検索条件をリセット
Mit Rucksack um die Welt
  • Free your mind
  • Surf your life
  • Free your mind
  • Surf your life

Mit Rucksack um die Welt

Free your mind & Surf your lifeによる462日間のアドベンチャー。 もっと詳しく
+9
フォローする概要概要カレンダーカレンダー写真写真共有共有バケットリスト
概要カレンダー写真
  • Mit Rucksack um die Welt
    Kuta Beach
    Kuta Beach2Inkludierts Zmorge ir UnterkunftTanjung Aan

    Kuta Lombok

    2023年5月30日, インドネシア 🌙 27 °C

    Mit dr Fähri geits witer nach Kuta Lombok und da dermit simer o im muslimische Teil vo Indonesie ahcho. Mehrmaus am Tag ghöremer Gsang/Gebätt us de Lutsprecher vo de Moscheä, die Iheimische Fraue trage Chopftüecher und langi Chleider.

    Kuta isch vorauem bekannt fürs Surfe. Mir hei aber nur drü Täg zyt bismer ufne 4 tägigi Bootstour göh.
    I dene drü Täg gniessemer Sunne, Strand und gö ga natürlech o ga surfe. Am letschte Tag nähmemr de endli au mal Gopro mit zum euses doch oftmalige surfe uf dere reis wenn scho einisch fest zhalte. Leider hets genau a dem Tag für euse Gschmack z'chlini Welle, trotzdem gnüssemers namal es letschts Mal ufm Brett döffe zligge ;)    もっと詳しく

    翻訳をご覧ください
  • Mit Rucksack um die Welt
    2
    22Üses Boot Wahiu WahiuSchlafdeck (ganz am Ahfang)1Zmittagsbuffet1Kenawa Island2Whaleshark (ca. 8m läng)2Am Pinkbeach21Padar Island1KomodowaranÜsi Truppe😅2

    Komodo Bootstour

    2023年6月2日, インドネシア ☁️ 28 °C

    Mit Bootstoure heimer bis iz gueti Erfahrige gmacht gha, drum buechemer e 4 tägigi Überfahrt vo Lombok nach Flores.
    Es söu zum End vo üsere Reis nomau es schöns Highlight gäh. Es het aber nid nur schöni Sitene a dere Tour .
    So verbringemer z.B. di 4 Täg und 3 Nächt mit 39 Passagiere (dervo 26 ufem Schlafdeck) uf engstem Ruum und schlafe uf sehr dünne Mätteli.
    Dasmer uf Komfort müesse verzichte isch üs bewusst gsi, auerdings ischs mit dr Suberkeit vom Schlafdeck und dr Hygiene ufem WC nach de erste 2 Täg rapide derab gange, was eus de glich ned ganz so lässig het dunkt😅

    Am erste Tag wird aues Administrative erledigt, mitemne Böss zum Hafe gfahre und de fang am 4i am nami abgleit. Mir si im Zytplan hingedri und chöme ersch nachem Sunneuntergang uf dr chline Kenawa Island ah. Dur dNacht fahremer witer.

    Am zwöite Tag geits am morge früeh (5.30) mit Schnorchu u Toucherbrüue is Wasser. Inere Bucht wo Fischer ihri Netz ufezieh hets regumässig Wahlheiä.
    Vo Glück rede chame aber eigentlech nid, da dr Wahlhei vom Fischerboot gfüeteret wird, damit er dert blibt und Touriste ihn chöi ahluege. Trotzdem esches es sehr idrücklechs Erläbnis mitem gröste Fisch vor Wäut döffe zschwimme. 😊
    Dr rest vom Tag verbringemer ufem Deck, es wird viu gredet und umeplegeret. Dur dNacht fahremer düre bis zum Komodo Nationalpark.

    Am dritte Tag chöimer am Morge bim Mantapoint ga Schnorchle. Trotz gueter Sicht gsemer leider ke Mantaroche. Es geit witer a Pink Beach, wo dür roti Korallestückli dr Strand pink färbt. Das isch o e usgezeichneti Bucht zum schnorchle. Es isch sehr dicht mit Koralle bewachse und het vili Fische.

    Am letschde Tag geits am morge wider früeh los. Am 5i bringt üs dCrew ufd Padar Island. Dert loufemer ca. 30min dr Hogger deruf und hei e wahnsinnig schöni Ussicht über drü Buchte vor Insle, während d Sunne langsam d Bärge imne orange rot Ton ihfärbt. Es isch Samsti und es het drum enorm viu lüt, was das eigentlech schöne Erläbnis abschwecht. Vorem Mittag gömer no uf dRinca Island zum di gröst Echse uf dr Wäut ga besichtige, dKomodowarane. Bevormer de am späte Nami in Labuan Bajo uf dr Insle Flores ahchöme chöimer no einisch ga schnorchle.    もっと詳しく

    翻訳をご覧ください
  • Mit Rucksack um die Welt
    212

    Labuan Bajo

    2023年6月5日, インドネシア ⛅ 28 °C

    Nach dr Bootstour machemer e ruhige Tag zum üs erhole und d Ihdrück chli la sacke.

    Am Tag druf gömer ufne Touchtrip. Da sich dlorena aber vercheutet het cha si nur ga schnorchle, während dr Tim uf drü Touchgäng geit. Es isch aues top Organisiert, d Crew isch sehr cool und vor, nach und zwüsche de Touchgäng wärdemer jewils sehr guet mit Ässe versorgt.

    Nach nur 2 Täg flügemer am dritte zrüg uf Bali.
    No am Flughafe träffemer üs mit Carla und Jordão, fründe womer in Panama kenneglehrt hei.
    Mir wei na die allerletschte Täg namal zeme mit ihne in Amed verbringe.    もっと詳しく

    翻訳をご覧ください
  • Mit Rucksack um die Welt

    Amed zum Zweiten

    2023年6月10日, インドネシア ☁️ 29 °C

    Final Days!
    Nachdem mir Carla und Jordão am Flughafe treffe, verbringemer ein Nacht zeme in Sanur, bevor mir de all zeme wiiters nach Amed fahre. Was fürne Zuefall enand in Panama kenne zlerne im August 22, enand in Thailand weder zgseh und etz namal zeme 4 Täg in Bali zverbringe. 😅
    Mir gönd idie glichi schöni Unterkunft wie bim erste Mal. Mir versueches namal richtig zgnüsse mit schnorchle, feinem Esse und schöne Ussichte. Es wird en huufe Gschwätzt, so gönd Täg im Nu verbii und mir hend sGfühl mir chöme gar ned derzue eus ufde Abschied und ds End vo üsere Reis vorzbereite.😬    もっと詳しく

    翻訳をご覧ください
  • Mit Rucksack um die Welt
    1
    1

    Rückblick Indonesien

    2023年6月11日, インドネシア ⛅ 29 °C

    Nach 461 Täg und 15 Länder geit das rise Abentüür für üs z End.

    Indonesie isch für üs ds ideale Abschlussland gsi. Düre langjährig Tourismus gits hie e guete Standard, es isch eifach Toure, Unterkünft und Transport zorganisiere. In Bali gfaut üs bsunders di hinduistischi Kultur, di sehr nätte Lüt und ds feine Ässe. Nebst dem bietet Indonesie so einigi spektakuläri Landschafte, Ober- sowie Unterwasser. Mir gniesses nomau chönne ga schnorchle, touche und surfe. Au in Lombok bizli idie muslimisch Kultur ihztauche, dunkt eus spannend.

    Nach so viel Länder chehre mir zrüg id Schwiz mit gfüllte Rucksäck, voll mit zahlriche Erinnerige und schöne Erläbnis. 🤗😍    もっと詳しく

    翻訳をご覧ください
    旅行の終了
    2023年6月12日