Återställ sökningen
Canada 2024
  • Carpe Diem 6100
  • Carpe Diem 6100

Canada 2024

En 33-dags äventyr från Carpe Diem 6100 Läs mer
FöljÖversiktÖversiktKalenderKalenderFotonFotonDelaDelaBucket list
ÖversiktKalenderFoton
  • Resans start
    2 juli 2024
  • Carpe Diem 6100Canada 2024Resenär
    1

    Ichoufstag u schüsch no ztüe..

    5 juli 2024, Kanada ⋅ ☀️ 24 °C

    Hüt simer uf Williams Lake zum ichoufe gfahre.
    Uf üsere Ichoufslischte si dLäbensmittu für di nächschte 8 Tag stange. Hei o scho für Canada im nächschte Winter ikouft, ä Chindersitz für Wynn.

    Ha no chli UHU-Büetz wöue mache. Ds höche Gas mit äm „Fademäiher“ (het keni Fäde aber äSchibe) hät wäg söue. Leider isch nüt drus worde, D‘Zündcherze het dr Geischt ufgäh.

    Starlink isch o ar Reihe gsi. Ds Kabu het ja dür ds Blochhus müesse. Düre Fänschterrahme isch mi Favorit gsi. Dr Afang isch viuversprächend gsi. Da dr Bohrer zweni läng isch gsi hani o no vo inne müesse bohre, wie bim ene Tunnäu vo zwe Site. Doch äs het nid söue si, d‘Bohrmaschine (30 Jährig) het di Dienscht ufgäh. Auso ä neui Bohrmaschine bsorge oder entlehne.

    Übrigens: Bis itz heimer immer uf dr Terrasse oder vorem Huus chöne ässe.    Läs mer

    Se översättning
  • Carpe Diem 6100Canada 2024Resenär
    1

    Chli chille u süsch no

    6 juli 2024, Kanada ⋅ ☀️ 25 °C

    Hüt heimer chli chillet. Aber o no gwüssi Sache erlediget. Ha am Morge früeh no Fleischgwürz gmacht. Dr Gwürz- Öu u Essig- Schrank isch dür d‘Martina ufgrumt worde.
    Im Chäuer heimer no ä Muus gha. D‘Faue si gsteut gsi. D‘Muus hets verwütscht, aber die isch mit dr ganze Faue uf u dervo. Äs isch fei äs Sueche gsi.
    Ds Foto erspari euch.

    Ufem Wäg vom Huus zur Houptrass hets verschideni Strücher u ä Boum gha wo zwit i Wäg gluegt hei. Am Namittag hei mir die wägputzt.

    Übrigens: ha no ä Korrektur, ha am 4.7. Kiwi-Tränki grischbe!? Isch natürläch ä „ Kolibri-Tränki)    Läs mer

    Se översättning
  • Carpe Diem 6100Canada 2024Resenär

    Zuunkontroue u Raclette-Ässe

    7 juli 2024, Kanada ⋅ ☁️ 29 °C

    Hüt heimer ä Teil vom innere Zuun kontrolliert.
    Äs git viu z‘düe. Längi Strecke vom Zuun liege am Bode u zwoi „Gatter“ müesse ersetzt wärde.

    Zum Znacht simer bim Cartaker (Beat u Esther) zum Racletteässe (trotz am heisse Wätter) iglade gsi. Äs het schwizer Raclettechäs ghä. Dä wir vo Vancouver uf Bstellig o hie ufe glieferet.
    Mir chei dä schön Gmüesgarte vo Beat u Esther chöne bestune. Eifach ä cheibe höche Zuum wäge de Hirsche u Euche. Aues was nid über 1,7 Meter höch isch wird dür die Tier übersprunge.

    Übrigens: mir hei no kene Bäre, Hirsche oder Euche gseh, die verstcke sich bi dere Hitz im Waud. O ds Voguhüsli isch weder vo Vögu u Chipmunks bsuchet worde.    Läs mer

    Se översättning
  • Carpe Diem 6100Canada 2024Resenär

    wieder mau heiss…

    8 juli 2024, Kanada ⋅ ☀️ 28 °C

    Hüt isch wieder heiss gsi.
    Usser dr zwöit provisorisch Standort vom Starlink-Spiegu hei mir nüt gmacht. Warte no uf die längi Wandhauterig woni bsteut ha.

    Dr Caretsker isch no dr Wasserhahne im Bad cho uswächsle.

    Übrigens: die Temperaturagabe stimme nid mit dä effektive bi üs überi. Äs isch imm um äs par Grad wermer.    Läs mer

    Se översättning
  • Carpe Diem 6100Canada 2024Resenär
    1

    Ten-ee-ah-Lodge

    9 juli 2024, Kanada ⋅ ☀️ 28 °C

    Hüt heimer ä Usflug zur Ten-ee-ah Lodge gmacht.
    D Härefahrt isch rächt stoubig, 80% isch Gravelroud gsi.
    Äs ganz äs schöns idylisches Plätzli mit Cabins u Restaurant (sehr feine Hamburger 🍔 gässe).
    https://ten-ee-ah.bc.ca/

    Hüt isch bis itz dr heissescht Tag gsi. 37 Grad hei mir bim Blockhuus gmässe ( nid öppe ar Sunne!)!

    Übrigens: Geschter si di erschte Chipmunk u Vögu a ds Voguhüsli cho.    Läs mer

    Se översättning
  • Carpe Diem 6100Canada 2024Resenär

    Ichoufe u no.,,

    10 juli 2024, Kanada ⋅ ☀️ 32 °C

    Wäge dr Hitz, hüt o wieder über 33 Grad, hei mir üse Ichoufstag uf hüt verschobe, I de Warehüser isches schön chüeu.
    Mir hei o no ä Honda Rasemäier wöue choufe.
    Leider isch nume no eine vorrätig gsi. U dä isch für dä wenig Gebruch doch dstür gsi, Über 1200 CAD. Neui „Lawn mover“ gits ersch wieder ab Fritig. Mau luege.

    Gravelroad isch hüt bewässeret worde u wäge däm het o üses Outo usgeseh…
    Het müesse chli putz wärde. Dä Dräck isch hartnäckig.

    Wius so heiss isch gsi hets nume Wasser mit Isch zum Apéro gä?😩😜😜

    Übrigens: I de nächschte Tag wes wieder chli chüeler wird isch schaffe agseit    Läs mer

    Se översättning
  • Carpe Diem 6100Canada 2024Resenär
    1

    Wanderig u Umgäbigsarbeite

    11 juli 2024, Kanada ⋅ ☀️ 22 °C

    Hüt heimer uf üsem „private Wanderwäg“ ä chlini Wanderig gmacht. Mir hei üse Fluchtwäg (bi Waudbrand) kontrolliert. Gseht nid viuversprächend us, muess viu wägsage/schnide.

    Witers isch eini vo vier Usse-Zuunkontouo agstange. Jedi Site isch 500 m läng u markiert o ds Grundstück u söu dChüe abhaute ids Grundstück izdringe. O hie gits no zdüe. Leider isch am Schluss vom Zuun ä chline Sumpf u dä het üs ghinderet witers „wandere“. Umchere u dr glich Wäg retour.

    Da mir no ke Rasemäiher hei chöne choufe, si mir dä vom Caretaker ga hole. Ufem Wäg zur Cravelstrass heimer ä komische schwaze Huufe entdeckt. Liede isches ä Grizzly-Dräck gsi, het sis Revier markiert. Isch nid grad beruhigend.
    Müsse itz no chli meh ufpasse.
    Ds höche Gras u schüsch no was so um ds Huus um wachst heimer abgschnitte (Sicherheit bi Füür).

    Übrigens: Ab Fritig, 12. Juli 2024 isch ds Campfire in ganz British Columbia wieder verbote! Das schöne u heisse Wätter mit teuwies starchem Wind hei derzue gfüehrt. Ortschafte nume 200 km vo hie, hei scho müsse wäge Füür evakuiert wärde.    Läs mer

    Se översättning
  • Carpe Diem 6100Canada 2024Resenär

    Wanderig u schüsch no

    12 juli 2024, Kanada ⋅ ☁️ 22 °C

    O hüt heimer ufem angere private Wanderweg Zuunkontroue gmacht. O dert hetz no chli Püetz.
    Müesse äuä öppis uf nächschts Jahr verschiebe.

    Hüt isch o Sauzläcki u d‘Wiudkamera bestückt worde. mir hoffe, dass itz evtl. Mooses and Dears
    i üsi nöchi chöme.

    Übrigens: Mir hei bis hüt immer bim Füürabebänkli u dr Terrasse chöne ds Apéritif resp. ds Nacht dusse gniesse. Mir hei sehr bestäniges u itz o chli chüelers Wätter ( 26 Grad).    Läs mer

    Se översättning
  • Carpe Diem 6100Canada 2024Resenär

    Fluchtwäg psssierbar gmacht

    13 juli 2024, Kanada ⋅ ☀️ 24 °C

    Üse Fluchtwäg heimer hüt vo Strücher u chlinere Böumli gsüberet. Trotz Morge am 10i isch das ä schweisstribendi Püetz gsi. Nach zwöiahaub Stung heimers gschaft. Wiu dr Fademäiher (mit Schibe) no nid fuktionniert heimer aues mit grosse Garteschärine müesse mache. Zum Schluss isch no ds Schliess-Seili vom Gatter i Fluchtwäg gflickt worde.

    Nach der asträngende u heisse Püetz heimer am Namittag gruehet u Zyt mit sueche vomene „neue“ Pickup im Internet verbracht (vorauem ig).
    Hie isch das gar nid so eifach. si di Wäg um das Fahzüg ga luege cheibe wit, bis 250 km ä Wäg!
    Gwüssi Aforderige muess dä Pickup hie obe o no ha: Ungerbodeschutz, Ahängervorrichtig u Blockheater für dr Motor im Winter z‘heize (bis - 35 Grad u nid meh aus 250‘000 km! Äs het paar interessanti Objekt gha. Itz müesse mir de das no mit äm Cartaker aluege.

    Übrigens: Geschter hets sit langem wieder ä mau Wueche gha. Trotzdäm isches scho wieder wermer worde (28 Grad), für di nächschte 10 Täg si wieder Temperature bis 35 Grad vorusgseit.    Läs mer

    Se översättning
  • Carpe Diem 6100Canada 2024Resenär

    Nachtessen mit Esther u Beat

    14 juli 2024, Kanada ⋅ ☀️ 27 °C

    Am Sunntig heimer chillet.
    Am Füfi si Esther u Beat (Caretaker) zum Apertif u Znacht cho. Isch ä gmüetläche Abe mit viu luschtige Anektote gsi.

    Übrigens: Dr Fluchtwäg bruchts, we plötzläch dr normau Wäg vom Grundstück uf dStrass nid mügläch isch (vorauem bi Waudbränd aber o starchem Houzschlag bi Sturm).Läs mer

    Se översättning
  • Carpe Diem 6100Canada 2024Resenär

    Horsefly Lake

    15 juli 2024, Kanada ⋅ ☀️ 28 °C

    Horsefly Lake isch hüt üses Ziu gsi. Het nid viu Lüt gha. D‘Martina het ä Schwumm gno, mi hets nid agmacht. Dr Horsefly Lake het o ä schöne Provincial Park, 10 km vo üs entfernt.
    Schöne Campground ohni Strom u Wasseraschluss wi viu Provincial Park. Trotz dr früeche Feriezyt het doch etlichi trailers u fifth wheel trailers gha.

    Dank am schöne Wätter chöi mir immer uf dr Terrasse zNacht ässe.
    Üs isch ufgfaue, dass je nach Sunneischtralig ä Boum wie verbrönnt usgseht!

    Übrigens: Dr Horsefly Lake isch 53 km/2 gross u 197 Meter tief ( Thunersee isch 43 km/2 u 217 Meter )    Läs mer

    Se översättning
  • Carpe Diem 6100Canada 2024Resenär

    Sträucher schneiden

    16 juli 2024, Kanada ⋅ ☀️ 30 °C

    Hüt am Morge hets wieder Strücher zum Schnide gäh. Ds grosse Züg muess wäg. Het aues mit Waudbrand zdüe.

    D‘Heufty vo üsem Horsefly-Ufenthaut isch verbi.
    Zur Ferieteilete heimer dänkt mir mache panierte (Panko) Schwinsfiletplätzli u Salat. Sehr fein gsi.

    Übrigens: Kanadier wüsse mit Schwinsfilet nid viu azfah. Isch fasch äs „Abfauprodukt“! Dr Kilopris isch um di 14 CAD u viu biuiger aus Rindfleisch à la Minute.    Läs mer

    Se översättning
  • Carpe Diem 6100Canada 2024Resenär

    Ichoufe

    17 juli 2024, Kanada ⋅ ☁️ 25 °C

    Hüt isch wieder mau Ichoufe dranne gsi. Äs isch 36 Grad ds Williams Lake gsi!🥵🥵😥
    Ufem Wäg uf Williams Lake heimer viu Fäuder mit Heurouene gseh.
    Leider o di vile Brandnarbe vo de schwäre Waudbränd im 2017. Williams Lake mit über 10’000 Iwohner isch denzumau vouständig evakuiert worde! Ä Teu nach Kamloops, dr anger Teu nach Prince George. 4 resp. 3,5 Outostunde vo Williams Lake. Zum Glück isch d‘Stadt verschont blibe.

    Übirgens: Warum schnide mir höchi Strücher etc. ir nöchi vom Huus? We mau ä Waudbrand id richtig Huus chunt, so sött ds Füür wäge Strücher u chline Böum nid am Bode na üf ds Huus chöne zuegrife. O darf ke grosse Boum so nöch vom Huus stah, dass we dä brönnend umgheit uf ds Gebäude cha gheie. O bi starche Herbscht-/Winterstürm.
    I dä nächschte Jahr müesse mir äs paar höchi Böum zur Sicherheit fäue.    Läs mer

    Se översättning
  • Carpe Diem 6100Canada 2024Resenär

    Gescht

    18 juli 2024, Kanada ⋅ ☁️ 25 °C

    Hüt am Morge hets zum erschte Mau sit das mir hie in Horseflysi ke Sunne am Morge gha. Nid öppe wäge Wuuche, sondern wägem Rouch vomene Waudbrand, 300 km nördlech vo hie. Gäge Mittag isch du d‘Sunne wieder da gsi u d‘Hitz de o grad wieder!

    Mir hei am Morge no Zuefahrt bis zur Gravelroad vo 2,5 km vo tief hangende Escht, Strücher etc. gsüberet, dass Trailers, Motorhomres oder Truckcampers guet chöi zum Huus fahre.

    Am Abe heimer Bsuech vo Fründe/Bekannte us Vancouver gha. Wädi (Walter) u d’Erika u ihre Brüetsch äm René. Beat u Esther si o cho. Da simer ä vei ä grosse Tisch gsi. Äs het gfüuti Peperoni (Füuig: Zibele, Obergine, Peperonistreiffe, ghackti Tomate, gribne Chäs u Risoni), äs Griuplättli (Griuchäs gits hie nid), Salat u zum Dessert säuber gmachti Caramelchöpfli usem Steamer ( zerscht mau im Steamer gmacht, ha Bluet gschwitzt) ghä.

    Übrigens: D‘Erika u dr Wädi si sit über 40 Jahr in Canada. Früehcher isch üses Outo bim Wädi i sire Outowärchstatt/Garage in Vancouver igschteut gsi. Sit är pensioniert isch, het är ke Garage me u ds Outo steit in Horsefly.    Läs mer

    Se översättning
  • Carpe Diem 6100Canada 2024Resenär
    1

    uHu-Püetz u no meh

    19 juli 2024, Kanada ⋅ ☀️ 27 °C

    Hüt isch wieder Strücher etc. zum Wägrume gsi. Die einti Site vo dr Terrasse isch gsüberet worde. Wie immer isch äs scho am Morge schweisstribend gsi. Doch ds Resultat isch sehr guet usecho.

    Vorgeschter heimer no äs Päckli vo Starlink übercho. Itz hani d‘Antenne a richtig Ort chönne plaziere u Kabu chli agmacht. Ds Internet funktioniert immer no.😜

    Sit das mir da si isch zum erschte Mau ä Squirrel uf Terasse zum Voguhüsli cho. Bim Nachtässe isch no ä Moose mit sogar zwöi Jungtier zur Sauzläcki ä Stung cho Sauz läcke.

    Übrigens: Ä Squirrel isch äs Eichhörndli u ä Moose isch ä Euch.
    O hüt ische wieder sehr heiss gsi, o im Huus inne.    Läs mer

    Se översättning
  • Carpe Diem 6100Canada 2024Resenär

    Chli aues…

    20 juli 2024, Kanada ⋅ ☀️ 29 °C

    Am Morge bi ig am Beat vorem Huus ga häufe ufrume. Morn isch bi ihne ä Art Flohmärit. Me de zu däm Märit morn.

    Übere Mittag si mir no chli am „Gartne“ gsi u hei ä fang die grosse Strücher (haubi Böum) umgmacht.
    Dr Finish mache mir de morn oder übermorn.

    Mir hei, da äs wieder sehr heiss isch gsi, am Nami ir Chuchi öppis usprobiert; Broccoli- Schupfnudle u -Spätzli. Isch ä heide Püetz. Zur Überraschig si die cheibe Dinger sehr guet (wär gärn Broccoli het). Zu de Broccolischupfnudle hets kanadische Cervelat gäh. Ir Farb ä chli angersch, aber im Gschmack, da chasch nüt säge ömu nid süessläch!

    Bir Sauzläcki isch hüt ä Euchchueh cho schläke.

    Mir hei wieder ä mau ä schöne Sunneungergang chöne gniesse.

    Übrigens: Hüt isches nid so heiss wie geschter gsi, aber am Achti immer no über 30 Grad. Morn Sunntig söus dr heissischt Tag vo der Wuche gä, über 37 Grad.    Läs mer

    Se översättning
  • Carpe Diem 6100Canada 2024Resenär

    Garage-Verkauf

    21 juli 2024, Kanada ⋅ ☁️ 31 °C

    In Horsefly het hüt der Garage Sale stattgfunge.
    Interessierti hei sich chöne für dä privat „Brockiverchouf“ ischribe.
    Aui Agmäudete hei bi sich daheime die Sache chöne verchoufe die si nüm hei wöue. Auso Chäuer rume u verchoufe.
    Vom Nüni am Morge bis am haubi Drü isch dä Verchouf gange.
    Mir si am haubi Nüni bi Beat u Esther gsi, Mir hei üsne Ouge nid trout, scho am viertu vor Nüni si Pickups vorgfahre. Äs isch sehr Interessant gsi.
    Mir hei am MIttag gnue gah vo däm Zueluge, äs isch wieder heiss gsi!
    MIr si hei ga Siesta mache, wiu mir am Abe bi Beat u Esther zum Lammgigot iglade si gsi.

    Am haubi Füfi PM isches wieder fasch 40 Grad gsi..

    Übrigens: vom Samschtig us Sunntig isch Voumond gsi.    Läs mer

    Se översättning
  • Carpe Diem 6100Canada 2024Resenär

    Outo wäsche u ….

    22 juli 2024, Kanada ⋅ ☁️ 22 °C

    Dr Tag het düeschter agfange. Äs isch nid dr Näbu oder Bewöukig gsi, nei, dr Rouch vo de Waudbränd isch hüt am Morge starch gsi u äs het o so gschmöckt. Ds Röücke vo Würscht wär sicher eifach gsi.

    Ds Outo het o wieder ä mau müesse uftanket u gwäsche wärde. Chli uHu-Arbeit heimer o no gha.

    Dr Fademäiher wott immer no nid funktioniere.
    Neui Cherze, Bänzingmischt het nüt gnützt, das Grät het eifach nid wöue aspringe. Dä muess im Winter i Service.

    Übrigens: Hüt hets, sit dass mir da in Horsefly si zum erschta Mau grägnet. Äs hett fei gwitteret.
    Aber uf dr Terrasse hei mir trotzdäm chöne z‘Nacht ässe.    Läs mer

    Se översättning
  • 2026© FindPenguins
  • Hem
  • Om oss
  • Spåra gruppen
  • Press
  • Villkor
  • Integritet & Cookies
  • Hjälpcenter
  • Avtryck