Golden

Hüt heimer richtig luscht gha ufene Wanderig u drum heimernis e Ussichtspunkt usegsuecht, hei z Outo unger im Tal parkiert, chli Profiant, dr Bärespray und z Glöggli ipackt u hei agfange ufe z loufe. Es hetsech de schlussentlich aus e sehr langi Wanderig usegstellt womer nid so i 1.5 Stung dobe si. Eh die Ussicht muesmesech ebe zersch verdiene. Dobe acho heimer das Rigeli u paar Riswaffle gässe, z Wasser trunke u si ner wider abegloffe. Mir hei dr Fähler gmacht, dasmer obe ar Strass abeglüffe si u de hets viu lenger duret aus gredi abe mitem Wanderwäg. Insgesamt simer 22km glüffe u de hei üs üsi Zäie schochli weh ta vom vile abeloufe.
Fasch e chli erschöpft aber Zfride vo dere schöne Wanderig simer is Outo ghocket, hei üs es feins chauts Cola ufta u si nach Golden gfahre.
Ufem Camping simer ersch am 6i acho wöu no Zitverschiebig vo +1h isch gsi umer no Stou hei gha.
Üses Znacht heimer leider i Üsem Van müesse ässe wöu so viu Mugge und Wäspi um üs si gschwirret u entweder vo üs oder vo üsem Ässe hei wöue probiere dasmer de doch lieber ine si.Baca lagi