Suche zurücksetzen
PV-Help Äthiopien
  • sandroflurin
  • Petzog
  • Florian Röthlisberger
  • sandroflurin
  • Petzog
  • Florian Röthlisberger
  • Andreas Meier

PV-Help Äthiopien

Zusammen mit der Hochschule Luzern reisen wir nach Äthiopien. Vorort arbeiten wir mit lokalen Studenten an einem Hilfsprojekt und installieren Photovoltaikmodule. Zuerst aber ein Abstecher nach Frankfurt. Weiterlesen
FolgenÜbersichtÜbersichtKalenderKalenderFotosFotosTeilenTeilenBucket List
Neuste zuerst
  • PV-Help Äthiopien

    fischfarm🐟

    10. Februar 2023 in Äthiopien ⋅ ☀️ 29 °C

    hüt isch kollektiv d schuel gschwänzt worde, all schwizer inkl. dozent sind nöd uftaucht a de arba minch uni.😂 gmeinsam simmer uf d fischfarm vom lokale fischresti wo mehr vor paar täg bsuecht hend. er het eus sini farm zeigt & sini visione vorgstellt. es usbrennts krok hemmer au no vorgfunde.😳 mir schwizer hend natürli mal wieder s „best“ schuehwerk a gha… teils sogar s schlechtere als einti iheimischi.😅Weiterlesen

  • PV-Help Äthiopien
    12

    welcome to the jungel

    10. Februar 2023 in Äthiopien ⋅ ⛅ 27 °C

    am nami simmer d 40 springs go entdecke. d stadt arba minch isch denach benannt, bzw heisst 40 springs. mit ranger & guide (het eus netterrwis verarscht🙄) simmer in jungel zoge.🙈 uf em spaziergang hämmer diversi tier gsee & i drück gunne. bis mehr den zum final bi de quelle a cho sind & en schwum händ chöne neh.😊 the guide het eus au no paar versteckti plätzli zeigt und eus wie de tarzan uf ere liane lah schwinge.😌Weiterlesen

  • PV-Help Äthiopien

    up in the hills⛰️

    11. Februar 2023 in Äthiopien ⋅ 🌙 20 °C

    Nachere steile Uffahrt mitem Liniebus sind mir in Dosa ufem Berg ahcho. 😅
    Nachem Fotoshooting isches den direkt losgange mit de Tour dur s‘Dorf. 🤠
    Nebet de wunderschöne Webereie sind eus au die typische Elefantehüüser zeigt worde. 🐘🏠
    Als Abschluss hend mir fake bananas gesse und drü mal luut YOO YOO YOO id Luft gschroue. 😂🍌    Weiterlesen

  • PV-Help Äthiopien

    traditional dance💃🕺

    11. Februar 2023 in Äthiopien ⋅ 🌙 18 °C

    nach eusem znacht i de lodge händ die iheimische für eus ihre traditionell tanz vorgführ.🕺 bi selber erzügter melodie & gsang sind si ums für gümpft & hend tanzt.🔥 mir selber händ bi ihrem tanz den au dörfe mit mache. nach de show sind den einigi mit eus no länger ums für ghöcklet wo mer na chli trümmelet & gsunge hend.😊Weiterlesen

  • PV-Help Äthiopien

    sunrise🌅

    12. Februar 2023 in Äthiopien ⋅ ☀️ 19 °C

    de früeh vogel fangt de wurm - bzw. gseet de sunneufgang.😌 zur früene stund hämmer gnüsslich d sunne uf eus wirke lah & si bim ufgah beobachtet.😊 nahher hemmer es fruchtigs zmorge becho.😇

  • PV-Help Äthiopien

    street out of service

    14. Februar 2023 in Äthiopien ⋅ 🌙 16 °C

    nach de mep i de uni hämmer eus uf e langi autofahrt gmacht. nach guet 4h fahrt i eusem alt bekannte büsli simmer imne abglegne dorf a cho. ab da het gheisse wird ez gloffe, gwüssi hend gseit es segi 1km anderi seged 12km… es blibt also spannend. herzig i dem dorf isch gsie, wie die iheimische ganz neugierig eus beobachtet hend. gwüssi chli muettiger, anderi chli schücher. einigi hend eus welle d hand schüttele & anderi sind bimne „hello“ de vo grennt.😂😅Weiterlesen

  • PV-Help Äthiopien

    minus one person

    14. Februar 2023 in Äthiopien ⋅ 🌙 16 °C

    jep… es sind 12km.😂 nach churzer zyt hemmer festgstellt mir stönd vor ere 12km wanderig über stock & stei & nöd uf eme gmüetliche spaziergang.🤷‍♀️ wie mehr scho wüsset isch de gebäudetechniker bekannt für sini guet wahl vom schuehwerk.😂 mir sind 9km gwanderet & hend uf wem weg es dorf durquert. i dem dorf händs glaub no nie wissi mensche gse, jedefalls hends eus brutalschst usglacht.😂 aber es isch es mega herzlich gsi, gwunderig aber glich sehr vorsichtig & respektvoll sinds gsi. nach 9km ischs denn dunkel worde & ja ratet mal… genau mir hend öpert verlore.🤦‍♂️ zmizt in äthiopie im finstere simmer e person weniger gsi i de gruppe. d suechaktion het gstartet… am schluss het sich usegstellt, d person isch falsch abboge & ez eig sogar scho vor us & fast bim ziel.😂 die letschde 3km simmer den im finstere gloffe, zum glück isch niemert umkait.👍 im dorf simmer den vo de dorfälteste in empfang gno worde.😊Weiterlesen

  • PV-Help Äthiopien

    welcome to android

    14. Februar 2023 in Äthiopien ⋅ 🌙 15 °C

    im dorf simmer vo de dorfälteste in empfang gno worde. de culture leader & zwei witeri händ e asprach ghalte. si händ sich bedankt für euse support und eus gsägnet. zum dank hend si eus grösszügig en bull gschänkt.😅 jep eusi gruppe het ez en bull.😂 zur fiir vom tag, das mir ez da sind & ihne e pv alag bauet isch den de bull vor eusne auge au gaht gschlachtet worde (bilder sind nix für schwachi nerve).😳 recht idrücklich… nach dem spektakel hets den finally ebis z ässe geh.😂 nach 8h reis & em zmittag vo 3 banane isch das au fällig gsi.🤷‍♀️Weiterlesen

  • PV-Help Äthiopien
    1

    campside

    14. Februar 2023 in Äthiopien ⋅ ⛅ 14 °C

    muetig wie mehr sind, schlafe mir die nacht dusse under freiem sternehimmel. d sanitäralage hämmer au no erkundschaftet, wie mehr gseet isch das scheisshuus de neusti lowtec standard.🔥

  • PV-Help Äthiopien

    ethiopia cup

    15. Februar 2023 in Äthiopien

    Noch der harte arbeit hen mer am obet mit da iheimische zema tschuttet. der fussballplatz isch zwor extrem schräg gsi het viel löcher gha aber es sind am schluss alli unverletzt bliba. z resultat isch am schluss 1:1 gsi, das vor allem weg da grossartige leistige vu da beide goalis.Weiterlesen

  • PV-Help Äthiopien

    certificate☑️

    16. Februar 2023 in Äthiopien

    nach 2 erlebnisriche wuche, wo mehr viel idrück und erfahrige gsamlet hend und au viel glernt hend, simmer ez am endi a cho. hüt abig isch d zertifikationsfiir gsie & all studente wo s solar training bestande hend, hend eis becho. herzigerwiis hämmer au no es schwitzer sackmesser & es tshirt becho. es freut eus au sehr das so viel äthiopischi mitstudente mit eus zämme bestande händ.😊Weiterlesen

  • 2025© FindPenguins
  • Start
  • Über uns
  • Gruppen-Tracking
  • Presse
  • Nutzungsbedingungen
  • Datenschutz & Cookies
  • Hilfe-Center
  • Impressum