Low Head

Hüt gahds wiiter uf Tasmanie. De Morge hemmer nomal im Melbourne Central (es riiiiesigs Ihchaufscenter) verbracht und det zmörgeled. Währenddesse isch im andere Gebäudeteil de Füüralarm los und 3Minute spöter sind zig Füürwehrautos und d Polizei cho. Da hemmer grad chli Action gha.
Am Namitag simmer de uf Launceston gfloge und vo det mitem Mietauto uf Low Head gfahre. Low Head isch wie Phillip Island für die chliine Pinguine bekannt. Leider chame a de Hauptstrand nur mitere Tour gah - mier hend üs denn aber selber ufd Spuur gmacht und hend au eine gfunde 🥰
Dihei i üsem Hüüsli hemmer üs denn Znacht gchoched. Mit ganz vill Gmüess - das hed üs die letzte Täg/Wuche chli gfählt 🙈Læs mere