Tag 1 in Vancouver

Hüt heimer üs es feins Zmorge gönnt im Kafi JAM. Es hetsech definitiv glohnt dert häre z ga, z Zmorge isch super fein gsi, eifach echli gross. Mir hei beidi de no d Rösti mitgno fürs Znacht. Ner simer z China Town ga aluege, leider simer chli enttüscht worde. Das Viertu het zimli "heruntergekommen" usgsee u es het so viu Drögeler u Obdachlosi uf eim Fläck gha womer aso beidi dänkt hei womer iz da glandet si. Si si zwar lieb u kümmeresech nur um ihres Business (si ono nie aquatscht worde) aber es isch eim da glich nideso wou. Mir hei Männer gsee wo ufem Trottoir si gläge, dr Kopf ufder Bordsteikante u dr Kopf het no haub id Strass usegluegt u eine näbedranne wo sich gad öbbis inezieht. Drum hei mir när umdräit u si wider meh richtig Downtown glüffe womer chli si ga Shoppe. Leider isch üs ufgfalle dass ou dert egau i weli Strass de bisch abboge mindistens ei kommischi Gstalt hesch gsee umeloufe. Üs isch ou ufgfalle, dass d Kluft zwüsche arm und rich hie sehr gross isch, wöu dr Linus ou ständig mues blibe stah wöu wider sones luts, türs Outo verbifahrt. Mir si nach üsem Shoppingtürli churz hei wöumer am 5i no ines Crossfit si. Nachem Training simer hei ga Znacht chöcherle u hei no Räschte vom Zmorge gässe 😅.Read more