Summerferiä 19

De Domi und ich sind ziemli fesch im Räge umenand gfahre, d Chiisströssli sind zum teil rechti Bächli gsii :)
Wommer Zabig innere Beiz de Sämi, zämme mit de Angi, ennere Fründin vo ihre und dere ihri Eltere träffed, verzellt er ois, er segi chuum verregnet worde, heg nur es paar Tröpfli gspüürt. Schono spannend... paar Kilometer vonenand entfernt uf andere Route und mer het komplett anders Wätter.

Zrugg zu de Angi und co: sie het mal mitem Sämi ufem Zürisee gschaffet, isch uu e lustigi und au de rest isch sehr lässig gsii! Mer hend en suppergmüetliche Aabig gha und uf Empfehlig vo de Iiheimische ungwfähr de Platz da aagstüret. Sprich de Sämi isch mit sim Töff voruus und het ois denn a de wunderschöni Platz glotset :) Über "es paar Wurzle und vilicht chratzed mal paar Est am Austoo..." Die Uussag isch biizeli undertriebe gsii und mer hend de einzig Stei ufem Wäg auna tüpft. Aaber mer sind schlussändli heil da aacho.Read more