Sydney

Am Mittwuchmorgä simmer vo Hobart uf Sydney gfloge. Mier hend üs sehr uf die wärmere Temperature vo Sydney gfreut. Gäge Mittag simmer de bi üsem Hotel ahcho und grad mal go ihchecke und nah i de Stadt öbis Zmittag go ässe. Am Namitag simmer de no en schwumm i üsem Hotelpool go näh, damit mer wieder gstärkt fürs Sightseeing sind. S Opera House und d Harbour Brigde sind sehr nöch vo üsem Hotel. Am Abig simmer de no zum Darling Harbour und nah mitem Schiff retour.

Am Dunnstig simmer nomal s Opera House, de Botanisch Garte, de Bondi Beach und au d Manly Beach go ahluege. Das isch richtig gmüetlich gsi. Zum Zmittag hemmer de no so en "Pie" tested, wo anschienend typisch australisch isch.

Leider isch hüt üse letzti Tag in Australie. Morn gahds scho wieder richtig hei.Læs mere