Let's go Panther

Doch eingiermasse simmer beziehtä ufgstandä. Hend es Taxi an Flughafä gha, Dankä Jolanda für bringä.
Nachdem mer de Checkin gfundä hend, de einti isch grad im Umbau gsi, daher simmer einmal dur de ganz Flughafe gloffä.
Alli Sicherheitskontrolle gut gangä bis mer de Pass hend müssä zeige am Gate... detä häts gheissä Silvan ab hinter diä schwarzä Wänd. Hends en uf allfällige Sachä testät, da her nüt debi ghat het er mit dörfä.
Los isch gangä mit rund 11h flügä nach Miami.

Ahchoo simmer äh guti 1h ah de Imigration ahgstandä bis mer bim nettä John ah cho sind. De het rasch wellä wüssä was mir machet wer mit wem zämä isch. Gut schnell go Auto hole und ab is Hotel go frisch machä. Hemmer denkt gha....

Zum Auto überhaupt becho simmer bi erste Schalter nomel über 1h ahgstandä. Gut vier lüüt langet ja für das zwei Argenturä zämä gleit hend. Endlich hemmer alles und no de Schlüssel hole den langet gut für NHL Spiel.
Oh detä hets au viel lüüt nomel 1h ahgstandä für endlich zwüssä welles Auto.
Langsam isch knapp worde mit em Spielahfang, bzw. Hotel hemmer grad strichä, also direkt as Spiel.

Florida Panther gege New York Ranger hend gspielt. 1/3 hemmer verpasst aber ja das isch halb so schlimm. Schnell go Snacks hole und ztrinkä und ab zum Sitzplatz.
Obwohl mer fast zoberst ghocket sind hemmer mega gut uf Isfeld gseh.
Naija Stimmig isch i de Schwizz um einiges besser. Aber grössi vom Station isch natürlich riesig. Paar Goal sind fallä und Panther hend gwunnä. Mir doch guti 24h uf de Bei sind froh gsi wo mer endlich is Bett hend chönä.Weiterlesen