Busch Garden... its Holiday

Bim Zmorge hemmer grad no Sandwich für am Mittag parat gmacht. So simmer doch beziehtä los und uf em Weg hets im MC no en Kaffi geh.. de isch aber nur halb so gut wie Starbucks.

Am Busch Garden ah choo simmer zerst mal guti 30Min ahgstandä für uf de Parkplatz. Den nur 20Minutä zum ihnä cho. "It's holiday", darum hets soo viel lüüt. Diä erklärig ghört mer momentan bi jedem wo viel ztuä het 🤣

Chum drinn sind zwei scho uf de erste Bahn gsi. Rebi het i derä Zitt chli Affe ahgluegt.
Denah simmer zämä chli de Zoo und alli Attraktionä go ahluge wos gha het.
Gäge de Namitag simmer zrug is AirbnB go badzüg ahleggä und ab an Strand.

Ohh detä hets au chli anderst usgseh als im Summer wo de Luca&Rebi letztmal gsi sind. Halbi Parkplatz isch kapuutt gsi oder immer no unter Sand.
Go bade simmer nöd, nur chli Füess ihnä ghebet. Aber Wasser isch wärmer gsi als Luft, villicht au wills doch recht gwindet het. Langsam isch d Sunnä untergangä und mir sind langsam it Unterkunft.

Vor em Znacht hemmer en halt im Super Target gmacht und doch paar Sache gfundä, de Hank het de Rebi schöni Augä gmacht bim Sachä ipackä (aber zum Glück het sie de Luca).
Den ab in TacoBell, soo sich diä eintä schoo druf gfreut hend.

Nachem Znacht is AirbnB und güggslet wege bessere Unterkunft im verlauf vo de Wuchä.Les mer