Sven und Mona on Tour

A 206-day adventure by Sven and Mona on tour Read more

Follow Insights Calendar Photos Share

Sven und Mona on Tour Traveler
1
1 1
San Blas Island
February 26, 2022 in Panama ⋅ ⛅ 26 °C
Cartagena - Panama

Woow was für en Boots Tour 😅.
First of all, vo 14 Lüt sind mir und 2 anderi nit Seekrank worde - ZUM GLÜCK 😁.
Nach 2 Nächt uf offener See, simmer denn im Paradies ahko #San Blas Island.
Kurz zämme gfasst: Super feins Ässe,
Mega tolli Gruppe und mega schöni Insle.Read more
Traveler Da werden Erinnerungen wach 😄
3/4/22Reply
Traveler was für eine coole Truppe, Abenteuer pur und Eindrücke für's Leben 🤗🏝
3/4/22Reply
Travelerwow mega!😍
3/4/22Reply
2 more comments
4 likes
Sven und Mona on Tour Traveler
1
2 1 1
Panma City
March 3, 2022 in Panama ⋅ ⛅ 30 °C
Nach enere spannende, ruggelige und nasse, würkli nasse Rückfahrt simmer guet in unserem Appartment ahko. De ersti Iidruck vo Panama City isch so überwältigend gsi. De Kontrast vo riesigi Hochhüser zum Stadteil, Casco Viejio (wo mir gsi sind) wo alles farbig und im spanische Styl baut isch, isch eifach idrücklich.
De Panamkanal isch würkli en Bsuech wärt gsi, obwohl nur uf Terasse hesch könne und USD 20.- "nur" zum luege wie Schiff schleuse chli vill gsi isch, ischs trozdem super spannend gsi.Read more
See translation
Traveler Ist das eure Hotel 🏨🤔
3/7/22Reply
Traveler Gseht jo lecker us was do uf em Grill brutzlet
3/7/22Reply
Traveler Ha grad e Doku über de Kanalbau gseh. Ghört zu de 7 neue Wältwunder. Verschleiss: 3 Chef Ingenieure und ca 5000 Toti. Die meiste us de agränzte Karibik Gebiet.
3/7/22Reply
3 more comments
4 likes
Sven und Mona on Tour Traveler
1
1
Santa Catalina - Diving
March 6, 2022 in Panama ⋅ ☀️ 31 °C
Nach 2 idrückliche Täg und früsch gwäschene Wösch, hemmer eus richtig Santa Catalina gmacht. Mit em Lokale Bus (USD 20.-) simmer guet 5 Stund unterwägs gsi. Es chlises Dörfli wo die meiste Touriste Schwizer, Dütschi und Holländer sind. Nach emene gmüetliche Tag hemmer eus spontan entschiede go Tauche. Das isch wohl die besti entscheidig ever gsi.
Vo Haie, Schildkröt über Tintefisch, Kugelfischli sowie chlini Mantas und diversi anderi Fisch - d'Vielfalt isch eifach atemberaubend gsi, darum hemmer eus au entschiede 3 Tauchgäng zmache (USD 170.- p.P inkl Usrüschtig etc.)
Nachem 2te Tauchgang hemmers Zmittag uf de Insle Coiba gha, es Paradies für sich sälber. Leider hend sie eus bis jetzt keini Föteli gschickt vode Tauchgäng...Read more
See translation
Traveler Das isch jo paradisisch.😘
3/13/22Reply
Traveler mega schön!Gugelhupf im Wasser mit Zuckerguss am Himmel!!
3/30/22Reply
8 likes
Sven und Mona on Tour Traveler
1
Bocas del Toro - Isla Colon
March 8, 2022 in Panama ⋅ ☀️ 26 °C
Mir sind vo beginn ah begeisteret gsi vo dere Inselgruppe.
Die erste 4 Nächt hämmer uf de Hauptinsle in Isla Colón verbrocht und sind mit de Velos zum Bluff Beach gfahre (cirla 50 Minute).
Mir hend en mega cooli Unterkunft gha, es het sich ahfühlt als wär meh im Jungel und d'Affe sind grad über eusem Hüsli vo Baum zu Baum gwanderet.Read more
See translation
TravelerGseht wirklich super us. Schnügge Hüsli. S'nägstmol paksch de Aff wo vorbiflitzt am Schwanz.💋😉
3/16/22Reply
Traveler die Venus hinter dem Feigenbaum,?Keine bequeme Stellung für längere Zeit oder?romantische Behausung!
3/30/22Reply
3 likes
Sven und Mona on Tour Traveler
2
Isla Solarte
March 12, 2022 in Panama ⋅ ☀️ 27 °C
Nach mega tolle Täg in Isla Colon simmer mitem Wassertaxi für cirla 3.- p.P zu eusere neue Unterkunft gfahre.
Mir sind die erste 2 Nächt imene Privatezimmer gsi, hend denn aber die 3 Nacht imene 6-er Dorm gschlofe was au voll easy gsi isch.
Mir hend so en lässigi Ziit gha, mega vill cooli Lüt kenneglernt und immer mega guet gässe.Read more
See translation
Traveler Isch jo irre toll!
3/16/22Reply
Traveler Das Pfauenrad ist ja gewaltig!solche Wunder! die Wasserrutsche wäre nichts für miich aber das anstossen im Kreise der Lieben schon. Auf euer aller Wohl und Geborgenheit!Sorgi
3/18/22Reply
3 likes
Sven und Mona on Tour Traveler
1
Isla Colon
March 15, 2022 in Panama ⋅ ⛅ 29 °C
Die letschte Täg hemmer denn in Isla Colon nomol verbrocht, hend 2 Nächt imene Hostel buecht, dos aber indem Hostel Ratte gha het, hemmer eus, also meh wäge mir, entschide die letscht Nacht neume anderst zverbringe 😅.
Am 16.3 isches denn richtig Puerto Viejo gange zu minere Fründin Alma 😁🥰Read more
See translation
Traveler Dä Kübel mit Bier isch nur für eu zwei💋
3/19/22Reply
Und jetzt sindr bi uns juhuuuii🥰 muess no e Kübel kaufe fürs Bier😂 [Alma]
3/19/22Reply
3 likes
Sven und Mona on Tour Traveler
Puerto Viejo
March 23, 2022 in Costa Rica ⋅ ⛅ 28 °C
Vo Bocas del Torro simmer mitem Bus nach Puerto Viejo greist wo mini Fründin, Alma mit Family wohnt.
Die ersti Wuche hemmer imene Airbnb Hüsli gwohnt und denn die zweit bi de Alma. Danke nomol 1000 für alles 😘.
Mir hend cooli Usflüg gmacht, super gässe, lässigi Strandtäg gha und hend no bizli dörfe schaffe (de sven weh wie ich 😉).
Mir hends mega gnosse und es het mol guet do chli länger neume z'sie.Read more
See translation
2 likes
Sven und Mona on Tour Traveler
Antigua - Acatenango Vulkan
April 1, 2022 in Guatemala ⋅ ☀️ 14 °C
Nachere fahrt miteme super Uber Fahrer simmer in Antigua ahko. Nach 2 Nächt zum "ahklimatisiere" hemmer eus entschide de Vulkan Acatenango z'bestige.
Was das für en challenge wird sie, hemmer nit erwartet. Bi 2200 ü.m hemmer gstartet und nach 4.5 Stund nur bärguf und de immer dünner wärdende luft, hemmer euses Camp ufem Vulkan bi 3700 ü.m erreicht. D'ahsträngig het sich meh als glohnt. Die fabelhafti ussicht direkt uf de aktivi Vulkan El Fuego isch me als atemberaubend gsi.
Nach gfühlte 2 Stunde schlof im Zelt simmer am 4i am morge ufgstande und hend de Sunneufgang gnosse. D'höchi oders s'ässe isch eus zwar nit so guet ko, aber villich grad wäge dem simmer richtig zügig durab gloffe 😅.
VULKAN bestige 🌋✔️Read more
See translation
Travelerwo Berge sich erheben da zeigt sich eine Pracht, da herrscht ein and,res Leben u.des Schöpfers Macht.
7/3/22Reply
3 likes
Sven und Mona on Tour Traveler
Lake Atitlan - San Pedro
April 3, 2022 in Guatemala ⋅ ☀️ 16 °C
Nach dere Wanderig hemmer eus entschiede richtig Lake Atitlan zfahre und im Städtli San Pedro eifach chille.
Das hemmer au würkli nur gmacht. Mir hend es mega tolls Airbnb gha, mitem wohl bequemste Bett ever und denn no 2x2 Meter - es Träumli.
Städtli isch total verwinklet mit ganz vill chline gässli, Tuck Tuck fahre isch jedes mol es erläbnis gsi. Fazit zu San Pedro: naja es isch okay gsi aber ehrlichgseit hemmer au nit würkli vill ahgluegt 😅Read more
See translation
1 like
Sven und Mona on Tour Traveler
2 1
El Paredon - ändlich wieder Meer
April 6, 2022 in Guatemala ⋅ ☀️ 31 °C
Nachem See simmer richtig Meer abe und sind im Surfer Spot El Paredon ahko. D'hiifahrt isch so luschtig gsi, hend euse Shuttel mitere Art Fähri uf El Paredon übere gfahre.
Mega cools Hostel, miteme lässige Pool.
Tagesablauf isch relativ chillig gsi, dos doch eher heiss gsi isch (fürs Möni perfekt 🤣)
Zmorge ässe, chli ans Meer go bädele, chli im Pool chille, znacht ässe und denn go schlofe 😅Read more
See translation
Traveler gseht jo super us👍😘
4/11/22Reply
Traveler hauptsach es schwümmt👍👍
4/11/22Reply
Hach was würd ich drum geh…☺️ gseht echt super us😊👍🏻
4/12/22Reply
Traveler der Kapitano liebt sein Schiff man siehts er hats im Griff,!weiterhin eine gute Reise !
4/14/22Reply
4 likes
Sven und Mona on Tour Traveler
1
Semana Santa - Antigua
April 10, 2022 in Guatemala ⋅ ⛅ 19 °C
Nach Strand und gemütlich chli sie, simmer zrugg uf Antiuga um Semana Santa (Ostere) zgnüsse.
Do fiire sie das ganz anderst - Föteli säge scho vill :).
Cooli Stimmig, richtig vill Lüt und eifach es Erläbnis wo eim in Erinnerig blibt.Read more
See translation
Traveler die Steiteppich muss i immer wieder aluga !Die sind eigach de Hammer 🔨
5/22/22Reply
3 likes
Sven und Mona on Tour Traveler
1
El Salvador
April 16, 2022 in El Salvador ⋅ ⛅ 29 °C
Nach Semana Santa in Antigua simmer per Shuttel also miteme chline Auto richtig El Salvador gfahre. Müehsami, heissi und langdurendi Reis miteme riise Stau an de Gränze. Aber mir hends gschafft und sind bi Fründe womer ufem Vulkan kenneglernt ahko. Sie passed für 5 Mönet uf en Surffarm uf. Gschlofe hemmer zerst bi ihne im Büsli und denn imene Hüsli vo de Farm. Super cooli Ziit gsi, händ gärtneret, bädelet, chillt und eifach en suuper cooli Wuche gha und gueti Fründe no dezue gwunne 😁.Read more
See translation
TravelerSuper. Das isch halt schöne am Reise. Meh lern e huffe Lüt kenne.
4/24/22Reply
Traveler Denk fast de glichi Stau wie bi eus an Ostere wen meh ins Tessin het wölle😎
4/24/22Reply
4 likes
Sven und Mona on Tour Traveler
Mexiko City Part 1
April 19, 2022 in Mexico ⋅ ☀️ 23 °C
Nach enere mega coole Wuche in El Salvador hemmer eus ufde Wäg richtig Mexiko City gmacht imene halb leere Flug.
Ahko in Mexiko hemmer in eused Airbnb icheckt und sind mol chli umegschlenderet.
Was für en cooli villsittigi Stadt. Mir hend eus denn Velos gmietet, sind in Zooli und hend eus eifach es paar cooli Sehenswürdigkeite ahgluegt.Read more
See translation
4 likes
Sven und Mona on Tour Traveler
1
Mexiko City Part 2
April 22, 2022 in Mexico ⋅ ⛅ 11 °C
Am halbi 5i het euse Wecker glütet und am halb 6i simmer abgholt worde zu eusere Ballonfahrt über d'Mond- und Sunnepyramide im Sunneufgang. Was für es einzigartigs, wunderschööns Erläbnis.
Am obe hemmer no en Tacos und Luncha Libre (Wrestling) Tour buecht. Es isch sooo witzig gsi, super Lüt kenneglernt und eifach en geile Obe gha. Fazit vo Mexico City: Absolut en super Stadt, mega feins Ässe, coole vibe und so liebi Mensche.Read more
See translation
Traveler OK. Jetzt bin i grad ab dene Maske verschrocke😭
4/26/22Reply
3 likes
Sven und Mona on Tour Traveler
1
1 1 2 1 2
Puerto Escondido
April 29, 2022 in Mexico ⋅ ⛅ 30 °C
Bi de Tour womer Luncha Libre sind go luege hemmer eini vo de Organisatorinne kenneglernt welli eus eifach Ihres 2te dihaime in Puerto Escondido, zumene super Priis, ahbote het.
D'Wohnig isch super härzig gsi, aber unterträglich heiss - also dementsprächend hemmer au nit würkli vill gschlofe 😅.
Mir hend chli die verschiedene Stränd ahgluegt und eus im chalte Meerwasser abküehlet. Mir wäre denn am Donnstig witteegloge, aber leider ischs mir am Mittwoch nit guet gange (au jetzt noni 100%) also hemmer eus entschiede de Flug canclle und euse Ufenthalt bis ufde Samstig zverlängere. Das isch absolut die richtigi Entscheidig gsi, so hemmer no chli meh könne gseh und sogar neu 2 chliini Schildkrötli (Pauli und Freddi) könne ufem Weg ins grosse witte Meer begleite.Read more
See translation
Traveler frischer geht es nicht 😄
5/1/22Reply
Traveler neugierige Tiere gibt es doch überall. so ein Exrmplar wie
5/2/22Reply
Traveler wie dich aber eben nur 1mal.
5/2/22Reply
5 more comments
5 likes
Sven und Mona on Tour Traveler
1 1 1 1 1 1 1 1
Guadalajara und Tequila
May 1, 2022 in Mexico ⋅ ⛅ 30 °C
Am Morge hemmer eus richtig Guadalajara ufgmacht und de Strand für es paar Täg hinder eus gloh. Guadalajara isch d'Stadt vom Tequila und de Mariachis. Sie isch au riiise gross und het vill zum aluege. Mexico City het eus aber besser gfalle und mir hend eus au wohler gfühlt. 2 mol im Monet, am Sunntig sperre sie d'Hauptstrosse ab und alli düüse mit ihre Velos ume und Tanze uf de Stross. Könnt mir inde Schwiiz aumol mache 😊.

Am 2te Tag simmer d'Stadt Tequila ( jo doe heisst würkli so) go ahluege. Do mir kei guete Abieter für en Tour gfunde hend simmer Städtli uf eigeni Fust go erkunde.
Vill Tequila, cools härzigs Städtli und aschliessende Tasting wo mir meh über Tequila hend dörfe lerne, hend de Tag zumene super Erläbnis gmacht.Read more
See translation
Travelersaugt die bunte Vielfalt auf und speichert für graue Tage alles was nur möglich ist. Grosi aber treibt es nicht zu bunt.....Grosi
5/6/22Reply
Traveler Immer am suffen 🍻
5/6/22Reply
Traveler so bunt brschirmt zu werden ist super. und so beschützt von oben sollt ihr sein. Sorgi
6/5/22Reply
6 more comments
4 likes
Sven und Mona on Tour Traveler
1
1 1
Sayulita
May 9, 2022 in Mexico ⋅ ☀️ 22 °C
Nach coole Täg in Guadalajara und Tequila simmer mitem Bus witter ins Bade- und Surfdörfli Sayulita. Mir hend eus nit vill vorgnoh do mir au mol Ziit brucht hend um die ganze Iidrück und Erläbnis revue passiere zloh. 7 Täg hemmer in dem Dörfli buechet und sind so happy das mir mol für en moment chli länger an eim Ort hend dörfe sii.
Sayulita het eus super gfalle wills es Dörfli gsi isch mit Charme wunderschöne Stränd und mir hend könne de Obe jewiils miteme feine Cantaritas (en Cocktail mit Tequila) usklinge lohRead more
See translation
Travelerchaibe schön😍
5/13/22Reply
Travelersolche Ruhezeiten brauchts einfach damit werden auch die Erinnerungen besser wach gehalten .trotzdem no viele fantastische Momente zum speichern und Freud und stuhne "Grosi
5/13/22Reply
Traveler Ich würd au gärn vor Ort si und die super Getränk (eins nach em andere) probire. Aber leider gits bi eus nüd so tolls oder de chasch es fast nid zahle😘
5/13/22Reply
2 more comments
3 likes
Sven und Mona on Tour Traveler
La Paz - 1. Stop of Baja California
May 10, 2022 in Mexico ⋅ ☀️ 25 °C
Ahko im Paradies 🥰.
Baja het eus vom 1. Moment ah verzauberet. In unsem Airbnb hemmer en Schwiizerin kenneglenrt wo in Mexiko City wohnt. Am 1. Obe hemmer super Gspröch gha und eus chlis über alles ustuscht 😀. Do mir die erste 2 Täg keis Auto gha hend het sie eus lieberwiis an die schönste Spots vo La Paz brocht. Wooow eifach nur woow. Mir gönd uf jede fall nomol zrugg und denn hemmer au meh fotis.Read more
See translation
TravelerHey, hät mega Spass g'macht, min latscht Ferietag mit euch z'verbringe ;)
5/22/22Reply
TravelerMenschen mit Herz findet man überall dazu braucht es nicht einmal ein Magnet!
6/5/22Reply
2 likes
Sven und Mona on Tour Traveler
1 4 2 1 1
Road Trip - Cabo San Lucas
May 13, 2022 in Mexico ⋅ ⛅ 24 °C
Euses Auto hemmer in Empfang gnoh in Todos Santos und sind grad richtig Cabo San Lucas düüset. Die erste 4 Nächt hemmer no es Airbnb gnoh. Ganz anderst La Paz vill Turistischer (praktisch nur Amis) und eis bis zwoi Bunker Hotel 😅.
S'Hilight vo Cabo San Lucas:
Wunderschöni Stränd
En Sanddüne bestigig imene Resort womer eus "inne gschliche hend"
Traumhafte SunneuntergangRead more
See translation
TravelerSchöni Bilder , me gseht wie dir das gniesset , liebe grüess Rita
5/20/22Reply
Traveler die Farben könnten nicht schöner sei 😍
5/20/22Reply
Traveler Ich meld Dich bei Germay Next Top Model an. 👍👍
5/20/22Reply
Traveler🤣 haha
5/20/22Reply
8 more comments
4 likes
Sven und Mona on Tour Traveler
San Jose del Cabo - Diving
May 16, 2022 in Mexico ⋅ ⛅ 30 °C
Nach emene super ufenthalt in Cabo San Lucas simmer witter nach San Jose del Cabo.
Städtli isch nomeh Bunkerhotel lastig und scho sehr amerikanisch aber wunderschön. Mir hend aber imene mega Härzige Hotel im Altstädtli gschlofe.
Am 2te Tag hemmer eus ufgmacht uf eusi zwei erste Taugäng. Leider nit sooo vill atemberaubens gseh aber mir hends gliich gfühlt 🥰Read more
See translation
Travelerlasst euch auch ohne atemberaubendes die kleinen Wunder und eventuellen Plunder zu bleibenden Erinnerungen werden. sie sind das Salz des Lebens!
6/3/22Reply
3 likes
Sven und Mona on Tour Traveler
1 1
Cabo Pulmo
May 18, 2022 in Mexico ⋅ ⛅ 27 °C
Nach de 2 erstr Tauchgäng hemmer Bluet gläckt und sind zum National Park Cabo Pulmo gfahre. Do hemmer au die ersti Nacht in unserem "Camper" am Strand verbrocht.
Gschlofe hemmer so einigermasse aber s'Feeling am Strand schlofe und de bezauberndi Sunneufgang könne erläbe isch eifach eimolig gsi 🥰.
Mir hend denn au do 2 Tauchgäng buechet und WOW was für 2 wunderschöni Tauchgäng. S'Hilight isch de riiiise Fischschwarm mit Jackfishes gsi und unde dra öbbe 8-10 Stachelroche. Ich hoffe das mir de einti Taucher no sini Fotis schickt, das mir das mit euch könne teile.Read more
See translation
TravelerHeia, Sooo schön. Cool👍👍🤗
5/23/22Reply
Traveler das schaut gut eingeteilt aus. fast wie ein Bienenhaus....für 2flotte Hummeln die bummeln. Grosi
5/23/22Reply
Traveler Ihr sind jo fast allei👍
5/24/22Reply
4 likes
Sven und Mona on Tour Traveler
1 2 1 2 2
La Paz
May 20, 2022 in Mexico ⋅ ☀️ 16 °C
Nach 2 super Tauchgäng in Pulmo simmer miteme zwüschestopp in Ventana nach La Paz gange womer grad nomol 4 Tauchgäng buchet hend 😄. Mir hend en super Guide gha und hend super cooli Sache Unterwasser erläbt:

1. Striichle und spille mit Seelöwe
2. Chlini Unterwasser Tierli wie farbigi Schnäcke
3. Delfine wo eus nachem Tauchgang bsuecht hend

und no vill vill meh 🥰

Gschlofe hemmer denn amene einsame Strand und hend euses feine Znacht bim Sumneuntergang gnosse. Leider isches mega windig gsi. Us dem Grund hemmer mir eus entschide die 2. Nacht imene Airbnb z'schlofe 😄Read more
See translation
Traveler ❤️
5/26/22Reply
Traveler Was für eine Tarnung 🌝
5/27/22Reply
Traveler ein liebenswerter Seebär!! mit Wassernixe. Gruss vom Heimchen am Herd!
5/27/22Reply
5 more comments
4 likes
Sven und Mona on Tour Traveler
1
La Ventana
May 24, 2022 in Mexico ⋅ 🌙 25 °C
Nach wunderbare Tauchgäng hemmer de Tipp beko, nomol uf La Ventana zgoh do Chance dört de Mobula Schwarm zgseh am grösschte isch im Moment. Mir hend nit lang überleit und hend eus wieder an eusem Campimgplatz für 2 Nächt igrichtet und hend die Schorcheltour buecht. Wooow es het sich meh als glohnt. Du sehsch wie d'Mobulas usem Wasser gumpe und denn gosch ganz liislig is Wasser und denn, BÄM en riiise Schwarm vo hunderte Mobulas. Mir hends kuum könne glaube und sind sicher öbbe 1 Stund im Wasser gsi und hend dene wunderschöne Tier zuegluegt wie sie im Wasser tanze. Es unglaublichs gfühl.
Nach dem Erläbnis simmer zrugg an euse Campingplatz und hend fein kocht, Stärne beobachtet und de Mobulas zueglost wie sie witter usem Wassrr gumpe :)Read more
See translation
TravelerSuper! Was für ein Naturspektakel. Einfach fantastisch👍
5/30/22Reply
TravelerMeeeeeeega!!! 🤩😆😁
5/30/22Reply
Mega😍😍
5/31/22Reply
Traveler fühlet euch wie der Fisch im Wasser oder derVogel in der Luft.....gesegnete Tage und geruhsame Nächte!Sorgi
6/1/22Reply
4 likes
Sven und Mona on Tour Traveler
Vo Mexiko uf Malaysia
June 1, 2022 in Malaysia ⋅ ⛅ 25 °C
Nach super 5 Mönet in Süd- und Zentralamerika hemmer eus entschiede en Kulturwächsel zmache und richtig Asie zgoh. Nach langem hin und her und unzählige Stunde de günstigsti Flug zfinde hemmer euses 1. Ziel in Asie gfunde.
Vo Mexiko City isches über Barcelona und Dubai nach Kuala Lumpur gange. 38 Stund isch de ganzi Spass gange, woow sind mir kaputt gsi 🤣.
De ersti Tag hemmer nit vill gmacht, die 13 Stund Ziitverschiebig und 2 Täg unterwägs sii hend schono gschluucht. Tag 2i simmer es bizli en dere riiiiesige Stadt umegloffe und hend alles chli gmüetlich gno :).Read more
See translation
5 likes
Sven und Mona on Tour Traveler
1 1
Langkawi
June 5, 2022 in Malaysia ⋅ ☁️ 28 °C
Nach es paar Täg inde Stadt simmer richtig Langkawi gfloge und hend 3 Täg uf dere Insle verbrocht. Mir hend en Roller gmietet und hend d'Insle chli erkundet.
Es isch mega gemütlich gsi aber hend irgendwie s'Feeling nit so ka.Read more
See translation
Traveler 🌝😍
6/13/22Reply
Traveler So romantisch 🌘
6/13/22Reply
Travelerlaut Bilder Romantik pur! es stimmt wie wir gesungen haben. wohlauf in Gottes schöne Welt lebe wohl ade, die Luft ist lau und grün das Feld...wir wandern mit dem Sonnenschein einfach in den Tag hinein...lasst euch überraschen und der Schutzengel mardchiere mit
6/14/22Reply
6 likes