Portimão, Portugal

Liebi Leserinne, liebi Leser…. mer wössed recht ned wo mer chend und selled afah. Es esch hör eifach zvell passiert om das eifach uf einem Post uszschribe. Aber ganz vo vore… Ihr wüssed ja vo gestert, dass mer ofem Berg gsi sind nöchi Salves (grüessli gaht use a Chiara und Fabian🫱🏽‍🫲🏾). Je spöter und dunkler es gworde esch, desto unsicherer hemmer eus gfühlt dört obe.. es ish secherlich schön gsi zom choche und verwiile aber für eus ned so es schlofplätzli zum schlafe. Mer hend eus dennoch spot deför entschiede, dass mer weder abe fahred, da mer am nöchste Tag hättet müese am 04:30 ufstah und im Dunkle abefahre, wel mer eigentlich (ja eigentlich) höt en Kanufahrt med Sunrise zum Benagil höhli gbuecht hend. Hin oder her aber am endi semmer au so scheisse froh gsi, dass mer abecho send. Mer send i de nöchi vom Benagil go parke und Übernacht. Mer send am 04:45 ufgstande und hend eus Parat gmacht. Startbereit und abgefahre, doch scho nach nome es paar meter hed de Levin gmerkt, dass das Fahrzüg so komisch tönt…. Üs heds de mage verspannt, well es immerno dunkel gsi esch…. Mer send nochli gfahre bis 4. Minute vor Akunft… dört ishs de nöme witergange….Do esch es also… die ersti Panne für eus zwei gmeinsam…. (als gäbs nüt schöneres am 05:00 Morge). Mer hend natüüürli rueh bewahrt und hend ershmal dem Emergency Call aglüte, de aber gmeint hed „Please Call if its Only a Emergency“ und i ha mer so denkt „Du Vollidiot… moss es Auto zersh id Lift gah, bevor es en Emergency esch?“. However mer hend kei anderi wahl gha… es ish in Portugal Frohnleichnam und en fiirtig und das hed die Situation ned wörk eifachef gmacht. Mer hend müese bis am 09:00 warte, bis mer endlich hend chenne en Pannedienst erreiche und au dene ishs immerno schwerig gsi, ufgrond vom Fiirtig. Mer hend de Pannestreife ufgstellt und hend also gwartet… und gwartet… dene am 12:00 (ja also effektig 7-8 Stund spöter) esch s‘taxi itroffe und de Pannedienst. Er hed gmeint „hör hed alles gachlosse… mer erreiched ken garage…“ (na toll…). Das einzige was eus hoffnig hed chönne gäh esch emol verbizfahre und zluege obs offe esch. De Pannedienstmitarbeiter esch zum glück en dütsche gsi… hed das ganze zum verstah sicher eifachef gmacht. Also ab damir nach Portemão… zum Garage „AuVert“. Und wo mer verbigfahre send, hends offe gha! Ja! abef leider zfrüeh gfreut…. se hend de Pneu ned im Lager und hättets müesse bstelle und im Worst Case hättets me ersh am Mänti obig ersh gha und hätted am nöchste Morge in Lissabon müese euse Van abgeh. Es esch eus ken anderi Wahl gblobe, weshalb mer eus dem halt entschiede hend und en Hotelzimmer da gbuecht hend. Plötzli lütets am Telefon (1 Stund nachem Check in) und de Vermieter meint, mer chönni de Van inere Stund go hole!!

Jaaa!!!🥹 Aber au da zfrüeh gfreut…. Im System hends de Pneu als verfügbar gzeigt aber ned im Lager gha…. Mef hend also ersatzpneu drufbecho und mönd morn weder nach Faro zum Siesta Camper Shop, um dört die Originelli VW Pneu z‘wechsle. Mer send nomol chorz go lade und jetzt im Hotel….

I glaube all die Bilder und Text spreched für sich, wenn mer euch seged, dass das was mer höt erlebed hend echt Nerveraubend aber au kaputt gmacht hend.

Am i be überzüügt, dass mer in 50. Johr uf die Situation chönd schmunzle😂

so aber jetzt guet nacht zämmerlis!Read more