Crystal Kayaks

Mir si ufne 3h Tour mit Crystal Kayaks gange. Mir si froh gse hei mir ned aues müese säuber düre Paddle sondern nur öbbe 40min und dr Räscht hesh chönne zoge wärde (es ish de doch meh id Arme aus erwartet💪🏼)
Nachdäm mir öbbe 1h ufem Wasser si gse und üs dr Guide meh über d Koralle, Fischli und die berüehmte Steine verzöut het simer zumene chline Strand wo nur übers Wasser zuegänglech ish. Dört hei mir e höhli aagluegt wo dr Robinso Crusoe Föum dräit ish worde. Anschliessend simer wiiter am Strand entlang und über Stei und Stock kläteret und hei de när dr Sunneungergang chönne bestuune. Unger wunderschönem Stärnehimmu simer näre mitemnr chliine Botli zrüg a Starpunkt brocht worde.Read more