Tag 86 - Canyoneering, Kawasan Falls

Hüt isch Canyoneering uf em Programm gstande.
Öpis wo sich vor allem d Tanja sehr druf gfreut het und in Moalboal mega bekannt isch.

Mer sind usgrüschtet worde mit Schwümmweschte, Helm und Schueh und denn isch es los gange zu de bekannte Kawasan Falls.
Mer hend wieder mal s Glück gha zwei Guides für eus elei z ha und also wieder e Privattour becho. Anderi Gruppene sind 27 Lüt uf ein Guide gsi.

Im Canyon hemmer chöne vo verschiedene Ort abespringe, rutsche und dur s Wasser schwümme.
De höchschti Sprung isch 10m höch gsi und het eus scho biz Überwindig brucht.
Aber es het uf jede Fall Spass gmacht!

Leider hets hüt mega viel Lüt gha und so hemmer immer wieder müsse warte und ahstah. Au hemmer eus biz meh Action erhofft, simmer doch viel eifach am laufe gsi.
Aber eusi Guides hends würkli mega guet gmacht und immer gluegt öb mer chönd irgendwo überhole. Au hends die ganz Ziit Fotis für eus gmacht.

Am Schluss hemmer denn na en feine Lunch übercho und denn simmer au scho fertig gsi.

De spöter Nami hemmer denn mit bizli dur s Dorf laufe verbracht und hend eus en feine Dessert gönnt ☺️Read more