Thoman

Nachdem mr hüt de Zmorge mal is Zimmer gliferet becho händ, sind mr gstärkt uf die letscht Küsteetappe und händ da en erschte Halt bi de Sea Ranch Chapel iigleit. Aschlüüsend händ mr na zwei Stränd agstüüret bevor mr dänn die lange Hose und Jagge gäge Shorts und T-Shirt tuuschet händ. Mir händ drum d Küste verlah und händ St. Helena im Napa Valley agstüüret, wo mr die nöchscht Nacht verbringed. Am Namitag acho, hät au scho es Wine Tasting i de Sutter Home Winery uf eus gwartet 🤩 Ohni grossi Erwartige hii, sind mr schlussendli doch sehr zfride usegloffe. Die 6 Wii wo mr händ dörfe probiere sind super gsi 🤤 und au die nett Dame wo eus betreut hät, hät Ihre Teil dezue biitreit.
Nachdem mr dänn au na euses Badzüüg zum erschte Mal i dene Ferie händ chöne montiere und en churze Gump in Hotelpool gmacht händ, ischs zum Znacht ines Chics Restaurant im Städtli gange.
En glungene Tag gaht z Änd...Read more