Grossichouf

Hüt heimer, für üsi Chind emu, früeh uf müesse. Danilotti het ändlich ä Termin gmacht für ä nöii Brille (er limet sini gfüehlt mermaus am Tag). Zersch hets ä Sehtest gä u när isches a z Gstell ussueche gange. När isches grad witer zum Frisör gange, Danilotti wott di länge Haar abschniede🤔mir gö ir zwüsche zit ga ichoufe.
Nächst Poste isch dr Fust wo üsi nöi Wöschmaschine wartet da di auti na über 35 Jahr dr geist ufgä het. Ä nöie Rasierer hets de ohno gä, dä ide Bitz, hets ou nümm so ta. Nach so viu shoppe chunnt de sicher so näs hüngerli, auso ab zum Burger King äs Naruto-Menü ga inne zieh. Qualität lat z wünsche übrig, z Fleisch isch no gfrore 😡 reklamiert u de hets nöii gä.
Aber itz müessemer ändlich zrügg, hei ja no viu z schleppe.
So ä Wöschmaschiene über naturwege z befördere isch no tricki aber mir heis gschafft u natürli hani di Maschine grad teste👍
Zum z Nacht heimer üs de äs feins Raclette gönnt uf üsem gmüetliche Plätzli.もっと詳しく