Tetapkan semula carian
Mit Rucksack um die Welt
  • Free your mind
  • Surf your life
  • Free your mind
  • Surf your life

Mit Rucksack um die Welt

Pengembaraan 462hari oleh Free your mind & Surf your life. Baca lagi
+9
IkutiRingkasanRingkasanKalendarKalendarGambarGambarKongsiKongsiSenarai baldi
RingkasanKalendarGambar
  • Mit Rucksack um die Welt
    2
    2

    Rückblick Vietnam 🇻🇳

    27 Februari 2023, Vietnam ☁️ 32 °C

    Nach vilne Mönet in Südamerika bereisemer mit Vietnam üses erste asiatische Land. Es isch e grosse unterschied i de Kulture und o sprachlich. So rütschd üs am Ahfang no ab und zue es Gracias, Perdon oder es Hola use. 😅
    Mir erläbe d Vietnamese immer sehr höflech, fründlech und das ufne herzlechi und groszügigi art. Vili hei e gueti Biudig obwous o hie Unterschiede zwüsche Land und Stadt git. De Tourismus esch e grossi Ihnahmquelle für vili, so si si au biz Gschäftsmänner/fraue. Englisch chöi aber glich weniger aus mir denkt hei. I lokale Restis, Ichaufsläde, Märite oder au ide Homestays gits e huufe lustigi Gspräch mit viel Zeige und Gestik. 👍✌️🖐️🙏

    Bsunders spannend finde mir o ds Ässe wo übers ganze Land e grossi Uswau het und d Spezialitäte immer variere. 🥢🌶️🥖🌰🍡🍜🥟🥡

    Obwou mir üs no 4-5 mönet zyt näme für Südostasie chunnts üs scho chli nach Endspurt vor.
    Einersits wüumer schneuer dür die Länder reise und anderersits wüumer gäge Schluss vo üsere Reis no für paar Wuche a eim Ort wei verwile...    Baca lagi

    Lihat terjemahan
  • Mit Rucksack um die Welt
    Am erste Abe
    Am erste AbeS21 GfängnisPanha üse Gastgäber - Sooo fürsorglech gsi😊Golden Temple

    Kambodscha - Phnom Penh

    28 Februari 2023, Kemboja ⛅ 34 °C

    🇰🇭 Kambodscha - Land Nr. 11 🇰🇭

    Vo Ho Chi Minh reisemr problemlos mitm Bus bis nach Phnom Penh, obwohl die Fahrt nur 6h duuret, merkemr glich sofort mir si nüm im gliche Land. Plötzli zahlt mer mit Dollar, es het überall amerikanischi Fastfood Chettene und dLüüt hend es anders Erschinigsbiud und natürli Sprach und Schrift si anderst. Vo so viel amerikanischem Ifluss simer überrascht. Mir chöme imne supertolle Homestay unter, wo mir am erste Abe grad mal zeme mit eusem Host znächtlet und de huuseiget Riiswii probieret. Am nächste Tag gahts zum Khmer Rouge Gfängnis, womer überne Audioguide viles zu dere schlimme Vergangeheit wo no garnid so läng här isch erfahre. Meh bechömemr leider vo dere Stadt ned mit, do dLorena ned fit isch.
    Wo mer de mitdem Bus 3 Täg später namal a Phnom Penh verbifahre, nutze mer drum Glägeheit und besichtige na de Goldig Tempel.    Baca lagi

    Lihat terjemahan
  • Mit Rucksack um die Welt
    1Pfefferfarm😍1Kampot

    Kampot

    3 Mac 2023, Kemboja

    Vode Grossstadt gahts nach Kampot, es chliners Städtli.
    Mir wüsse nid so genau was vo Kampot haute.
    Es dunkt eus, hie hets e huufe Expats und durdas vili westlechi Restaurants, Kafis und Ichaufsläde. Landschaftlech esches aber schön und shet e gmüetliche Vibe.

    Mir fahre mitm Roller zunere tolle Pfefferfarm, wo sie mit ihrem Umsatz Schuelkinder und Community unterstütze. Mir dörfe am Schluss vor Tour auna verschedenste Pfeffer degustiere. Mir besichtige auna de Bokor Hill, en Nationalpark, womer ufm Weg Äffli chönne beobachte. 🐒😊

    Well dLorena emrnani fit isch, ändere mir eusi Plän und fahre anstatt ufne Insle zum Bade direkt wiiters nach Siem Reap...    Baca lagi

    Lihat terjemahan
  • Mit Rucksack um die Welt
    1
    1Angkor Wat Tempel11Ta Prohm1Bayon1Phnom BakhengTa KeoShet weder en huufe gwunderigi Affe ufm Areal😊

    Angkor Wat

    6 Mac 2023, Kemboja ☀️ 23 °C

    Gmüetlech mitm Roller bsuechemer Angkor Wat, die Attraktion in Kambodscha. Es esch früehner dHauptstadt vum Khmer Empire gsi. Es esch es ganzes Gebiet mit unzählige Temple und Ruine. Mir stöhnd vor de 6i am morgefrüeh bereits uf zum möglichst guet euse 1 Tagespass chönne znutze. SMorgeliecht esch wunderschön. Au suscht gfallts eus sehr und mir chöme eus chli vor wie Entdecker i Ruinelabyrinth 🙊Baca lagi

    Lihat terjemahan
  • Mit Rucksack um die Welt
    Siem reap
    Siem reap3Dasch mal en grossi Uswahl a Menus🤣Märit, inklusive CoiffeurIm Mami am helfe bim Märitstand1Phare Zirkus❤️

    Siem Reap

    7 Mac 2023, Kemboja 🌙 26 °C

    365 Täg am Reise 🥳

    Siem Reap gfaut üs. Nebst em Usflug zu de Tempelahlage vo Ankor Wat, gömer mitem Velo a verschideni Märite, fein ga ässe und a üsem 365-igste Tag vo üsere Reis i Phare Zirkus. De Zirkus isch es sozials Projekt. Si hei e Artiste- und Künstlerschuu wo si Chinder, jungi Erwachseni mit sozial und finanziell schwirigem Hintergrund usbiude. Mit de Ihnahme vom Zirkus unterstütze si anderi lokali Schuelene und d Community. 🎪🤸‍♂️🥁Baca lagi

    Lihat terjemahan
  • Mit Rucksack um die Welt
    China Town1Reunion 😊1Liegendi BuddhaDas übliche Treiben21Esse bide LocalsMit Gratisvelos dure ParkRiese Echse 🦎Euses Resti fürs zNacht

    Thailand - Bangkok

    10 Mac 2023, Thailand ☀️ 32 °C

    🇹🇭 Thailand - Land Nr. 12 🇹🇭

    Nach 12 Mönet reise, simer mit Bangkok au grad na im 12. Land uf eusere Reis ahcho. DStadt dunkt eus weniger hektisch und chaotisch als erwartet. Mir wohne ide Nöchi vo Chinatown, wos ganz e huufe Streetfood git. Sgit weder mal Temple, Märite und en schöne Park. Rechtig toll esch, dass mer doch tatsächlech uf Carla & Jordão treffe, womer in Panama hend kenne glernt. Sie reise wie mer sitme Jahr dur zerscht Südamerika und jetzt au dur Asie. 🤗 Was für en Zuefall nach meh als me halbe Jahr genau weder glich wiit zsii. 😍Baca lagi

    Lihat terjemahan
  • Mit Rucksack um die Welt
    1Sunday Night MarketD Locals spile am abe Takraw im Park31💞

    Chiang Mai

    14 Mac 2023, Thailand ⛅ 28 °C

    Mitem Nachtbus fahremer i Norde vo Thailand. Mir verbringe 4 gmüetlichi Täg in Chiang Mai und lönd am abe bi Live Musik dSeele baumele 🤗🍹🎶
    Nebst de normale Nightmarkets gits no dr Sunday Night Market, wo d Strass quer dür di ganzi Autstadt vou mit Ständ isch.
    Am einte Tag weimer i Nationalpark und obe ufem Berg e Tempel ga besichtige, aso mietemer es Rollerli und fahre los. Nach öpe 10min chömemer ine Polizeikontrolle. Dert isch d Buess quasi scho vorusgfüut, dr Polizist fragt nach de Dokument und treit nurno dPersonalie ih. Mir si nid di einzige Touriste wo mitem Roller i Nationalpark fahre, drum nämesi dert eine nachem andere use. Wüu mir vom Internationale Fahruswis nur es Foti chöi zeige und nid in Papierform derbi hei, müessemer immerhin nur 200 statt 500 Baht zahle, aso öpe 5 Franke🙈🛵🧾💵
    Witerfahre chöi mir (und aui andere Touriste) de glich. Am abe am 5i trotte schön unzähligi Touriste bim Polizeibüro verbi zum dBuess de auna pflichtbewusst zahle... 🙄    Baca lagi

    Lihat terjemahan
  • Mit Rucksack um die Welt
    Blau, eeh wiss Tempel😜121Iz aber dr blau TempelPartner look12Es bsüechli im ChatzekafiLeider si aues Zuchtchatze😔

    Chiang Rai

    16 Mac 2023, Thailand ☀️ 28 °C

    Es geit witer i Norde vo Thailand uf Chiang Rai. Dert simer imne schöne Hostel direkt nebem tägleche Nachtmärit.
    Chiang Mai und Chiang Rai si sich ned nume vum Name her sehr ähnlech, sesch eifach alles biz chliner, biz weniger touristisch und biz ruhiger.
    Mir gö mau wider Tämple ga besichtige😋, eine in wiss und eine in blau. Nebst dene hets ono e grossi Buddha Statue.
    Mir merke dasmer scho nech ar chinesische Gränze si, es het grossi Tourigruppene und Chatzekafis ir Stadt. 🐈    Baca lagi

    Lihat terjemahan
  • Mit Rucksack um die Welt
    Chum über Grenze, startemer eusi Tour in Huay Xai
    Chum über Grenze, startemer eusi Tour in Huay Xai1Euse Transport für 2 TägWasserbüffle 🐃Eusi Unterkunft 😊2

    Laos - Pakbeng

    19 Mac 2023, Laos ⛅ 31 °C

    🇱🇦 Laos - Land Nr. 13 🇱🇦

    Mir tuckerlet 2 Täg ufem Slow Boat de Mekong durab. Es esch en mega schöni aber au längi Fahrt. Tag 1 verbringemr 7h ufm Boot und Tag 2 sogar 8h. Es sind näbst üs na ganz vell anderi Touriste mitdem gliche Boot unterwegs. Vuum Ufer us winke eus ständig e huufe Iheimischi Kids zue, si plansche im Mekong oder helfe de Eltere bim Zügs wäsche. Ein Nacht übernachtemr in Pakbeng, es ganz chlises ländlichs Dörfli, wo mer die sehr nette Laote es ersts Mal döffe kennelerne. 🤗
    De Himmel esch leider oft "neblig ". Sesch burning season in Laos, wo dBuure all ihri Fälder abrenne und dur das ganz viel Smog/Luftverschmutzig entstaht... 😔    Baca lagi

    Lihat terjemahan
  • Mit Rucksack um die Welt
    3Fleisch (und Flöige) zum tröchne uf dr StrassKuang Si Waterfalls111Ursus Thibetanus2Sogar go bade gömer bi dene schöne Wasserfäu2

    Luang Prabang

    21 Mac 2023, Laos ☁️ 29 °C

    Mir sind im schöne Luang Prabang. 😊D'Stadt im Norde vo Laos het en gmüetliche Vibe mit paar hippe Kaffis und Restaurant und ligt direkt am Mekong. Mitm Roller erkundemer die tolli Natur rund ums Städtli, gö zum Nahm Dong Park und de populäre Kuang Si Wasserfäll.
    Luut Tim, die schönste Wasserfäll woner i sim Läbe het gse🙊    Baca lagi

    Lihat terjemahan
  • Mit Rucksack um die Welt
    Nong Khiaw
    Nong KhiawDr Brand hetme vo üsere Unterkunft guet gse, gschmöckt und o ghörtBan Had SaoOpfergab Zeremonie in Nong Khiaw1So het ufem Viewpoint usgse

    Nong Khiaw

    23 Mac 2023, Laos ☀️ 34 °C

    Sabaidee Nong Khiaw! 🤗
    Das chline, ländleche Dörfli gfaut üs sehr. Vorauem wüus no nid so touristisch isch, mir di Iheimische bim alltägleche Läbe gse und mir mau wider chli ir Natur chöi sii.
    Leider gits am Tag womer ahchöme e Brand grad näbem Dorf uf dr andere Site vom Fluss . Drum isch d Luft i de nechste Täg sehr rouchig und dunstig.🔥
    Trotzdem mietemer es Kayak und fahre dermit flussufwärts bis zum nächste no chlinere Dörfli. Das isch garnid touristisch. Mir gse Lüt am Webstuu, es Bambustor für dHüener am mache und Bambuschörb am flächte. D Chind chöme cho luege und spile im Wasser.🛶
    Am andere Tag wanderemer uf eine vo vilne Ussichtspünkt, aber d Ussicht isch düre Rouch ir Luft nid so spektakulär wi si chönnt sii. 🥾    Baca lagi

    Lihat terjemahan
  • Mit Rucksack um die Welt
    1S'chönnt so schön sii 🙈
    1S'chönnt so schön sii 🙈3Vientiane, Nachbaut vo der Champs Elysees

    Vang Vieng & Vientiane

    27 Mac 2023, Laos ☀️ 32 °C

    In Vang Vieng isches namal schlimmer mitde Luft. Eigentlich hettis au hie en huufe schöni Ussichtspünkt und Outdoor Aktivitäte. Zum eus dere Luft aber ned zfest uszsetze, gömer e Höhli go besichtige und i einere vo vellne Blue Lagoons go bade.
    Wiiter geits id Hauptstadt Vientiane. Wo, wie all Ort in Laos, emmerna en sehr gmüetleche Vibe het. Sogar de Himmel gseht me mal weder ;) Mer nutze dStadt als Usgangsort für eusi Wiiterreis zrug uf Bangkok 🚍 🇹🇭    Baca lagi

    Lihat terjemahan
  • Mit Rucksack um die Welt
    1
    1

    Rückblick 🇰🇭 🇹🇭 🇱🇦

    3 April 2023, Thailand ☀️ 36 °C

    Euse erst Teil vo Südostasie gaht bereits weder zEnd. Mitm Bus simmer vo Vietnam uf Kambodscha, über Thailand nach Laos und am Schluss via Nachtbus wedr zrug uf Bangkok greist.

    Kambodscha hinterlaht bi eus en gmischte Idruck. Mir si überrascht wievell Ifluss die amerikanischi Kultur ide Städt het. Mer gsehnd en huufe Expats und velli Fast Food Läde. Meh ufm Land unterwegs gsehmr vell Armuet. Mir sind zwar nume sehr churz idem Land unterwegs trotzdem macht eus die Usenandersetzig hie mitde Armut zschaffe. In Siem Reap fühlemr eus sehr wohl und sidrückliche Angkor Watt blibt eus secher auna fest in Erinnerig.

    In Thailand merkt meh, do gits de Tourismus scho lang. Organisation, Infrastruktur und de Umgang mitde Touriste isch für die Iheimische gang und gäb. Thailand isch für eus das Land vode Temple. Mir bereise nume de Norde und besichtige gfühlt ein Tempel nachem andere, wo natürli au sehr schön sind. Gnauso wie Temple, gits au Street food und Nightmarkets wie Sand am Meer. Mir erfreue eus sehr ah all dene verschednige Gricht, Getränk und Grüch.

    Laos, euses Herzensland ❤️ Mir hend Pech und reise ide Burning Season nach Laos, dSicht isch schlecht und dLuft verschmutzt. Trotzdem chönd eus dLaote uf Ahieb mit ihre fründliche, hilfsbereite Art gwünne. All Ort womer bsueche, hend en gmüetliche Vibe zum sich wohl fühle. Euse Ufenthalt idem Land isch ufgrund vur Burning Season nur churz. Mir wäre unter andere Umständ gern no chli lenger blibe.    Baca lagi

    Lihat terjemahan
  • Mit Rucksack um die Welt
    Ankunft Manila, 🇵🇭
    Ankunft Manila, 🇵🇭D'ussicht vu eusem BalkonUngwollts candlelight dinner😅👍Trycicle, typischs Verchehrsmittel hie2Riese Schmetterling 🦋Am Saguisit Beach mitde Gastgeber10Weme nid cha surfe de chame haarschnide 💇‍♂️✂️

    Philippinen - Baler

    7 April 2023, Filipina ☁️ 30 °C

    🇵🇭 Philippinen - Land Nr. 14 🇵🇭

    Am morge am 5i geits in Bangkok los, zersch mit Airportshuttle und Flugi nach Manila und dert mit Taxi, Bus, Minivan und Trycicle witer nach Baler.
    Ide erste Täg würkt das Stedtli recht usgstorbe, verlasse und überhoupt nid touristisch. Mir faue sehr uf und es wird üs vo aune Site hinde nache gluegt...
    Baler isch bekannt aus Surfspot für Ihstiger. Mir si 5 Täg hie und gö i dene ga surfe, mau besser mau weniger guet🤣Am erste abe faut im Restaurant grad no dr Strom us, drum wird es Candlelight Dinner drus gmacht. 😅
    Es isch gli Ostere und ufs Wucheend chöme hunderti Iheimische i das Strandörtli, ufsmau isch aues überfüllt.

    D'Philippinos dunke üs sehr nett. All rede super Englisch, vo jung bis alt. Üsi Gastgeber näme üs einisch mit ufne chline Usflug ane Strand, mir döffe vumne philippinische Dessert probiere und si luege au suscht dases eus immer guet geit. 😊    Baca lagi

    Lihat terjemahan
  • Mit Rucksack um die Welt
    1El Nido BeachEl Nido TownCorong Corong BeachIslandhopping Tour - Seven commando Beach2Kayak fahre i dr Big LagoonZmittagsbuffet11

    El Nido - Teil 1

    13 April 2023, Filipina 🌧 27 °C

    Mir fahre vo Baler zrüg uf Manila und flüge witer ufd Inselgruppe Palawan. Nach eire Nacht in Puerto Princesa fahremer mitem Shuttle i Norde uf El Nido.
    Das Dörfli esch angeblich sehr touristisch. Eus dunkts aber gar ned so extrem. Es esch u schön ibettet i Kalksteinfelse und ligt direkt am Meer. Eusi Unterkunft isch sehr simpel, mir fühle eus aber wohl. Mir mache 2mal en Island Hopping Tour. Bir erste eschs Wetter chli durchzoge, trotzdem esch de Usflug wunderschön und vorallem au sWasser kristallklar😍Baca lagi

    Lihat terjemahan
  • Mit Rucksack um die Welt
    Lio BeachIm Hintergrund e Privatstrand...31Hidden Beach

    El Nido - Teil 2

    15 April 2023, Filipina ☀️ 29 °C

    Mir verbinge 6 Täg in El Nido
    Mitem Trycicle fahremer einisch zum Lio Beach, wo ab und zue es Flugi direkt hingedran landet, und es anders mau zum Las Cabanans Beach fürne schwumm i badwannewarmem Wasser während em Sunneuntergang.
    D Trycicles si uf jedere Insle wider chli anders bout, hie sisi rundum verschalet und gse fasch chli us wi chlini outos.
    Mir mache di 2. Islandhopping Tour und si per Zuefall mit em gliche chilenische Päärli vum erste Mal zäme ir Gruppe.
    O die Tour het üs sehr gfaue, isch abwächsligs riich gsi mit Schnorchle, Kayakfahre, Bade und Sünnele. ☀️🌴🐠🏖️    Baca lagi

    Lihat terjemahan
  • Mit Rucksack um die Welt
    Eusi Unterkunft2Typischs lokals Restaurant ide Philipinen1

    Port Barton

    18 April 2023, Filipina ⛅ 32 °C

    Au hie in Port Barton chame Island Hopping Toure mache. Zwar esches ned so schön ibettet i Kalksteinfelse, derfür besichtige mer zwei schöni Reefs zum schnorchle, ein Seestern- und ein Schildkröte Spot. SDörfli esch ganz chli mit wenig Infrastruktur . Mir übernachte imne herzige Homestay.
    Es esch für eus en 2-tägige Zwüschestopp ufm Weg zrug nach Puerto Princesa, vo wo us mer ufne nächsti Insel Gruppe flüge🛩️    Baca lagi

    Lihat terjemahan
  • Mit Rucksack um die Welt
    1
    1Fähri nach BoholTarsier Sanctuary1Chliinsti Primat😍Lokals Grillrestaurant1Selber chocheDinner am StrandLet's go🥳1Super klari Sicht2

    Panglao

    23 April 2023, Filipina ☀️ 29 °C

    Mir flüge uf Cebu. Nach einere Nacht gahts mitde Fähri übere uf Bohol. In Bohol esch vorallem dVorinsle Panglao bekannt. Mir quartiere eus imne schöne Homestay ir Region vom Alona Beach ih. De Strand esch zwar schön wiis aber es het für euse Gschmack chli viel Verchäufer und Toureahbieter wo ständig verbichöme ga frage. Mir fahre mitm Roller zum Tarsier Sanctuary, die mega herzige chline Tarsiere go besichtige. I eusem Homestay chönemr au zerscht mal sit langem selber choche. Leider hets ned grad viel Uswahl ide Lädelis aber mir freue eus trotzdem. In Panglao chame usgezeichnet tauche. Das mache mir au und gönd mit ufne Tauchtrip mit 3 Tauchgäng und Zmittag. Es esch en unvergessliche Tag und macht sehr viel Spass😍🐠🦀🐟🐡Baca lagi

    Lihat terjemahan
  • Mit Rucksack um die Welt
    Los geit'sUssicht in LobocUfm Weg fahremer dure "Man Made Forest"Ankunft AndaAnda Beach11Cave Pool11Apartment in PanglaoTauche❤️und Schnorchle1

    Roller Roadtrip - Anda 🛵

    28 April 2023, Filipina ☀️ 30 °C

    Mir verbringe 12 Täg uf dr Insle Bohol. Vo Panglao us machemer en chline Roadtrip in Norde vor Insle. Mitm Roller fahremer am erste Tag bis uf Loboc und übernachte ein Nacht. Loboc het gar ke Tourismus und vo eusem Balkon us gsehmr die Iheimische ufde Riisfelder am schaffe. Ide Nächi vo Loboc hets en Nationalpark wo mer Affe darf füettere. Mir si di aller einzige vor Ort und es esch es kuuls Erläbnis 🤗 Am Tag druf fahremr wiiter nach Anda. Euses Homestay isch biz usserhaub und eusi Gastgeberin riiese Fan vor Schwiiz. Anda esch es chlises Fischerörtli und na wenig bekannt. Mir bsueche eine vo de Cave Pools und sünnele chli am Strand. Am abe dörfemr de na für Fotis mit Iheimische herehebe und nach 2 Täg gaht's bereits weder retour. Es esch zemli heiss ufm Roller und mir si froh hend mer nume ein chline Rucksack mit derbi. Zrug in Panglao mietemr eus es chlises Apartment, wo mer chönd selber choche und eus im Pool abchüehle. Mir gö namal uf 2 Tauchgäng und sind do dermit insgesamt 6x go tauche gsi uf Bohol. So gönd die letschte paar Täg ide Philippine verbii...Baca lagi

    Lihat terjemahan
  • Mit Rucksack um die Welt
    1
    1

    Rückblick Philippinen 🇵🇭

    2 Mei 2023, Filipina 🌧 31 °C

    Mer werde ide Philippine sehr gern gseh. Immer wenn mer verzelle mir chöme usdr Schwiz, freued sich dPhilipinos sehr. Das seg eres Nr. 1 Land zum bsueche. Mir finde use, dur en Fernsehserie esch dSchwiz bi ihne populär wurde und sitdem si schöni Bilder usdr Schwiz jewils uf Facebook oder Instagram gsehnd, wettets unbedingt selber id Schwiz cho. Ned nur welmr Schwizer sind sondern au suscht als Tourist simer gern gseh. Eus wird ständig überschwinglich es Hello zuegruefe und au ab und zue nachme Foti bete. Zemlich amüsant aber au überraschend findemer das. Mir hend eus dPhilippine gsamthaft touristischer vorgstellt. Mir si immer mal weder a Orte wo mir fast die einzige Touris si. Dur das simer oft in Kontakt mit de Iheimische, wo sehr offeni, herzliche Lüüt si. De Kontakt zu anderne Touriste fehlt eus aber biz. Nur bi Schnorchel- oder Tauchtourene treffemr uf anderi Reisendi. DPhilippine het en unglaublich schöni Unterwasserwelt mit klarer Sicht und warmer Temperatur. Mir gnüsseds nach längerer Ziit en ganze Monet am Meer döffe zverbringe. Ein negativ Punkt ide Philippine muemer sege isch aber leider sesse. Blute riis und deftigs Fleisch esset sie gern 3x täglich. Mir hend Müeh vegetarischi Sache zfinde und si froh, dasme am Schluss ame selber chönd choche. 🤗🐟☀️🌴🐠Baca lagi

    Lihat terjemahan
  • Mit Rucksack um die Welt
    1
    111 Portion Riisesalatschüssle1Smoothie Bowl direkt am MeerMärit1Bim Zmorge im HomestayOpfergabI üsem Homestay

    Indonesien - Canggu/Bali

    5 Mei 2023, Indonesia

    🇮🇩 Indonesien - Land Nr. 15 🇮🇩

    Mir flüge über Manila nach Denpasar, Bali.
    Canggu isch eine vo de vilne Touristehotspots in Bali, es het vili herzigi Kafis und schöni Restaurants. Mir gnisse di grossi Uswahl a sehr feinem Ässe.
    Leider vertreit dr Tim einisch öpis nid und isch e Tag chrank im Bett.
    Nebst de Restaurants hets o ganz e hufe Märite und Shops mit schöne Sache.
    Mir füele us uf ahieb sehr wohl in Bali und gniesse use churz Ufenthaut in Canggu imne Homestay.    Baca lagi

    Lihat terjemahan
  • Mit Rucksack um die Welt
    2
    2Ussicht vo eusere UnterkunftBegruessigs KomiteeRiisterrasse1122Hindutempel12Yoga

    Ubud - Teil 1

    8 Mei 2023, Indonesia ☁️ 29 °C

    Ubud❤️
    Eus gfallts in Ubud so guet, dass mer grad en ganzi Wuche blibet. Bir Ahkunft werdemr direkt vonere Affefamilie begrüesst. Mir hend en tolli Unterkunft, wo mer am morge chö ufstah, ufe Balkon uselaufe und vor eus uf Riisfelder und de Affewald luege. Städtli isch zwar sehr touristisch, es het wider ganz en huufe feini Cafis und Restaurants, isch aber glichzitig sehr schön ibettet id Natur. Mer fühlt sich chli wie im Dschungel. En huufe z'unterneh gits au. Ide erste Täg fahremr mitm Roller zu Riisterrassene, beobachte natürli ganz viel Affe ufde Strasse und bi eusere Unterkunft, mir gö en Hindutempel go besichtige und ines 90min Morgeyoga. Kafis und Restis usteste ghört natürli, näbst lädele au derzue. 🤗Baca lagi

    Lihat terjemahan
  • Mit Rucksack um die Welt
    1Ubud
    1Ubud1Spaziergang am morgefrüehUbudMonkey Forest2Chli verzuslet😅So gmüetlechTanzuffüehrig ubud palaceHindu temple idr Stadt2

    Ubud - Teil 2

    12 Mei 2023, Indonesia ☁️ 25 °C

    Ide zweite Hälfti vo eusere Ziit in Ubud, wechslemer na zunere günstigere Unterkunft. Mir bsueche en traditionelli Tanzuffüehrig, gönd ufne Reisfield Walk und bsueche de Monkey Forest. Ziit gaht schnell verbi und mir gniesses i volle Züg😊Baca lagi

    Lihat terjemahan
  • Mit Rucksack um die Welt
    1Üsi tolli Unterkunft 😊WassertempelBim Schnorchle4Vulkan AgungBim Touche2

    Amed

    18 Mei 2023, Indonesia ⛅ 29 °C

    Vo Ubud gömer witer i Nordoste vo Bali is chline Fischerdörfli Amed. Es isch nid untouristisch aber no lang nid so busy wi anderi Orte uf Bali.

    Amed und dGägend rundume isch bekannt fürs Schnorchle und Touche. Jede Tag chöimer direkt vom Ufer us ga schnorchle und di wunderschöni Unterwasserwelt mit zahlriche Fische und Koralle i aune mügleche Farbe bestune.

    Üs gfauts sehr hie in Amed, mir verlengere üse Ufenthalt erneut und blibe wider e ganzi Wuche.
    I dene Tag mietemer e Roller und fahre zum Wassertempel und zu zwöi witere Schnorchelspots. Dr Tim geit ono bim Liberty Wrek ga touche.

    Ide restliche Ziit, wenn mer ned im Meer si, gniessemr de Pool i eusem schöne Hotel, gnüsse die wunderschön Ussicht ufd Bucht und dr Vulkan Agung vu eim vode Restaurants am Hügel, gönd de Sunneuntergang am Strand go luege oder später am abe i eini vode Bars go live Musik lose.    Baca lagi

    Lihat terjemahan
  • Mit Rucksack um die Welt
    Dream Beach Nusa
    Dream Beach NusaCanggu zum zweitenAhkunft Nusa LembonganSeaweed FarmSurfers ViewpointBlue LagoonSecret BeachTauche1😍🎶1

    Nusa Lembongan

    25 Mei 2023, Indonesia ☀️ 28 °C

    Nach Amed fahremr zrug uf Canggu. Mir hend e Visumsverlängerig beahtreit und müend für das ufs Imigrasi in Denpasar. Canggu liggt ned wiit weg vo Denpasar und do mir sgenaue Datum vu dem Termin nani wüsse, möchtemr idr Nächi warte. In Canggu gömr das Mal au gah surfe, shet aber so viel Lüüt, dass es eus nume mässig Spass macht. Füre Termin mietemer es Töffli und stürze üs is Verchehrs-Chaos, womer aber mitlerwile scho guet chöi meistere. Nach langem Warte ufdr Immigration, chönnemr de endli Fingerabdrück und Foti mache. Nach 3 Täg in Canggu gaht's de wiiters mitdr Fähri uf Nusa Lembongan. Vo dere Insle us chame guet Tauche und wie mer vor Ort usefinde, überrraschenderwis au guet Surfe. Mir hend nume 2 Täg planet und gö am einte dervo mitm Roller go dInsle erkunde und am andere go tauche. Ufde Tauchgäng hets unfassbar viel Fischschwärm und Koralle. 🥰Leider hets hie au oft sehr starki Strömige. Mir hend Glück und bi eus isches relativ ruhig. Am abe lauft stets noimets Live Musik, wo mir gern gö ga inelose🎶 Fürs surfe längts eus nüme aber emrhin chli go zue luege gömer 😊Baca lagi

    Lihat terjemahan