Whistler

Hüt simer uf Whistler is Dörfli. Whistler isch z Biker-Mekka, überau hets Biker gha vo ganz chli bis Aut hets aues gha. Es isch aber ou es Dörfli wo Lade a Lade greielet isch wome vorallem Sportsache, Souvenirs oder Kafi het chönne choufe u natürlech Restis hets o gha. Am Mittag heimer de dr Cyru und d Laura troffe (isch e Kolleg vo mir vom Judo), si zäme ga esse, chli dür d Läde gschländeret u hei fliessig über üsi bereits erläbti Toure verzeut. Es isch no gäbig gsi da si vo dert chöme wo mir häre gö und umgekehrt so heimer gad paar Tipps enang chönne gä.
Da mir eigentlech e Wanderig hei wöue mache, z Wätter aber ni wük top isch gsi heimer üs entschide eifach sone chline Rundwäg: dr Rainbow Falls Trail z loufe. Dert het mi i chli Finger und dr Linus id Brust e Bräme gstoche - üse erst Konflikt mitem Wildlife hie😅. Am Abä simer widr zrug uf üse schön Camping u hei dert no chli d Ussicht gnosse. Czytaj więcej