Reset search
Motorradferien Gran Canaria
  • Daniel Pfister
  • Daniel Pfister

Motorradferien Gran Canaria

A 13-day adventure by Daniel Read more
FollowInsightsInsightsCalendarCalendarPhotosPhotosShareShareBucket list
InsightsCalendarPhotos
  • Trip start
    December 15, 2024
    Daniel PfisterMotorradferien Gran CanariaTraveler
    1111111Volli Sunneistralig bi 28 Grad11

    Hotel Cristina

    Dec 16–28, 2024 in Spain ⋅ 🌬 23 °C

    Der z Morge isch überwältigend gsi und hät mich grad echli überforderet. Ich han ja na gnüegend Zyt zum die mega Buffets känne z lärne.

    Nach em z Morge han ich mich uf der Wäg gmacht zum Canaryride min Töff vermieter usfindig z mache. Dä han ich grad emal 20 Fuessminute entfärnt gfunde. Morn gahts los. Ich freue mich druf. Jetzt gnüss ich grad d Sunne am Hotel eigene PoolRead more

    See translation
  • Daniel PfisterMotorradferien Gran CanariaTraveler

    Honda XL750 Transalp

    December 17, 2024 in Spain ⋅ ☀️ 20 °C

    Punkt 11fi han ich d Honda XL750 Transalp bi Canaryride abgholt und bin eifach der Nase na richtig Hinterland gfahre. Der Töff isch liecht und sehr wändig. Passt für die schmale Strasse. Nach irgendwie 80 Km hät mini Kuppligshand agfange schmärze und ich han der Rückwäg nach Las Palmas aträtte. Ich muess langsam wieder afange und trainiere.

    Las Palmas, der Hafe und s Hotel han ich glie emal ohni Navi gfunde. Ich bin allerdings 3 Mal am Hotel verbiegfahre bis ich en geignete PP gfunde han. Da i der Stadt dörfmer usschliesslich nur uf Töff PP parkiere. Und vo däne häts viel z wenig.

    Jetzt bin ich dure und mage nüme. Es langet für der erschti Tag.    Read more

    See translation
  • Daniel PfisterMotorradferien Gran CanariaTraveler
    11

    Oh was für en Tag!!

    December 18, 2024 in Spain ⋅ ☀️ 21 °C

    Bi schönschtem Wätter und klarere Sicht bin ich am Morge richtig Weschte nach Agate gfahre. Vo Agate us gaht d Fähre nach Tenerife los. Die han ich aber nöd gno sondern ich bin uf der legendäre GC-200 richtig Süde los. E Mega schöni Strecki mit unzählige Kurve.

    Bi San Nicolas han ich mich uf der GC-210 wieder Ostwärts richtig Gebierge und mitte duch d Insle gschrubet. D Strecki isch en enormi Hersusforderig gsi und hät mich as volle Limit und über mini eigete Gränze us bracht. Der Pass isch so äng gsi, sodas Auto und Töff mit mühe anenand verbie cho sind. Und die die unzählige Haarnadlekurve sind nur mit grossem Ufwand z bewältige gsi. Ich hetis ja nie für möglich ghalte das ich mit em Töff je wird ganz ufe cho. Und ja, dobe ändlich acho trifft mich der Schlag. Churz vor Passhöchi isch d Strass gsperrt gsi! Da häts nur ein Wäg gäh. Retour wieder zur GC-200 abe.

    Da ich nöd der glichi Wäg han wele zrug, han ich Maspalomas apeilt. Mindistens 4 Päss spöter bin ich am südlichschte Ort vo GC acho und ich han ganz eifach nüme möge. Somit bin ich uf d Autobahn richtig Las Palmas gfahre. Nach guet 10 Minute Fahrt bin ich in en Mega Stau grate wo erscht churz vor Las Palmas ghört hät. Mini Närve wie au min Arsch und Arme sind meh als nur gforderet gsi.

    Das ich am Schluss wieder s Hotel verpasst han hät grad na zum hütige Tag ghört. Somit bin ich eimal rund um d Insle gfahre. Das han ich eso würklich nöd vorkah 😃    Read more

    See translation
  • Daniel PfisterMotorradferien Gran CanariaTraveler
    1

    Vo 0 uf über 1700 M.ü.M.

    December 19, 2024 in Spain ⋅ ☀️ 20 °C

    Was für en perfäkte Tag 😄

    Wiederum bi schönschtem Wätter und klarer Sicht bin ich uf der GC-2 Weschtwärts los gfahre und han der Abzwieger GC-20 nach Teror gnoh. Nachdäm ich eimal im Chreis umgfahre bin, han ich mich doch na für's Navi richtig Monumento natural del Roque Nublo entschiede. Und das isch guet gsi so.

    Kurve für Kurve han ich mich immer höcher und höcher ufe gschrubet. D Strasseverhältniss sind top perfäkt gsi und Temperatur isch mit jedem Höhemeter immer agnähmer worde. D Städt am Meer sind mit der Zyt wie fascht nüme sichtbar gsi.

    Transalp und ich händ immer besser funktioniert. Nach irgend wie gfühlte 1000 Kurve simer eis worde und ich bin im Töffparadis acho 😃

    Acho simmer au am Roque Nublo. Döte bin ich aber sehr schnäll wieder verschwunde. Ich han grad es déjà-vu vor em Ayers Rock in Australie gha. Sowas han ich grad nöd brucht und han mich uf der Wäg ad Oschtküschte gmacht.

    Jedi einzelni Kurve won ich ufe bin, han ich nach abe drähied und es hät nüme welle höre bis ich dune gsi bin. Es hät alles eifach nur passt. Sogar en Töff PP han ich dasmal uf ahieb gfunde. Ich freue mich uf Morn.    Read more

    See translation
  • Daniel PfisterMotorradferien Gran CanariaTraveler

    Pico de la Nieves

    December 20, 2024 in Spain ⋅ ☀️ 14 °C

    Und wieder isch en kurverieche Tag uf em Töff bi beschtem Wätter ume. Viel gits hüt nöd z verzelle...ußert das e Brülle langsam aber sicher au bim Töfffahre ane muess. s Beschte Navi nützt nüt wänn ich das falsch liese und plötzlich uf eme Hinterhof lande tuen 😄

    D Fahrt retour nach Las Palmas ich eher unagnähm gsie. Wieder emal bin ich in en mega Stau uf 3 Spure richtig Stadt glangt. Aber ich han mich mittlerwiele der iheimische Töfffahrer apasst und fahre i der Spurrine a de Autos verbie. Und ja, es isch sehr unagnähm. Wänn nur eis Auto usbricht wärs das gsi. Und jetzt erhol ich mich am Hotelpool.    Read more

    See translation
  • Daniel PfisterMotorradferien Gran CanariaTraveler
    11111

    Dunas de Maspalomas

    December 21, 2024 in Spain ⋅ 🌬 19 °C

    Mis hütige Tagesziel, Maspalomas, Tourischtehochburg vo GC han ich welle übers Hinterland und abseits vo der GC-1 erreiche. s Wätter hät bi däm vorhabe aber nöd mitgmacht. Immer wieder häts gschüttet wie blöd. Somit bin ich guet durchnässt wieder ad Küschte abegfahre und uf def GC-1 richtig Maspalomas losgfahre. Je südlicher desto besser isch s Wätter worde.

    Maspalomas bestaht us unzählige Hotelkomplex, Restaurants & Bars sowie Vergnüegigszänter jeglicher Art. Und natürlich die sog. LGBTQ+ friendly: Playa del Inglés is known for being a welcoming and inclusive destination for the LGBTQ+ community.

    Das hät mich aber nöd interessiert. Ich han Düne welle go aluege und ablaufe. Sehr schön zum aluege, aber au sehr unagnähm. Der fini Sand isch bi däm Wind nöd nur id Auge, sondern i jedi öffnig ine drunge. E Maske und Brülle wäri abracht gsi...oder na besser grad mit em Töffhelm. Da wäri der Schutz perfäkt gsi.

    Uf em retourwäg han ich GC-1 grad vo afang a gno und bin immer wieder in Räge cho. Aktuell isches in Las Palmas troche aber sehr stürmisch.    Read more

    See translation
  • Daniel PfisterMotorradferien Gran CanariaTraveler
    111111

    Letschte Tag uf em Töff

    December 23, 2024 in Spain ⋅ ⛅ 10 °C

    Bi schönschtem Wätter und Früheligshafte Temperature bin ich hüt s allerletschti Mal los gfahre richtig Bärge. Nach guet 1 1/2 Stund han ich aber wäg em immer schlächtere Wätter kehrt. Lut Wätterbricht häts ja sogar obe use gschneit und diversi Strasse sind gsperrt gsie.

    https://www.kanarenmarkt.de/285875/schnee-und-g…

    Dä bricht isch grad vo Teneriffa, gilt aber au für GC. Na ja was han ich welle...? Uf der stark befahrene Strasse der Küschte entlang han ich grad kei Luscht gha und somit han ich der Wäg zu Canary Ride igschlage und der Töff retour gäh.

    Der retourwäg zum Hotel mit em Helm unter em Arm isch mir grad rächt schräg ine cho. Eimal isch fertig luschtig und guet isch. Aber es passt scho. Immer wieder die gliche Päss abfahre macht kein Sinn. D Insle isch chlie und schnäll emal abgfahre. Schön han ich das dörfe gseh, erläbe und ohni zwüschefall der Töff wieder chöne abgäh.    Read more

    See translation
  • Daniel PfisterMotorradferien Gran CanariaTraveler
    1
    11

    1. Tag ohni Töff

    December 24, 2024 in Spain ⋅ ☀️ 19 °C

    Geschter han ich also scho na wehmuet gha won ich der Töff bi Canary Ride abgäh han und han mich gfröget was ich die nöchschte Täg so mache wird. Und schwups neigt sich der 1. Tag ohni Töff au langsam zur neigi mit Fitness, läse und eifach nur am Pool umehänge. Das hät mir doch so richtig gfalle hüt. Und jetzt mach ich mich uf d suechi nach Aprè-Soleil. D Sunne isch sehr stark.

    Ich wünsche allne e wunderschöni Wiehnachte.    Read more

    See translation
  • Daniel PfisterMotorradferien Gran CanariaTraveler
    111

    Altstadt (Vegueta)

    December 26, 2024 in Spain ⋅ ☀️ 20 °C

    Gemäss Reiseführer ein muss! Somit han ich mich nach em z Morge z Fuess ufgmacht und bin losmarschiert.

    Links vo mir isch der Hafe gsi und rächts die 8 spurig Autobahn. Vo obe hät d Sunne bi 27 Grad abebrännt. Wasser und Proviant han ich gnüegend derbie gha. Es Frottetuech wäri na gäbig gsi. Glie han ich gschwitzt wie blöd.

    Der grossi Hafe hät mich bi däm Marsch am meische fasziniert. Eifach nur Mega die riese Frachter wo ufs lösche vo der Fracht gwartet händ.

    Nach ca. 1 1/2 Stund han ich d Altstad erreicht. Na ja, das isch nöd grad würklich mini Gägend gsie. Da häts usschliesslich Gucci, Chanel und e ganz Reihe wietere Läde i däre Art gha. Entsprächend sind au die Cüpli trinkende Tourischte gsi. Ich han sehr schnäll mini Rundi drähied und mich wieder ufgmacht nach Playa de la Cantera won ich 13 Km spöter wieder zrug cho bin.

    Da gfallts mir doch um einiges besser. Jetzt gnüss ich na die letschte Stunde am Hotel eigene Pool und hebe die plagete Füess id höchi    Read more

    See translation
  • Daniel PfisterMotorradferien Gran CanariaTraveler

    GC vis Algarven

    December 27, 2024 in Spain ⋅ ☀️ 19 °C

    Als 🏍 fahrer isches sehr idrücklich vo der Küschte här is Gebirge z fahre. Der Atlantik isch immer irgendwo im Blickwinkel und wird nach jedere Kurve chliner. Bis uf es paar wenigi Strasseabschnitt sind d Strasse sicher und sehr griffig. Der Verkehr i der Bärge isch ganz Ok gsi. Nach es paar Täg uf däre Insle kännt mer meh oder weniger jedi Gebirgsstrass und der Spass laht dütlich nah. Was gar kein Spass bereitet hät, isch jewils überhaupt zur Stadt und all dänne nöd ändende Vorort use z cho. Der Verkehr in Las Palmas isch extrem. Täglich bin ich mehrmals im Stau gstande und der Schweiss isch mir zu der Töffstiefel us glofe.

    Da isches i der Algarve viel besser gsi. Faro han ich jewils im nu hinter mir gla und bin schnäll emal im Hinterland und der Bärge unterwägs gsi. D möglichkeite zum usgedehnti Toure z mache sind i der Algarve um es vielfachs grösser. Es hät im Dezämber au fascht kein Tourismus i der Algarve. Die meischti Zyt han ich die usdehnte Strasse ganz für mich eleige gha. Aber es isch frisch gsi zum fahre und es hät öfters grägnet. In Faro sälber han ich viel schnäller zuegang zu der iheimische gha. Das isch da in Las Palmas gar nöd möglich bi däm riese Tourischtestrom. D Stadt isch cool, bütet um es vielfachs meh als Faro, bruch ich aber alles nöd zum 🏍 fahre.

    Rückblickend häts mir uf GC sehr guet passt, han viel dörfe gseh und erläbe mit em 🏍 wird aber ganz sicher nüme dahi cho zum Töfffahre. s Beschti isch s Kinderfreie Hotel mit eigene Pool diräkt vor em Atlantik gsi. Da häts a rein gar nüt gfählt. Es Topp Hotel won ich nur chan wieter emofehle.    Read more

    See translation
    Trip end
    December 27, 2024
  • 2026© FindPenguins
  • Home
  • About us
  • Group Tracking
  • Press
  • Terms
  • Privacy Policy & Cookies
  • Help Center
  • Legal notice