Phuket Nai Yang

Endlich geschafft!! 😅 Am 23. Oktober Abends landen miar bi ströhmendem Rega in Phuket!
Der Tag het am Morga in Dubai mehr schlecht als recht agfanga. Für dia 15 Minuta wo miar Fahrtweg zum Flughafa igrechnet hend, hemer schlussendlich meh als a Stund brucht! Rushour und a Taxifahrer wo sich 2 Mol verfahra het! 🙄 Fasch hetemers nid rechtzitig zum Check in gschafft und am Gate kunnt üs allna ersch in Sinn dass dr Nico Geburtstag het!!! 😂😂
Schlussendlich het aber alles klappt und so sitzemer 45 Minuta noch am Check in scho im Flüger! 🛫
Am Flughafa in Phuket holemer no üses Mietauto und 10 Minuta spöter simer in üsem ersta Hotel. 😊
Es isch uh warm und ma muass sich wieder an dia hohi Luftfüachtigkeit gwöhna 😅Read more