Spaziergang

Hüt simer z Fuess uf Tofino glüffe. Mir si ar Strass entlang gwanderet wöus leider ke andere Wäg het azeigt (rechts u links vor Strass isch Urwaud). Tofino isch es härzigs Dörfli mit vilne Fischerhüsli am Wasser und paar chline Turilädeli, Kafis u Surfer-Shops. Mir hei üs es Kafi kouft u i mir es grosses Cinnamon Bun😍, si häreghöcklet u hei chli d Atmosphäre inezoge. Aschliessend simer ufe Tonquin Trail. Zersch simer düre Urwaud glüffe und dr Wäg het üs ner zumne Strand gfüehrt. Dr Trail isch aschliessend witer, entlang vor Küste gange. Widermau einisch meh simer beidruckt gsi vo dene vilne risige, zum teu verdrätlete Böim. Dr Wäg het üs no zu 3ne witere Strändli gfüehrt. Was aber üses Highlight isch gsi, isch dr Ussichtspunkt obe ufeme Küsteabschnitt, wome die ganzi Bucht het chönne beobachte.
Mir hei anhand vom Strandname "Middle Beach" usegfunge dasmer iz ar Küste entlang zrug si glüffe u über de Strand wider zu üsem Camping chöme. So gäbig!Läs mer