Tag 38 - Day 1 in Phuket

Hüt isch Thaiboxe uf em Programm gstande. De eigentlichi Grund wieso mir uf Phuket sind, isch wil de Janis da unbedingt het wele Thaiboxe go luege.
Das het er zu siner eigete Thaiboxingziit sich immer gwünscht, da chöne go trainiere und drum simmer ez da.

Am Tag simmer biz dur Phuket unterwegs gsi und am Abig simmer denn uf Patong führe gfahre zum det denn s Thai Boxe go luege.

Leider isch de Abig e chli e Entüüschig gsi…
Vo 8 Kämpf sind gfühlt nur zwei so richtig gsi und de Rescht isch eifach nur Show für d Touris gsi. Da isch nämli eine nach em andere ohni Grund k.o. gange.
Nach em erschte hemmer eus nanig so viel debi denkt. Mer hend gmeint mir hends vilicht eifach nöd richtig gseh.. aber bim zweite und dritte hemmer eus denn nur na mit Fragezeiche im Gsicht ahglueget.

Naja immerhin hets zwei gha, wo würkli richtigs Thaiboxe gmacht hend. Thai gege Thai.
Aber namal würde mer definitiv nüme gah.Læs mere