Siem Reap 2🏯

Zum die viielä Tempel z'gseh hemer ä Tagestour buecht & hend en super Guide ka. Mier sind direkt bim Hostel abgholt worde und sowit die einzige in dem Minivan gsi. Schlussendlich simer denn dr ganz Tag z'dritte unterwegs gsi. Üserä Guide het d'Tourismuswellenä wellä umgoh und drum hemer üseri Tour gad bim Angkor Wat Tempel gstartet.🏯 Wie erwartet isch das alles riesig gsi döt. Ufem 2. Bild gsehtme der Ihgang für der König - döt hets kei Stägä ka, will dr König sowieso mitm Elefant heregfüehrt wordä isch. Der Tempel isch vorher en Hindutempel gsi und erst spöter zumnä buddhistischä Tempel wordä - Buddhistä hend denn eifach ihri Buddha Statuä inegstellt. Die sind alli köpft wordä während em Krieg - sehr interessanti Gschicht gsi! D'Stägä sind wieder mol seeeehr steil gsi! An dem Tag hemer insgesamt 4 verschiedeni Tempel gseh. Zum eintä hemer na ä chlini Wanderig gmacht, allerdings isch der schu ziemlich verkeit gsi. Trotzdem hend üs die guet erhaltene Kunstwärk in de Wänd fasziniert.🗿 Au döt isch d'Stägä sehr steil und d'Tritt sehr schmal. Der letzt Tempel womer ahgluegt hend, het üs am meiste gfallä. Überall sind Bäum in dä Tempelwänd verwachsä gsi oder d'Bäum sind sogar uf de Tempel gsi.🌳Read more