 Das hämmer sehr gärn agno. Mier hend de nochli gschwätzt und de isch d Anita plötzlich mitmene Gästebuech cho wo de Markus und de Kilian vor 11 Jahr sich verewigt händ. Und ich wür sägä sie hend sich gadechli Mühä gäh. 👏🏻👏🏻Ja und durs schwätze und verzelle isch de glii spat wordä. Und mer gönd ab is Bett. 😴😴 Und lueged was mer morn mached. Und wohi das üs verschlad. 🧐🧐😴Lue lisää

    Katso käännös
  • Hochsigsreis🇨🇦✈️

    Wiiterfahrt Richtig Barrie

    27. syyskuuta 2023, Kanada ⋅ ⛅ 12 °C

    Hüt hämmer z Morgä übercho, mmmh mit feinem Zopf. Mier sind de nachene nomal i Stall überä zude Geissä und händ bim Rene de Schlüssel gholt das mer händ chönä i Wald hindere zu dene altä Auto wo dede sind. Diä hend de Kilian und de Markus au scho vor 11 Jahr entdeckt. 😂 wieder zrugg ufm Hof hämmer bim Jeep no müessä luege wiso daser immer Battrie läär zogä wird. De Automech heds de natürli glii usä gfundä und jetzt chamerne wieder la stah ohni das mer Batterie muess abhänkä. Mier hend de am Rene nomal zuehluegt wiä er Fuetternischig macht und sind no zu sinä Eseli und zude Ponys. Gägä über vom Hof hämmer de no en Sprützwage entdeckt vo wissi Bohnä gsprützt hed. Den hämmer no z Mittag übercho. Mmmh isch das fein gsi.🤤🤤 Nachm Mittag simmer de langsam wieder loos gfahre in Richtig Barrie. Das isch es chlises Städtli am See ob Toronto. Da hämmer de es Hotel gsuecht und gad gfundä. Mier händ i Checkt und schnell Gepäck usgladä und sind de nachene gu Pizza ässä. Wieder zrugg im Hotel hämmer üs scho glii Bett fertig gmacht. Und sind gu pfussä😴😴Lue lisää

    Katso käännös
  • Hochsigsreis🇨🇦✈️

    Algonquien National Park

    28. syyskuuta 2023, Kanada ⋅ ⛅ 11 °C

    Hüt hämmer üs ufä Wäg gmacht Richtig Ottawa. Mier sind dur de Algonquien National Park. Dede hämmer mal amene Ort z Mittag gässä und sind chli gu spazierä. Nachene simmer wiiter gfahre bis zum Lake of two Rivers. Dedä hämmer de Fäldstächer usegno und mal ume gluegt ide Hoffnig das mer öpä es Tier gfindet. Aber leider isch das nüd gsi. Mier händ de aber am See Spuurä vomene Elch entdeckt. Aso Wildtier häts umä. Es wet sich eifach ned a üs zeigä. 😏 Janu fahremer halt wiiter. Mitem Ziel es Schlafplätzli z gfindä. Underwägs hämmer aber no s Visitor Center entdeckt. Da s dede eich immer cooli Tipps hed hämmer no en Abstächer ded ane gmacht. Es hed sich aso glohnt will ded innä sind chli Tier usgstellt wos im Park hed. Und erchlärt das frühner bi dem Center en Firetower gsi isch. Wos händ müessä Usschau haltä öbs irgendwo Waldbränd hed. So und wiiter gahts tatsächlich sind mier au fündig wordä mitmene Schlafplätzli. Und de no diräkt am Golden Lake mit herrlicher Sicht zum Sunnäundergang. Mier sind de gu z Nacht ässä und nomal chli am Strand gu umä watschlä. Und den is Zimmer und chli siii. Soo und jetzt heisst ab under Decki und schlafä. 😴😴Lue lisää

    Katso käännös
  • Hochsigsreis🇨🇦✈️
    ParlamentsgebäudeFarmer MarketKanalschleuseKanalschleuseKanalschleusenNotre Dame (Kirche)Aussicht vom Parlaments Hill

    Ottawa

    29. syyskuuta 2023, Kanada ⋅ ⛅ 16 °C

    Ja hüt simmer scho ide Hauptstadt vo Kanada acho. Wauu es isch würkli gigantisch. Diä vielä altä pompöösä Gebäude sind wahnsinnig. Und mega idrücklich zum aluegä. Nur schad das eis ipackt isch wills am Renovierä sind. Janu mer cha halt ned immer alles ha. Mier sind de ufnä Kanal Rundfahrt. Diä isch aber ned würkli spannend gsi. Janu schön und gmüetlich isches gsi. Uf dem Kanal wo mier underwägs gsi sind isch im Winter amig zuä gfrorrä und es isch eis Iiisfäld. Megaaa coool. 🤩🤩 Ja nach dere 1.5 stündigä Rundfahrt sind mier de nochli ide Stadt umäglofä und händ dieses und jenes no gseh. Au cool isch das eich s Parlamentsgebäude ufere Kuppä obä isch und mer eich schön uf Stadt abe gsed und mega schöni Ussicht hed. Mier sind de langsam wieder zu üsem Auto gangä und händ üs ufä Wäg gmacht zum es Schlafplätzli suechä. Mier händ de au usserhalb vo Ottawa in Casselman eis gfundä. Nachm Zimmer beziehä simmer de au gu z Nacht ässä und währendesse das mer ufs Ässä gwartet händ hämmer Tschau Sepp gspielt. Nachm Ässä simmer de wieder is Zimmer und händ gluegt was mer morn in Montreal alles chönd aluege. Denn hämmer nochli Chartä gschriebe, das muess natürli au sii. Scho glii nachene hämmer üs Bett fertig gmacht und sind under Decki gschloffä. 🛌😴Lue lisää

    Katso käännös
  • Hochsigsreis🇨🇦✈️

    Montreal

    30. syyskuuta 2023, Kanada ⋅ 🌙 18 °C

    Hüt simmer nachm z Morgä los gfahrä Richtig Montreal. Nach 1.5h Fahrt hämmer üses Ziel au scho erreicht. Auto parkiert und loos chli dur Stadt gschländeret. Mier händ de usegfundä, dass das Strössli womer glofä sind diä ältist Strass isch hiä, schiiins. 😂 Nachmene chlinä z Mittag Snack simmer de wiiter ufs Riiesäraad😃 Buaa diääää Uuusicht eifach gigantisch🤩 Nachher simer de nomal chli dur Stadt glofä und dur d Markthallä wos huufä Boutique gah hed. Wieder zrugg bim Auto hämmer natüürli no müessä uf d F 1 Sträcki isch ja klaar oder? Aber statt mit de 300 km/h simmer de mit Schüüüchä 30 km/h on Tour gsi. Ja mier händ ja au mit üsem Mietauto druf chönä und ned mit de F 1 Autos. Aber was üs chli truuurig gmacht hed. 😞 Si sind au da am Buä und mier händ ned ganz rundumä chönä, Leider. 😢 Zum Trost hämmer de gad gueti Schwiizer Schoggi gässä. Das hed bitzeli ghulfä. Mier händ de, de Wäg Richtig Quebec under d Räder gno. Und in Drummondville hämmer de üses Schlafplätzli gfundä. Den simmer gu z Nachtässä. Da hed üs de Chällner nachm Ässä bstellä gseid mier sölled de no in Egge hinderä. Dede chamer Buttertoast machä. Aso statt Brötli und Butter ufm Tällerli am Platz. Chamer dede sis Butter Brötli sälber machä und den ufä Grill duä. Entweder mit Chnoblibutter, Pestobutter, Tomatäbutter oder au gaaanz normalä Butter. Buaa isch das cool und fein gsi. Au s Ässä nachene isch de Hammer gsi. Hüt halt mal mit Vorspies. Wobi wenn mer das mit dä Toastbrot frühner gwüsst hättet, hättemer d Aranchinis üs au chönä spaarä. Eegal guet sind gsi. Soo und mit voll gfrässnä Büch gömmer wieder zrugg is Hotel. Womer nochli Bricht schriebed und lueged was mer morn so mached. 😴😴Lue lisää

    Katso käännös
  • Hochsigsreis🇨🇦✈️

    Québec

    1. lokakuuta 2023, Kanada ⋅ ☀️ 20 °C

    Hüt am morgä isches für üs loosgangä Richtig Québec. Dede acho simmer chli am Hafä naa glofä mit de grossä Chrüüzfahrtschiff 🤩und de spöter id Altstadt cho. Diä isch würkli schön und ich wür fast sägä eini vodä schönstä womer bis jetzt gseh händ. Mier händ de en churzä Stopp gah binere Bäckerei und händ dede öpis chlises z Mittag gässä. Mmh isch das fein gsi. Mier händs natürli wieder mal breicht und es isch gad no Marathon gdi dur Québec durä. Na toll. 😏 Hed üs aber ned ufghaltä und mer sind nochli gu lädele und chli umä glofä. D Altstadt isch jetzt würkli härzig Dekoriert mit Kürbis und zum Teil sind au Huuswänd bemalt. Denn hämmer üs uf d Wiiterfahrt gmacht und händ de Wäg igschlagä Richtig Nova Scotia. Ja de heissts nogli mal ufm Navi 342km eifach grad us. 😂😂 Underwägs hämmer no paar megaaa grossi Farmä gseh. Und diversi Buurä wo mitm Gülläfass underwägs gsi sind. Da isch de halt mal sones Fass mit 3-4 Achse underwägs. 😂🙈 Mier händ de in Témiscouata sur le Lac es Motel gfundä und händ üs hiä niedergla. Denn simmer no gu z Nachtässä und morn gahts de wiiter. Mit viel KM hinder üs bringä das mer bald in Nova Scotia sind. So und jetzt heisst ab is Bett🛌😴Lue lisää

    Katso käännös
  • Hochsigsreis🇨🇦✈️
    3

    Richtig Nova Scotia

    2. lokakuuta 2023, Kanada ⋅ 🌙 15 °C

    Ja vo üsem hütigä Tag gids ned viel z verzellä. Mier sind hüt morgä de wiiter Richtig Nova Scotia es sind no über 700 km gsi. Underwägs hämmer de no diä Usfahrt vo dem Wasserfall gseh und sind de natürli gad usä gfahrä zum gu luegä. Mol aso wenns dede diä Schieber ufmached de chund de glaub gadechli Wasser. Isch ja hüt scho ned wenig cho. 😂 Nachene simmer de wiiter und händ bimene Subway öpis chliises z Ässä gholt. Aa jaa und übrigens mier sind jetzt scho wieder en Stund nöcher ade Schwiizer Ziit sprich nur no 5h hinnä nachä. 😂😂 Jetzt hämmer de fast alli Ziitzonenä gah vo Kanada. 🍁🇨🇦🙈 soo und wiiter gahts. Mier sind de no dur de Fundy National Park. Und nach dem simmer imene härzigä Dörfli glandet. Hiä hämmer de au es Motel gfundä. Sind gu z Nachtässä und nochli umä spaziert. Da hämmer doch no en Chilä entdeckt. Wo aber jetzt kei Chilä me isch sondern en Bier Brauerei. Aber gsed no hüpsch us. 😃Denn simmer is Motel gu Sachä erledigä und de hämmer no en gmüetlichä Abig gmacht.Lue lisää

    Katso käännös
  • Hochsigsreis🇨🇦✈️
    Darstellug Ebe- Flut

    Hopewell Rocks& Pegys Cove

    3. lokakuuta 2023, Kanada ⋅ ⛅ 15 °C

    Hüt morgä simmer ufbrochä i zudä Hopewell Rocks. Das sind Stei mit Bäum obe drufä wo usem Meer lueged. Und wenn Ebe isch sinds ganz dusä und mer chan drum umä laufä. Und wenn Fluet isch, isch de grössti Teil im Wasser. Mer gseds uf eim Bild dargstellt wo mer postet hend. Das isch würkli no spannend und megaaa idrücklich gsi. S Wasser isch bis zu 12m höcher wenns am höchstä isch weder eso wies jetzt mier gseh händ. 😱Nachenä simmer wieder wiiter gfahrä Richtig Noca Scotia und händ nomal en Brass pro Shop gfundä. Au de hiä isch vollä mit usgstopftä Tier. Und natürlich hed au de es Aquarium im Ladä. 😂😂 Ja isch halt alles chli grösser und anderst hiä. Mer hed ja au gnuä Platz. Äntlich d „Insle“ Nova Scotia erreicht simmer de wiiters Richtig Pegys Crove. Dede heds en Lüüchtturm. Und de hed Daniela natürlich unbediengt müessä gseh. Und er isch au megasa schön gsi. Scho cool sonä Lüüüchtturm. Hiä isch au mal es Flugzüg abgdtürzt vode Swissair. Mier sind de uf Halifax wiiter dede hed üs aber keis Hotel wellä. Oder besser gseid mier händ ned wellä soviel zahlä😂😂. Mier sind de nochli wiiter gfahrä und händ üs de in Truro niedergla. Nachm z Nachtässä sind mier de scho gli is Zimmer ufä. Und händ scho bald glosst was üses Chüssi verzellt. 😃🛌😴Lue lisää

    Katso käännös
  • Hochsigsreis🇨🇦✈️

    Prince Edward Island

    4. lokakuuta 2023, Kanada ⋅ 🌙 10 °C

    Hüt morgä simmer nach de stärchig vom z Morgä ufbrochä Richtig Prince Edward Island. Mier händ en Fähri gno für zum überä Fahrä. Das au Daniela mal Fähri gfahrä isch. 😂😂 D Überfahrt isch mega cool gsi und hed doch 1.5h duuret. Zum Glück hämmer au immer no schöns Wätter. Uf de Inslä acho simmer quer durä gfahrä zu „45 Steps“. Ich weiss ned vilicht seid üch das öpis. Das Päärli isch bi Uf und devo cho uf SRF. Siii händ hiä en Villa kauft und 7 Gästezimmer igrichtet. Bi innä acho simmer sehr fründlich vom Gastgeber Thomas empfangä wordä. Er hed üs chli verzellt wies lauft etc. was mer no chönd aluege hiä uf de Inslä und und und. Plötzlich isch de Barbara au uftaucht. Sie isch gu Postä gsi. Ja das muess halt au sii. Mier händ de gad schnell ghulfä Auto usladä. Au sie hed verzellt und gmacht. Und gseid sii sind eich immer usbuecht. Beidi händ sich mega entschuldigt das si üs keis Zimmer chönd abütä. Da äbä alli bsetzt sind. Ja es isch würkli ii drücklich und spannend gsi bi innä. Sie händ üs erlaubt das mer no diä 45 Steps (Schritt) abä dörfed machä zum Meer. Es isch chli windig gsi aber sie händ würkli es Paradies hiä. Mier händ üs bedankt und sind de wiiter gfahrä Richtig Charlettown. Das isch es chlises Dörfli ganz ide nöchi vo innä. Dede hämmer de churz öpis gässä sind chli umä glofä und de au scho wieder wiiter. Über d Confederation Bridge simmer de vo Prince Edward Island wieder ufs „Festland“ cho. Mier händ üs entschiedä das mer no bis uf Moncton fahred. Dede hämmer de au schnell es Motel gfundä. Gad gägä über heds no en Bar and Grill und dede simmer de au öpis gu ässä. Isch würkli guet gsi. Aber d Daniela vermisst scho affig echli d Schwiizer Chuchi. So es Rahmschnitzeli, Bratwurst mit Rösti, Speck& Bohnä…🤤🤤🤤 Soo muess hörä suscht chnuurreds scho. 😂 Zrugg im Zimmer simmer de nümm so fliessig gsi. Eher chli fuul. Mier händ de üs no Bett fertig gmacht und sind scho glii underä. 🛌😴😴Lue lisää

    Katso käännös
  • Hochsigsreis🇨🇦✈️

    Zrugg nach Québec

    5. lokakuuta 2023, Kanada ⋅ ☁️ 18 °C

    Ja üsä hütig Tag isch ned soo spektakulär gsi. Mier sind ufbrochä am morgä Richtig Québec. Eigentlich hämmer dänkt mer fahred ned so wiit da aber üses Kollegepäärli au gad in Québec isch, hämmer de üs entschiedä das mer glich gad abä fahred. Sind ja nur 750km gsi. 😂😂 Dur vieli schöni, bunti Wälder simmer gfahrä. Ab und zuä en Halt gmacht das mer händ chönä ufs WC oder öpis zÄssä postä. Und denn au grad scho wieder wiiter. Mier händ de d’ Bettina und de Kevin im Motel troffä, da mer im gliichä buecht händ. Churz früsch gmacht und de simmer au scho zämä gu z Nachtässä. Händ chli gschwätzt und öppä eis, zwei trunkä mitenand. Und de simmer au scho zrugg und under Decku gschlofä. 😴😴Würkli en gmüetlichä Abig gsie mit üch zwei.Lue lisää

    Katso käännös
  • Hochsigsreis🇨🇦✈️

    Zrugg Richtig Montreal

    6. lokakuuta 2023, Kanada ⋅ 🌧 18 °C

    Ja eich gids gar ned viel zverzelle hüt. Mier sind am Morgä mit de Bettina und em Kevin gmüetlich gu zMörgelä und nachene händ sich üsi Wäg wieder trännt. Mier sind Richtig Montreal und die Andere zwei sind d Stadt Québec gu unsicher machä. Ufm Wäg händ mier de en IKEA gseh. Will mer ja deziit händ hämmer de üs entschiedä chum mer gönd doch mal gu luege was d IKEA da in Kanada so alles hed. Und es isch aso fast identisch. D Chuchenä sind a Kanada apasst aber suscht gfinsch eich alles au wo mier au händ. Mier händ de da no z Mittag gässä natürlich Hackbällchen mit Gummelstock, Erbsli und Preiselbeeri. Ouu isch das Guet gsi. Mier sind de wiitergfahrä und händ nachmenä Hotel usschau ghaltet. Und sind de au fündig worde. Das Hotel hed erst im Summer früsch ufgmacht und isch würkli schön gmacht und absolut im Priis. Nachm icheckä und Zimmer bezieh simmer de wieder verussä. Und lueged emal dä schööni Sunnäuntergang aa🤩. Sogar no en Rägebogä heds gä. 🌈Will es hed tatsächlich hüt Namittag emal grägnet. 🌧️Denn simmer gu ässä. Ja isch guet gsi eifach chli zviel. 😂 Mier sind de wieder zrugg is Hotel und händ no en Maschine voll Wösch ob da. Öppä diä letscht in Kanada. Nachene dümmer de wieder de heimä wäsche. Soo und scho glii heissts wieder ab is 🛌🛏️ gu 😴😴.Lue lisää

    Katso käännös
  • Hochsigsreis🇨🇦✈️

    Park Omega

    8. lokakuuta 2023, Kanada ⋅ 🌧 10 °C

    Hüt hämmer üs nachm Z morgä ufä Wäg gmacht zum Omega Park. Dede chamer mitm Auto durä fahrä und es chömed mega viel Tier mega nöch. Ja schüch sind diä gaar ned. So chamer sie fuetterä und alagä. Es Hed vo Wölf über Bärä Hirschä Elch Bisons, ja es hed würkli fast alles dede. Isch würkli cool und idrücklich dede. Mier sind de wiiter gfahre Richtig Toronto. Und händ in Napanee en Übernachtig gfundä. Da si hiä Longweekend händ isch alles eher usbuechet. Isch ja schliesslich Thanksgiving. Mier sind de is Zimmer chli gu sii und sind de scho glii gu Z Nachtässä. Isch aso würkli fein gsi. Nachene zrugg is Zimmer und de nochli gluegt was mer morn mached Hotel gsuecht für d Niagarafäll usw. Und de heisst au scho Bricht schriebe und de ab gu Pfussä. 😴Lue lisää

    Katso käännös
  • Hochsigsreis🇨🇦✈️
    Niagara FallsChilbi Stadt😂Must have für Daniela luut Kilian✨😂🤪Horseshoe FallsHorseshoe Falls vom TowerNiagara Falls vom Tower

    Napanee- Niagara Falls

    8. lokakuuta 2023, Kanada ⋅ ☁️ 8 °C

    Hüt Morgä womer verwachet sind hed hüs mal de Rägä begrüesst. Mier sind de glich nach de Stärchig wiiter gfahre Richtig Niagara Falls. Mier händ gester Abig no es Hotel buecht das mer au sicher no es Plätzli händ. Da Daniela ufm Wäg unbedingt ufs WC hed müessä, hämmer halt gmacht bide IKEA und dede au gad nomal öpis chlises Zmittag gässä. Ja d’Lädä hiä händ au am Sunntig offä. Und au wenn Thanksgiving isch. Es hed aso au demensprächend Lüüt gah. 😂Nachene simmer de au scho wieder wiiter. Am spöterä Namittag simmer de bide Niagara Falls acho. Und gad zerst zum Hotel gu icheckä. Schnell is Zimmer gu Gepäck ablade. Mier händ de schnell gluegt wo mer chöntet gu z’Nachtässä. Mier händ de üs entschiedä das mer chli mitm Auto umä kurved und mal lueged wases eso hed. Mier hend de s Hard Rock Café entdeckt und natüüüürlich simmer dede gu Ässä. Es isch mega fein gsi. Nachenä simmer natürlich no in Shop. Dede hed de Kilian no en schöni Jaggä gfundä für mich. Was meinider staaht sie mier?😂😂✨ Mier sind de nachm chline Spaziergang das mer d Falls no bi Nacht gsänd, de au scho mitm Auto wieder is Hotel. Doch plötzlich isch üs no i Sinn cho das mer ja eich au am Abig no schnell i Tower ufä chönd und morn wenns hell isch nomal. Natürlich hämmer de das au gmacht. Es isch cool gsi und hed gar ned viel Lüüt gah. Isch ja doch rächt chalt und Rägnerisch. Diä Fäll sind scho megaaa cool und gigantisch. 🤩🤩Mier sind de wieder abe und händ üs wieder ufä Wäg is Hotelzimmer gmacht. Hiä hämer nochli Sachä erledigt und sind under Duschi und scho bald is Bett.Lue lisää

    Katso käännös
  • Hochsigsreis🇨🇦✈️

    2. Tag Niagara Falls

    9. lokakuuta 2023, Kanada ⋅ ⛅ 8 °C

    Mier sind nachm zMorgä uf brochä zudä Niagarafalls. Gad als erst simmer nomal i Tower ufä da mer gester es Kombibilette (Tag&Nacht) glösst händ. Wenns hell isch sind d Fäll no viel idrücklicher weder dunkel. Eifach nur megaaa schöön😍. Mier sind de eich de ganz Vormittag chli bide Fäll gsi und hend gluegt und gstuunet. Natürlich simmer au no in Souvennir Shop dede. Und im Café hämmer äntlich mal feini Croissant gfundä. Mier händ ned chönä wiederstah und sind no en zweiti Rundi gu holä. Ja s‘ Znüni isch ja au überfällig gsi isch ja schliesslich scho nach de 10ni gsi. 😂Mier sind de nachene langsam wieder dur fürä glofä. Und jeeses plötzlich heds da lüüt umä. 🙈 Mier sind de no in „Chilbi“ Stadtteil. Dede heds eich alles und no mee was bi üs ade Chilbene gid. Vom Wachsmueseum übers Riiiesärad ja bis zu diverse Spielhallene und Bahnene. Sogar ufm Burger King Dach heds no en Achterbahn. Und en riiiesigi Go Kart Strecki. Mier sind de chli dede rundume gu luege und händ diverses entdeckt und agluegt. Plötzlich hed üs es Dürstli blaged und mer händ en Abstächer id Brauerei gmacht. Ja hiä hed eich jedes „Dorf“ ihri eiged Brauerei. Da hämmer de au no gad öpis chlises gässä. Bevor mer de wieder chli wiiter sind. Ja es gid würkli viel z entdecke hiä. Und isch würkli schön da. Am spötere Namittag sind mer de au no id Distillerie gu eis nä. Bevor mer üs de langsam ufä Wäg gmacht händ zum Hooters gu zNachtässä. Isch fein gsi, aber mer händ ned mal chöne fertig ässä isch sie scho mit de Rächnig cho. Ja das isch hiä leider normal in ganz Kanada isch das so. Das isch würkli chli schad. Aso ich freu mich de wieder, wenn au nochli chasch sitzä und chli sii imene Restaurant. 🤣 Mier sind de wieder zrug is Hotel und händ nochli umä plegeret und de spöter üs parat gmacht für is Bett.Lue lisää

    Katso käännös
  • Hochsigsreis🇨🇦✈️

    Whirlpool- Brantford

    10. lokakuuta 2023, Kanada ⋅ 🌧 9 °C

    Ja hüt Morgä simmer verwachet und es isch bewölkt gsi. Mier sind de nachm zMorgä richtig Maple Leaf Place gfahre. Dede erchläreds echli wiä Ahornsirup härgstellt wird. Und natürlich chamer au chaufä. Ja es isch chli entüsched gsi mier händ beidi chli mee erwartet. Janu simmer halt scho glii wieder wiiter Richtig Whirlpool gfahre. Dede macht de Niagara River öppä en 90 Grad Winkel. Und de gids wiä sone Whirlpool. Mier sind de mitmene Bähnli über de Fluss inä gfahre. Das isch würkli no idrücklich. Vorallem will bi dene Muurä eich scho d USA isch. De Fluss isch nämli Gränzä. Nachene simmer de wiiter Richtig Brantford. Underwägs hämmer en Stopp igleid bimene Brass pro Shop und näbed dra isch gad no es Outlet gsi. Dede simmer au nochli umä glofä. Und händ de mal en Kürbissuppä gässä (äntlich mer händ üs scho gfragt öb diä das hiä ned känned). Uu diä isch au würkli fein gsi. So zrugg is Auto und wiiter gahts. Nächsti Halt isch de de Canidian Tire gsi, shopping Hallä für de Kilian. 😂😂 ja au das muess si. Ded innä heds eich alles. Vo Chinderspielzüüg, zu Wärchzüg, Camping Artikel und und und…. Ja es isch verruckt was dä Ladä alles bietet. Mir sind de nomal zrugg is Outlet will mer vode Schwiiz no en bstellig übercho händ😂 sind ja au nur 10 Minutä gsi. So acho, ab in Ladä gu Uftrag erfüllä und wieder zrug is Auto und wiiter gahts. Mier sind de bi üsem Ziel acho und händ de au gad sofort es Motel gfundä. Nachm icheckä simmer no i Shopps nochli gu schneugä bevor mer de sind gu z Nachtässä in Graby Joe. Am Kilian sis Wunsch Restaurant scho diä ganzä Feriä. S Ässä isch au guet gsi. Und scho simmer wieder zrugg is Motel und händ nochli Chartene gschriebe und sind de au scho glii is Bett. 🛌Lue lisää

    Katso käännös
  • Hochsigsreis🇨🇦✈️

    Akunft bide letschte Stadt Toronto

    11. lokakuuta 2023, Kanada ⋅ 🌙 9 °C

    Ja hüt isch en bsundrigä Tag schliesslich hämmer no öper wo Geburtstag hed. 🥳🥳Nach em z Morgä (mmmmh Pancakes) simmer wiiter gfahre Richtig Toronto. Mier händ de Wäg usä umä gwählt das mer no öpis vode Umgäbig gsend. Mier händ de underwägs no en Ladä entdeckt wo mer eich scho diä ganz Ziit gseid händ ded innä wämmer de nomal. Ja und will üsi Reis ja scho langsam zÄnd gad, hämmer de das au gmacht. Schlussäntlich hed sich usägstellt dases en Mall isch😂😂. Ja simmer halt dede nochli umä glofä. Und verruckt was mer imene Läbensmittelladä alles entdeckt. Wernli hani gernli. 🤩 Hiä hämmer de üs au öpis Zmittag teilt. Isch aso guet gsi. Nachene simmer de au wiiter gfahre Richtig Toronto. Vo wiitem hämmer de scho mal de Tower entdeckt. Ded ufä gömmer hüt gu zNachtässä. 🤩 Ja mier sind de gu Icheckä is Hotel. Und händ eich wellä s Auto id Tüüfgarage stellä wo d Daniela äxtra no zahlt hed. Aber mier händ ja en Jeep Grand Cherokee de hed doch chli höchi. Leider isch Tüffgarage nur 1.65m höch. Hmm tja, also wieder ad Rezeption gu reklamierä. Ja mer chönd im Public Parking gu parkierä heds de gheissä. Ja klaar machemer aber d Daniela wett natürlich denn au s Gäld zrugg. Heds de nach churzä Diskusion au gäh. So zagg schnell parkiert und deno günstiger😂😂 Ja was wetsch nomee? Im Zimmer acho simmer schnell chli am umäwusslä gsi wäg üsnä Köfferä und nachene de au scho ufbroche Richtig Tower mitmene Spaziergang. Dede acho hämmer de au scho gli ufä dörfä. Und üsä Platz iiinäh. Grad am Fänster megaaa cool🤩. So chömer diä 360 Grad Rundumfahrt wunderbar gnüssä währedem Ässä. Es isch wunderbar gsi und au s Ässä isch mega fein gsi. S Dessert heds sogar no mit chlinem Glückwunsch gä. Da de Kilian das bide Reservation agäh hed (ohni wüssä vodä Daniela). 😍🥳 Es isch en wunderschönä gmüetlichä Tag gsi. Sicher en Geburtstag woni niä wird vergässä. Nachene simmer no uf s Öffentliche Deck wo alli Bsuecher druf chönd. Hmm es hed fast chli zviel Lüüt gah drum simmer de scho glii wieder abä. Mier händ de üs ufä Wäg gmacht zrugg zum Hotel. Und händ üs dede entschiedä mer gönd no schnell id Bar eis gu nä. Nomal gu astossä und fiiirä. Scho glii druf abä simmer de is Zimmer ufä. Händ üs Bett fertig gmacht und nochli „Büro“ arbet gmacht.Lue lisää

    Katso käännös
  • Hochsigsreis🇨🇦✈️

    2. Tag Toronto

    12. lokakuuta 2023, Kanada ⋅ 🌙 11 °C

    Hüt hämmer d’ Stadtrundfahrt gmacht. Mier sind drum eich gad am Morgä ufgstandä, agleid und verussä. Will, gad hinder üsem Hotel isch de ersti Halt. Bilette lösä zagg, istiegä und loos gahts. Üsä ersti Halt isch de ide nöchi vom Tower gsi da dede hinä dra no en Brauerei isch. Ded innä simmer de öpis chlises gu ässä. Und nochli umäglofä, will no es paar alti Lokenä usgstellt sind. Nachenä isches de au scho wiiter gangä mitm Bus und mer händ wieder halt gah bide Hockey Hall of Fame. Dur diä hämmer natürlich au müessä gah. Gu luegä öb da würkli es EVZ Trikot umä isch & tatsächlich hämmers gfundä.Isch würkli spannend und au idrücklich gsi. Mier sind de no id Märthalle füre glofä. Das isch würkli au immer spannend und mängisch halt au bitzeli speziell so vo wäge Hygienä. 😂🙈Denn hämmer natürlich au no de Restä vode Städterundfahrt gmacht und sind de wieder bide 1. Station usgstiegä. Es isch verruckt aber es isch scho Namittag am 16.00 Uhr gsi. Mier sind de is Hotel zrugg glofä und händ nochli Kofferä umgladä und beladä. Das morn heisst Kofferä packä und ab nach Hause. Es isch krass aber die siebä Wuchä sind scho durä. Mier sind de no gu öpis chlises Znachtässä. Nachene no schnell en Abschieds Drink gu nä ade Bar & de wieder is Zimmer ufä. Dede hämmer no online icheckt für de Flug und de düemer au eifach nochli sii. Und de letscht Abig gnüssä.Lue lisää

    Katso käännös
  • Hochsigsreis🇨🇦✈️

    Ufä Heiwäg

    14. lokakuuta 2023, Sveitsi ⋅ 🌧 11 °C

    Ja es isch verruckt aber üsi 7 Wuchä sind gester z änd gangä. Mier händ nachm Ufstah üsi siebe Sachä packt und sind loos mal Richtig Flughafe. Tschüsss Toronto. Schliesslich hämmer s Auto no müessä wäschä& suugerä. Das chli en Gattig macht so gahts viel schneller bim abgä. 😂 Schnell en rundi z Mittag ässä. Stärchig isch ja schliesslich wichtig. Mier händ de üs langsam zum Flughafe begäh. Will mer ja no müend s Auto abgäh. Und da weiss mer leider niä wiä lang dases gad. Mit 5616km mee ufm Tacho hämmer de au d Schlüssel wieder übergäh. Es isch verruckt was mier alles händ dörfä erläbä hiä in Kanada. Es isch würkli spannend und idrücklich gsi.
    Mier händ üs de ufä Wäg gmacht Richtig Gepäckufgab. Vorher heds aber no gheissä chli wartä. Und will mer am Mittag no es Sms übercho händ das üsä Flug en Stund spöter chund hämmer halt nochli länger müessä warte. Janu halt chli läsä und suscht öpis am Natel umädrückä. Soo Ziit isch da gämmer mal üsi grossä Köfferä ab (juhui sind alli im Gwicht).🥳 Und mier laufed langsam und gmüetlich durch de Check und Richtig Gate. Ja aber leider flügt üsä Flüger doch erst am 22.15 Uhr, sprich 1.5h verspötig. Irgendwenn hämmer de no es Hüngerli gah und öpis chlises gässä. Das ja im Flüger de au wieder öpis gid. Ha verruckt, plötzlich sitzemer im Flugzüg und es cha nümmä lang gah. Ja schlussändlich sinds de Gsamthaft 2h verspötig gsi. Aber was wetsch gäll (Daniela hed zwar scho affig langsam ke Närvä me gah). Chum simmer gstartet heds au scho es Tablar voll Ässä gäh. Es isch okey gsi. Wiä halt Flugzügässä so isch. 😂 Daniela hed sich Ziit vertriebe mit läsä und Film luegä. Zwüsched dinnä hämmer au es chlises Nickerli gmacht. Und scho sind diä 7.5h umä gsi und mer sind glandet. Abgholt wordä simmer vom Gotti vodä Daniela und vom Mami vode Daniela. Sii fahred üs hei das mer as Hochsig chönd. 😂 Hallo Schwiiz🇨🇭🇨🇭Hallo Mänzingä    Lue lisää

    Katso käännös
    Matkan lopetus
    14. lokakuuta 2023
  • 2025© FindPenguins
  • Koti
  • Tietoa meistä
  • Ryhmän seuranta
  • Lehdistö
  • Ehdot
  • Yksityisyys & Cookies
  • Ohjekeskus
  • Merkintä