Längi Fahrt nach Kelowna

Hüt heimer e längi Fahrt planet gha, nämmlech vo Calgary aus zrug dür d Rockies uf Kelowna. Am 7ni simer los u am 8i heimer e Stopp gmacht für z Zmorge. Mir hei üs vorgstellt wiemer de ar Sunne mit schöner Ussicht chöi Zmörgele. Ide Rockies hets aber Wulche gha und es isch 3° gsi, brrr.
Mir si guet düre Vercher cho ohni grossi Verzögerig heimer die 604km hinger üs bracht. Womer ufem Camping si acho heiemer gsee, dass ds e ganz härzige, chline Familiecamping isch und sehr symphatisch würkt. Am spetere Nami simer no chli id Stadt ga vorkundschafte was mir aus wei mache morn u si no chli a Strand gläge u i See ga bädele bi 30°.Read more