Im Grundstein

in winthi hemmer chli usgschlofe und denn scho bald ahgfange zmittag koche, mer hend momos gmacht😍 s git no en viel grösseri arbeit als wasme denkt, aber iman het üs vorgwarnt🙈 mit de zit simmer „bitz“ im stress cho, oder segemer mol eher ii, willi so nervös worde bin weg de ganze 3-mönets-reis. iman und gionny hend mi denn zum bahnhof uf winthi gfahre, hend üs dött verabschiedet♥️ paar trääne sind gloffe.. und denn bini mitem zug richtig flughafe. dött hani denn d alissa ahtroffe und ab denn isch d nervosität weg gsi, mer hend üs eifach nurno gfreut!🥰 d alissa isch a dem tag vo ramosch bis zürri, sie het alles erst a dem tag packt😂. check-in und alles
mögliche het guet klappt. mer hend denn usgrechnet wiemer öppe im flugzüg schlofe söttend zum ide ziitverschiebig fo 7h scho langsam inecho, also dasmer schlofend wenn in bali nacht isch (temesta sött üs chli dabi helfe😋), willmer das so grechnet hend dassmer am ahfang vom flug no wach si söttend het d romana e cola kauft zum wach bliiebe. leider simmer denn nach 2-3mol überlegge druf cho dasmer das ganz falsch grechnet hend😂 romana het denn doch e rivella gnoh (willme das ja 3 mönet nüme kriegt🥹) und d cola fo 5.50 CHF isch spöter bim sicherheitscheck in qatar leiider in kübel cho🙈 im flügzüg hemmer denn üse platz gfunde und sind denn 5h bis uf qatar gfloge (zu de wm😉) hhaha - leider nur zum umstiige!Read more