Sonntag - Luosto

Ahcho.

Natürlech hani am Morge scho widr liechte Stress gha (i ha gmerkt das weni elleini ungerwägs bi immer vüu knapper drann bi), wöui das vile Schichte alegge ungerschetzt ha. Und de trotz -15°C und ar***chautem Luft verschwitzt am Ziu bi ahcho, wöui fasch e chli ha müesse springe 🤭

Das wo mir do buecht hei, isch e Läserreis vo CH-Media, das heisst es si paar Aktivitäte mit drbi wo immer die gliche Lüt drbi si. Wohne/ässe und aues absits vo dene Aktivitäte luegt jede säuber. Drum hets hüt Vormittag mit dere Gruppe e chlini Dorffüehrig gäh. Obwouh das scho fasch übertribe xeit isch, denn do wohne grad mou 100 Lüt. Es het 2 Hotels, es Lädeli, zwöi Souvenir/Irichtigs-Shops, 4/5 Restaurants, s'Reisebüro und nid sooo vüu meh. Aber genau das machts ou so schön do.

Nachemne Apéro und Informatione am Füür (am 4, auso im Dunkle), hani s'typischste finnische gmacht wome gloub cha. Mitemne Bier id Sauna hocke. I finges toll, dass bi de Finne s'nur ei einzigi Sauna-Regle git (nüt vo stüu si, ((sogar Ching ab 1 Jährig näme d'Finne scho mit id Sauna)) 3x 15 Minute usw.), und zwar: Es git ke Regle.Read more