Crossfit und Fahrt auf Calgary

Scho während der ganze Nacht heimer ghört wis immer wider meh u weniger rägnet. Sit gester Abä hets eigentlech düregrägnet, bis hüt Abä. Drum heimer üs am Morge ou entschide dasmer in Banff no is Crossfit gö. Dert simer ganz für üs alleini gsi, nidemau e Coach isch vor Ort gsi. Das isch o widermau cool gsi, chli säuber chönne z heblä. När simer uf Calgary düset, hei im Camping ichecket, Zmittag gässe und warm düschelet. Am Nami heimer o bi dem Wätter mau chli uf Calgary wöue ga luege wie die Stadt so isch. Es het aber immerno dä chaut Wind dür d Strasse gfägt so dasme garnid het wöue dusse si, wöus eim o dr Räge apeitscht het. So richtigs Herbstwätter wär das gsi.. aber mir hei doch no Summer?🫣
Mir si denn haut wider ines Shopping Center. Calgary Downtown besteiht us vilne Wulchächratzer, wo aui mit Gäng verbunde si im 1. Stock. I dene Geböide befinde sich vili Büros, Banke, Läde u Restis.
Bevor mir ufe Camping zrug si heimer üs no feini Tacos gönnt.
Womer si zruggfahre heimer gsee, dass d Sunne scho fürechunnt für morn😍. E schöne Sunneungergang hinger de Rockies heimer gsee.Read more