Tag 66 - Snorkeling Trip Lembongan

Für hüt hemmer en Schnorchel Trip buecht gha. Gmüetlich nach em Zmorge isch es losgange.
Mir sind ah drü verschiedeni Spots gfahre.

Als erschts hemmer wele Mantas gseh. Für das simmer zu de "Manta Bay" gfahre, da sind aber leider keini gsi, also isch es namal ca. 30min wiitergange zum beschte und wiitischt entferntischte Spot, zum "Manta Point". Det hemmer denn würkli mega Glück gha und öpe sechs riesigi Mantas döffe gseh! 😍

Als zweits simmer zu de "Crystal Bay" gfahre. Det hemmer e Schildchrot vo mega nöch dörfe erlebe 🤗🐢
Und am dritte Ort hemmer denn na vieli farbigi Fisch und Koralle chöne gseh (es isch aber nöd ganz so farbig gsi, wie in Komodo) 🙈

Au s Wasser isch da scho ganz andersch als in Komodo, viel meh Welle hets! Drum isch eus uf em Boot leider au wieder chli schlecht worde.. 🤷‍♀️😅 aber mer hend so viel gseh, dass es sich definitiv glich glohnt gha het!

Mer hend mega Glück gha und hend en Guide gha, wo mit de Gopro Bilder und Videos under Wasser gmacht het 🙏🏽☺️
So hemmer mal Unterwasser-Iidrück zum chli zeige, was mer alles so gseht under Wasser 😍 au wenn s bim Tauche würkli namal e ganz anderi Welt isch... Eifach unbeschrieblich, muess mer selber erlebt ha 🙈☺️

Nach de Tour simmer denn grad na öpis go esse und de Namittag hemmer mit entspanne im Hotel verbracht.Read more